Private Thoughts of a Woman

ညစ်တီးညစ်ပတ် လူသိုက်

2011-11-21T16:11:00.003+08:00

လွတ်မြောက်သွားသူတွေအကြောင်း မတွေးမိအောင်နေတယ်
နားကို မလည်နိုင်ဘူး။
ခပ်မြှောက်မြှောက်နေဖို့ ကြိုးစားတယ် ဒရွတ်ဆွဲကြိုးစားတယ်
မည်သို့လုပ်လိုက်သည်မသိဆိုတဲ့ သိုင်းဝတ္ထုထဲကစကား ကြိုက်တယ်။
ရေလောင်းပေါင်းသင်မလုပ်ခဲ့ပဲ အရွက်ကြွေခါမှ လက်ညိုးထိုးနေပြန်တယ်
ခပ်ပြုံးပြုံးလုပ်နေရတယ်ဆိုတာ အပျော့စားသရော်ချက်ပဲ
မောတယ်။ ဒါပေမယ့် မထိရောက်ဘူး။

ငါ့အတွေးတွေ မအားဘူး
ထိုက်တန်တယ်ထင်လို့ အကုန်ချပေးလိုက်မှဖြင့် ၀က်စားစား ခွေးကိုက်ကိုက်
ငါကိုယ်က မိုက်ချင်တော့
အကြွေအအမ်း မရှိလို့ အတန်ကြီးလှူလိုက်ရတဲ့ လက်လုပ်လက်စားလို
သန်းခေါင်ယံကြီးမှာ အံတကြိတ်ကြိတ်
လူဖြစ်ရတာ တယ်မနှိပ်ပါဘူး။
လူစိတ်ကလေး တပဲသားပြပြီး အ,ကုသိုလ်အတုံးကြီးတက်။

တချို့လူတွေက
သားရှေ့မှာ ချွေးမကိုချစ်ပြတဲ့ ယောက္ခမတွေလိုပဲ
ခုဖြူလိုက် ခုပြာလိုက်
ဟော... ခုကြိုက်တယ် ခုမုန်းတယ်နဲ့ လာနောက်နေပြန်ပြီ
ရယ်လဲမရယ်ရဘူး။

နိုဝင်ဘာ ၂၀ရက်နေ့

2011-11-20T14:29:00.002+08:00

တပုံကနေ တပုံကူးရတဲ့ လောက်ကောင်လို
အခြေအနေတွေ ကာလာပြောင်းပေမယ့် အနံ့ဟောင်းတွေရနေတုန်းပဲ
ဟိုမှာ တယောက်
အကန်းတွေကို မျက်လုံးကျယ်ကျယ်ဖွင့်ကြည့်ဖို့ ဟောနေရင်းပျံတော်မူရှာ
ကျန်တာတွေအကုန် ဒုံရင်း။

မိုးရေထဲမှာရော မွန်းတည့်နေအောက်မှာရော တယောက်ထဲလျှောက်ခဲ့တယ်
တယောက်ထဲလျှောက်ဦးမယ်
ဒါတွေအကုန် ရင်ဆိုင်ဖို့
သတ္တိရှိစရာမလိုဘူး ချောင်ပိတ်ခံရဖို့ပဲလိုတယ်
ရိုက်တတ်ရင် ရုပ်ရှင်တောင်ဖြစ်နိုင်သေး။

သူငယ်ချင်း သူငယ်ချင်းနဲ့ နင်အတင်းပြောတဲ့ဖိုင်တွေ ငါ့ဆီရောက်လာတယ်
သူငယ်ချင်း သူငယ်ချင်းနဲ့ မပျော်ပဲ ချော်လဲရောထိုင်လုပ်တတ်ကြပြီ
သူငယ်ချင်း သူငယ်ချင်းနဲ့ ဘီယာပုလင်းလို ဈေးပေါပေါ အမြုပ်တစီစီ
သူငယ်ချင်း သူငယ်ချင်းနဲ့ ပေါ်ပင်တွေကြား တဟားဟား
သူငယ်ချင်း သူငယ်ချင်းနဲ့ နင့်နံမည်ရင်းတောင် ငါမေ့နိုင်ပြီ

ခေတ်ပညာဆိုတာ တောင်ထိပ်တခုရောက်သွားတိုင်း ရောက်သွားတိုင်း
မိန့်မိန့်ကြီးနဲ့ ကျေးဇူးတင်ခံဖို့ စောင့်နေတဲ့သူတွေကို ထုံပေပေ ကြည့်တတ်ရမယ်
ခေါင်းတညိမ့်ညိမ့်လုပ်ရင်းကလဲ နှလုံးမသွင်းပဲနေတတ်ရမယ်
သူတော်ကောင်းတရား ဟောကြားခွင့်လိုင်စင်ကို ခွေးသူခိုးများမှတ်ပုံတင်ထားတယ်
မျက်လုံးဖွင့်ပြီးတော့လဲ အိပ်မက်ဆိုးတွေ မက်တတ်ရမယ်
မျက်လုံးမှိတ်ထားလဲ ဘ၀ဆိုတာကတော့ ထိုနည်းလည်းကောင်း
ပြီးတော့ အရှည်ကြီးရယ် ... ပြီးမပြီးနိုင်ဘူး

တော်ရုံ ၀ဋ်ကြွေးမျိုးလား
စက္ကန့်တံ ခုန်ချနေတာကြည့်ရင်း မိုးလင်းသွားတယ်။

နှစ်ချုပ်

2011-11-09T17:05:00.002+08:00

နာကျင်နေတုန်း ခပ်ပြုံးပြုံးလုပ်ခဲ့သမျှ အခွင့်အရေးရခါမှ ဘာအဓိပ္ပါယ်ဆောင်မှန်းမသိတဲ့ အသံနဲ့အရောင် လှိုင်းအလျားတွေကို မျက်ရည်ကျပေးတတ်တဲ့သူ ဖြစ်မှန်းမသိဖြစ်ဖြစ်လာတယ်။ အနုပညာခံစားချက်ဆိုတာတွေကို အစာကြေဆေးလို အစားထိုးသုံးစွဲမိခဲ့တယ်။ မပြည့်ဝခဲ့တဲ့ တောင်းဆုတွေကို ဘယ်တုန်းကမှ တောင်းခဲ့တာမှမဟုတ်ပဲလို့ ဟန်လုပ်တတ်လာတဲ့ ၀ါရင့်အပျော်တမ်းသရုပ်ဆောင်ဖြစ်လာတယ်။

ဆွေမျိုးတော်စပ်မှု trauma တွေနဲ့ အခြား၆၀%သော မိန်းမတွေထဲက တယောက်သာဖြစ်တယ်။ အင်း ၇၀%လဲဖြစ်နိုင် ၈၀%လဲဖြစ်နိုင်တာပဲ။ ၉၀%ဆိုပိုနီးစပ်မယ်။ မိန်းမဖြစ်ရတာဟာ ပိုင်ရှင်ကိုနေ့တိုင်းရွှေတဥ ဥပေးတဲ့ငန်းတကောင်နဲ့ ပေါင်းသင်းနေထိုင်နေတဲ့ ငန်းမလိုပါပဲ။ လူလိုနားမလည်တတ်သူတွေကို လူတယောက်ရဲ့ အကောင်းဆုံးနားလည်မှုပေးဖို့ ငါ့လူဖြစ်မှုတွေပါ ပွန်းပဲ့ခံလိုက်ရတယ်။ တရေးနိုးလာရင် နာကျင်မှုသက်သာသွားပြီး အားအင်ပြည့်ဝခဲ့ဖူးတဲ့ ငယ်ဘ၀ကို အံ့အားသင့်မဆုံးချီးကျူးမိတယ်။ အစွမ်းကုန်စွန့်လွှတ်ခဲ့ပြီးတဲ့နောက် ကျေးဇူးတင်ဖို့တောင်းဆိုခံရတိုင်း မပျက်မကွက်ရယ်ချင်တယ်။ ထပ်ခါထပ်ခါ ထပ်ဖြစ်တယ် ထပ်ခါထပ်ခါ ရယ်ချင်တယ်။

ငါသေလို့ တစ္ဆေဖြစ်သွားရင် တရားမျှတမှုဆိုတာ ချစ်ခြင်းတရားလိုပဲ လိုရာဆွဲသုံးခေါင်းစဉ်တပ်ခံရတဲ့၊ ဘယ်တော့မှလူ့လောကမှာ တကယ်ရှိလာမှာမဟုတ်တဲ့၊ မကောင်းဆိုးဝါးတွေရဲ့ ပါးလုပ်ကျင်းခြင်းခံရဖို့ တညလုံးအေးစက်စက်စောင့်နေရတဲ့ ရေတခွက်သာသာပဲ ဖြစ်တယ်ဆိုတာကို လူအ ဒါမှမဟုတ် လူအဖြစ်ချင် ဟန်ဆောင်ပေးနေသူတွေကို ပြောပြဖို့ အဆက်မပြတ်ကြိုးစားမိမယ်။

ဟုတ်တယ် အရင်တုန်းကတော့ နောက်ဘ၀ကျ နိုဝင်ဘာမှနိုးထတဲ့ ပန်းတပွင့်ဖြစ်ချင်ခဲ့တာ။ ခုတော့ အဲဒီဆု တကယ်မတောင်းခဲ့ပေါင်လို့ ခပ်ပြူံးပြုံးပြောတတ်နေပြီ။ ဒဏ်ရာတွေ ပလပွနဲ့လဲ ကျေးဇူးတင်တတ်ပြီ အဖြစ်အပျက်တွေကို တခုမကျန် ဗလောင်းဗလဲ လုပ်ပြီး သူတော်ကောင်းလို့ဟစ်ကြွေးသူတွေကိုလဲ ဖက်လဲတကင်းလုပ်တတ်ပြီ။ ဘယ်လောက်ပေးပေး တောင်းမ၀နိုင်အောင် တောင်းတတ်သူတွေကိုလဲ သိပ်မအံ့သြပြဖို့ ကြိုးစားတတ်ပြီ။ ကိုယ်ချင်းစာတရားဆိုတာ တောင်းယူလို့လဲမရ တိုက်ယူလို့လဲမရဘူးဆိုတဲ့အကြောင်း ငါ့ကိုယ်ငါဖြောင်းဖျတတ်ခဲ့ပြီ။

သေခြင်းတရားဆိုတာကလဲ ဖိတ်ခေါ်တိုင်းမရကြောင်း သုံးနှစ်သုံးမိုးသင်ခန်းစာထဲမှာ အမှတ်ပြည့်ရခဲ့ပြီ။ ကံကောင်းလိုက်တာဆိုတဲ့ အသံကြားတိုင်း ကျေးဇူးတင်ပါတယ်လို့ တုံ့ပြန်တတ်တဲ့ ငါ့အသံကိုဘယ်ပြန်ညာပြန် ပစ်ရိုက်လိုက်ချင်တဲ့စိတ်နဲ့ ချဉ်တူးနေတဲ့အပေါစားအရက်ကို မူးပြီးရောဆိုပြီးမျိုချလိုက်မိတဲ့ လောကကြီးကို သနားစိတ်နဲ့ ။ ဘ၀ဆိုတာ ငါ့အပေါ်ဝီစကီပဲလောင်းပါ ကုတ်ပဲလောင်းပါလို့ တောင်းဆိုခွင့်မရှိတဲ့ ရေခဲတုံးလိုပဲ ငါးသေကောင်ပါးစပ်နားလဲ နေချင်နေရတာပဲမဟုတ်လား။ ငါကတော့ အေးစက်စက်ပဲ။ ဘာများထပ်လိုချင်သေးလို့တုန်း။

မျိုးသုဉ်းပျောက်ကွယ်သွားသော လူသားချင်းနားလည်မှု

2011-10-28T05:15:00.002+08:00

၃နှစ်၃မိုး ပျိုးထားတဲ့ကဗျာတပုဒ်ပါ ဘုရားလက်ထိုးအပ်လိုက်ခါမှ ဘာFontနဲ့လဲ အမေးရှိတော်မူတယ် နှလုံးသွေးနဲ့ လက်ရေးစာမူဆိုသည်များ ခေတ်တုန်းသွားပြီလား။ လောကဆေးရုံကြီးထဲက စိတ္တဇလူနာတွေလား ဒါမှမဟုတ် စိတ္တဇဆေးရုံထဲက လောကနာကြီးလား။ သက်တံကြီးက သီချင်းဆိုတယ် "...တရောင်ထဲခြယ် အရောင်မကွဲတယ် ~ ~ " အဲသလိုပဲ စိမ်းဖို့လန်းဖို့၊ အိုင်ဖုန်းကိုင်ဖို့၊ ဆိုရှယ်ကျဖို့၊ ဖက်ရှင်လှဖို့...

ဆရာမလေးက ဘ၀အနာဖေးတွေကွာကျလောက်အောင် ကျောက်သင်ပုန်းကို တဗြန်းဗြန်းရိုက်လိုက်တယ်..."ကဲ တညီထဲဆိုကြမယ် ကကြီးရေ က"

ကော်နက်ရှင်တက်လာတာနဲ့ နေပြည်တော်စာရေးမလေးက ပြည်ကြီးနယ်စပ်က၀ယ်လာတဲ့အိတ်ကလေးကို ပြပြပြီး ဒီအိတ်မျိုး အစစ်ရှိတာတောင် မသိဘူးလို့ ငြီးရှာတယ်။ အတုထင်မှာစိုးလို့ ရှိတာဝှက်ထားတဲ့ ကားမှန်တံခါးတွေနောက်ကို အဲဒီအသံမရောက်လိုက်ပါဘူး။ ပါတ်ဝန်းကျင်ညစ်ညမ်းမှုထဲမှာ သတင်းစကားလဲပါတယ်ဆိုရင် အကောင်းဆုံးကာကွယ်ဖို့ ကားပေါ်ကမဆင်းတော့ဘူး။ အေး ဒါနဲ့ ကားဆိုတဲ့အတိုင်း တကားကားဖြစ်ကြရတော့မယ်ဟေ့ ကားအသစ်တွေစီးမယ် စကားအသစ်တွေပြောမယ်။ လမ်းသစ်ကြီးကို လက်ညိုးထိုးပြီ ဟောဒီနေရာမှာ နက်ဖြန်ခါ ကျုပ်တို့စတားဘပ်ထိုင်ကြမယ်ရယ်လို့ ယိမ်းကြတယ်။ မိုးတွင်းကြီးပေါ့ ယိမ်းပြဖို့ လူလှလှရွေးကြတာနဲ့ပဲ ကလေးတွေလဲ မကလိုက်ရဘူး။ မနှစ်က ကလေးကိုပဲ ၀တ်စုံအသစ်နဲ့ပွဲထုတ်လိုက်ပါတော့လား အင်း အဲလိုပဲလုပ်လိုက်ကြတာပေါ့ သက်ပြင်းချ... အားနာသလိုအသံကိုတိုး.. ဟိုလေကျန်တာတွေကလည်း ဂြိုလ်ကျိုးလေးတွေမဟုတ်လား။

ရှူခင်းလှတာ မလှတာတွေ မဆိုင်ပါဘူးဗျာ အဲဟာတွေက အတုတွေပါ။ ဘယ်တုန်းက အစစ်ရဖူးလို့လဲ။ ဒုတိယအကောင်းဆုံးဆိုတာ အသုံးကျလိုကျငြား သိမ်းဆည်းထားရတဲ့ဒန်ဖလားကြီးလိုပါပဲ အချိန်စီးပြီးဝယ်သူရှိဖို့ပဲ လိုတယ်။

ဘုန်းကြီးက မနေ့ကငါ့တကာ... အင်း ကားတွေများလာလို့က ဆီဒိုးနားမှာ ပါတ်ကင်ခက်ဦးမယ်တဲ့။ အပေါစားကိတ်ကို ခရင်အုပ်ထားသမျှ ၀ါးလာရတယ်လို့ မညည်းဘူးနော်။ လက်ဖွဲ့လိုက်ရတာနဲ့ လူ့မလိုင်ပွဲ ခနထိုင်နွှဲရတာ မတန်ဘူးလို့ မညည်းဘူးနော်။ ခမျာ... တော်ရှာတယ်လို့ မိန့်သွားတယ်။ ကောင်းတာကိုကြည့်ကြမယ်လား။ မေ့ကွက်ကိုရှာဆိုတာ သီချင်းသက်သက်ပါဘုရာ့ လူ့ဦးနှောက်က Post-it လို ဖြတ်ဖြတ်နဲ့ဆွဲထုတ်လိုက်လို့ ရသမို့လားဘုရာ့။

ဒီလိုပါ... တော်ရာမှနေရတယ် စကော်လာပေကိုး လေအတိုးမှာ ကော်လာဖြူပေါ် ဖုန်မှုန့်များ လာတင်သလားလို့ တဘုတ်ဘုတ်ခါပြလိုက်သေး။ ဒီတခါဘယ်သူမှမဖတ်တဲ့ စာတမ်းက ရွှေပြည်တော် မျှော်တိုင်းဝေး... ။ ။

အိမ်ပြန်လမ်း

2010-11-25T22:55:00.002+08:00

ချိုးဖြူတွေဟာ ရင်ကြပ်နေတဲ့ သင်္ကေတတွေပါ
ကမ္ဘာကြီး တကယ်မငြိမ်းချမ်းဘူး
ဖဲကြိုးတွေနဲ့ အလှဲမထိုးနိုင်ဘူး ပန်းပွင့်တွေက လမ်းမဖွင့်ဘူး

အနှစ်သာရဆိုသည်မှာ... ကို ငြင်းနေကြတာနဲ့ပဲ
ကဲ... ဘယ်မလဲ အနှစ်သာရ

ထွေးပွေ့ထားတဲ့ကလေးကြီး အိပ်မောကျရအောင်
ခဏလောက်ပါးစပ်ပိတ် တိတ်ကြပါတော့
စိတ်မချရတဲ့ မနက်ဖြန်ဆိုတာထဲမှာ
နှစ်ခြိုက်စွာပြုံးပြီး နှိုးထလာပါ ကလေးရေ

ဖဲကြိုးတွေခေါက်ချိုးအရောင်ဆိုးလို့ ဖဲကြိုးတွေပြ ရှိတာချရောင်းနေတဲ့
ရင်ကြပ်ချိုးဖြူတွေမြင်ရသမျှမှာ
ရိုးသားမှုတွေဖောင်းပွနေပါတဲ့
အဲ့သလို ပရိုပိုဆယ်ဗလပွ ဈေးခေါ်သံတွေကြားရသမျှမှာ
နေ့တာတွေရှည်လျားတတ်လို့ အားအင်တွေလိုတယ်
အိပ်မက်တွေချိုမယ်ဆိုရင် ဒီလိုသာအိပ်စက်နေစမ်းပါ့
လျှောက်ရမယ့်လမ်းက လှမ်းသေးတယ် ကလေးကြီးရယ်...

အချစ်ကဗျာ ၂

2010-11-18T21:40:00.003+08:00

ဒီကဗျာက ကိုယ်ရေးကိုယ်တာ
ဘာသာပြန်ပေါ်မူတည်ပြီး
ရောင်ပြန်ဟပ်နေရတဲ့ တလောကလုံးက
နှမြောရက်နဲ့သုံးမရတဲ့ ရက်လွန်ကြက်ဥ

ပုရွက်ဆိတ်တက်နေတဲ့ မုန့်ကြွေအစအနများလို
အရေးအသားအတိုအစတွေကို ရှင်းလင်းလိုက်
လေပွေသယ်လာတဲ့ ဖုန်လုံးကြီးလို
ဆွေးနွေးငြင်းခုန်မှုတွေကို တံခါးပိတ်ထားလိုက်

ချစ်ခြင်းတရားရဲ့ကကြိုးတွေက
တို့နှစ်ယောက်ဥယျာဉ်ထဲက အော်ဂဲနစ်ဆလတ်ရွက်စိမ်းစိမ်းလေး
မနက်အလင်းတွေဟာ မြက်ခင်းပြင်ထဲက စကားဝှက်
တယောက်မျက်နှာမှာ တယောက်ပွင့်တဲ့ နေကြာပန်းများ
မိုးဦးဖားသူငယ်နှစ်ကောင်လို ဂီတကိုစားမြုံ့ပြန်ရင်း
ငြိမ်းချမ်းမှုဟာအဆုံးမရှိတဲ့သီချင်း

စိတ်အာရုံကင်းဗတ်စမှာ
လာထိတွေ့နေတဲ့ အလင်းအမှောင်များဟာ ချိုမြိန်မဆုံးတော့
ပြောဦး
ပြောဦး........
ငါဟာ ပန်းသီးစိမ်းပေါ်မှာ
ပြုံးရင်းအိပ်မက်နေတဲ့
လိပ်ပြာနက်တကောင်လား.......

အချစ်ကဗျာ ၁

2010-11-02T13:15:00.002+08:00

သုံးနှစ်သုံးမိုးစပါယ်ပင်အကြောင်း အမေ့ကိုဖုန်းဆက်တယ်
စပါယ်ဖြူတွေ အမြဲပွင့်တဲ့ခြံထဲကနေ
အမေကတော့ ပြုံးနေသလား

နှင်းမှုန်တွေကို သယ်ဆောင်ပြီး
စွမ်းသမျှရမ်းကားလိုက်ပါ မြောက်ပြန်လေ
ဟိမ၀န္တာအစွန်ဖျားကနေ
တယောက်ခါးတယောက်ဖက် လေပြင်းကိုဆန်တက်ခဲ့ပြီးပြီ

ဘယ်မိုးမှုန်ခါးခါးက ဒီမြင်ကွင်းတွေကိုဝါးစေနိုင်သလဲ
ဟော်ကိုင်းဒိုးညတွေထဲ
တယောက်ပုံပြင်မှာတယောက်အိပ်မောကျ
တယောက်သောကကို တယောက်သန့်စင်စေခဲ့ပြီ

ဘယ်နွေညက ကန္တာရလို သံသယတွေတံလျှပ်ထစေနိုင်လဲ
ကော်လိုရာဒိုမြက်ခင်းများကြားမှာ
တယောက်ကိုတယောက် ကော်ဖီလိုသောက်သုံး
တယောက်ကိုတယောက် ပြုံးပြုံးကြီးကျရှုံးလိုက်ပြီ

ချစ်ခြင်းတရားကြားခံနယ်တခုထဲ
ဘ၀တွေဝေမျှ ရှင်သန်ခဲ့ကြပြီးမှ
လောကဓံဆိုတာ ဟာသပဲ

စပါယ်တွေဖူးပြီ နိုဝင်ဘာ
ကဲ... ချမ်းလိုက်စမ်းပါ ဆောင်းရယ်
စပါယ်ဖြူတွေပွင့်ဖို့ ရက်လေးဆယ်လိုတယ်

အတုရိုင်းရိုင်းတွေကြား တွားသွားနေရတဲ့ နေ့တွေ

2010-08-28T02:55:00.003+08:00

လူတွေ ယဉ်ကျေးလာတာနဲ့အမျှ ရောင်းဝယ်ဖောက်ကားမှုတွေ တိုးတက်လာတယ် တဲ့လေ... အာပေါင်အာရင်းသန်သန်နဲ့ ပြောနေတဲ့လူကို ကြည့်ရင်း ရယ်ချင်လာတယ်။ လေအေးစက်ကအေးစက်လွန်းတယ်။ တက္ကသိုလ်ကြီးကြီးကထွက်လာတဲ့ ခေါင်းသေးသေးတလုံးဘေးနား ဗလာကျင်းနေတဲ့ခေါင်းတွေ ကြက်အစာကောက်သလို တဆတ်ဆတ်ငြိမ့်နေကြတယ်။ ဒါပဲလား။ ခပ်ပေါပေါ အတိုင်အဖောက်တွေ မခံစားနိုင်တော့ဘူး။

evaluation တခုအတွက် ရပ်ကွက်တခုက ဆေးခန်းလေးတွေကို သွားစောင့်ကြည့်နေရတဲ့နေ့တွေကို သတိရတယ်။ မဟုတ်ဘူး... အမှန်တော့ လမ်းထိပ်အုတ်ခုံရဲ့ မျက်စောင်းထိုးက ငါးပိဆိုင်ကို သတိရနေတာပဲ။ အင်း အတိအကျပြောရရင် အဲဒီမြောင်းပုပ်ပေါ်မေးတင်ထားတဲ့ အိမ်ဆိုင်လေးရဲ့ ငါးပိဇလုံနဲ့ ငရုတ်သီးမှုန့်ဇလုံကြားက ဂဏန်းပေါင်းစက်တလုံးကို သတိရမိတာပဲ။ ကြည့်စမ်း ဒီလောက်နံစော်နေတဲ့နေရာက ဆိုင်ကုပ်ကုပ်လေး ဘယ်လောက်လက်မလည်သလဲ ဂဏန်းပေါင်းစက်သေးသေးလေးနဲ့တောင် တွက်ချက်ယူရတယ်။ လူတွေ အပုပ်အစပ် မက်မောကြပုံများ...

စိတ်ထဲကနေတောင် အပုပ်နံ့တွေရလိုက်သလိုပဲ .. ရှေ့တည့်တည့်က ရေကန်ကိုငေးကြည့်ပြီး အာရုံကိုလွှဲလိုက်ရတယ်။ အဆောက်အဦတွေဆောက်ဖို့ တူးလိုက်တဲ့မြေတွေ လာပုံထားတဲ့နေရာမှာ တောင်ကုန်းကလေးတွေတောင် ဖြစ်နေပါလား... လူလုပ်တောင်ကုန်းပေါ့ ... တောင်ကုန်းလေးတွေပေါ်မှာမြူခိုးတွေဝေနေတယ်ထင်လိုက်တာ ဘယ်ဟုတ်မလဲ စီးကရက်မီးခိုးတွေကို ဖြတ်ပြီးကြည့်နေမိတာပဲ ထင်ယောင်ထင်မှားတွေ... ရေကန်ထဲကရေတွေကလဲ မနည်းကိုသွယ်ယူပြီး ကြိုးကြိုးစားစားထည့်ထားကြတာပဲ ကြည့်စမ်း ရေပိုက်တွေမှ မနည်းပါပဲလား။ အတုတွေပဲ ...

အားလုံး လုပ်ကြံထားတာပဲ ယိုသူမရှက် မြင်သူရှက်တယ် ဟုတ်တယ် ငါပဲ ရှက်ပေးလိုက်တော့မယ်... နေထိုင်ရတာပင်ပန်းတယ်။ တော်တော်ပင်ပန်းတယ၊် ငြီးငွေ့တယ်၊ ခံတွင်းချဉ်တယ်။ အားနာစိတ်တခုနဲ့ ထွီကနဲထွေးချင်စိတ်တွေကို ထုပ်ပိုးထားတယ်။ အားနာတယ်ဆိုတာ ကြောက်စိတ်ပဲလို့ ငါပြောခဲ့တယ်။ အနာပေါ်တုတ်ကျ ဒေါသတွေအတွက် ငါဖြေဆေးမပေးတတ်ဘူး။ လေးလံတယ်။

ငါးပိဇလုံနားကဂဏန်းပေါင်းစက် ငါ့ကိုမတွက်ချက်ပါနဲ့။ ငါ့ကို ကိန်းဂဏန်းနဲ့အစားမထိုးပါနဲ့။ ညီမျှခြင်းမချပါနဲ့။ လူတွေဟာ ဘယ်အခါမှ လူဖြစ်ခြင်းကို ငြင်းဆန်ကြသလဲ။ လူကို လူလို မမြင်တဲ့အခါလား။ ကိုယ်တယောက်ထဲ ကိုယ်တစုထဲကသာလူလို့ မြင်တဲ့အခါလား။ လူတယောက်ရဲ့ အတ္တဟာ တခြားဘာကိုမှရှင်သန်ခွင့် မပေးနိုင်လောက်အောင် ကြီးထွားထက်သန်တတ်သလား။ အဖြေတွေကို ကြိုမျှော်လင့်တယ် ရသမျှအားလုံးကို တန်ဖိုးချလိုက်ကြတယ်။ တွက်ကြည့်လိုက်တော့ ဘာအဖြေထွက်သလဲ။ လူသေရင် ငါးပိတဆယ်သားလောက်တောင်မှ မတန်ပါပဲကလား ဘာလို့ပင်ပန်းတကြီးတွက်ကြသလဲ။

အရာရာကို ကုန်ပစ္စည်းအဖြစ်ပြောင်းလိုက်နိုင်ပြီ လူတွေဂုဏ်ယူနေကြတယ်။ သံတမန်ဆန်တယ်၊ ကုန်သည်ဆန်တယ်၊ ကြေးစားဆန်တယ်၊ စစ်ရေးသွေးတိုးစမ်းမှုဆန်တယ်၊ အလုအယက်ပဲ ရောင်းတန်းဝင်ဖို့ ပုပ်စပ်ပစ်လိုက်ကြတယ်။ အရှိန်အဟုန်က ကူးစက်ရောဂါသယ်ဆောင်လာတဲ့ အနံ့အသက်လို ပြင်းထန်တယ်။

လူပီသမှုရဲ့ ရန်သူဟာ လူပဲ။ ချစ်ခြင်းတရားရဲ့ရန်သူဟာ လူပဲ။ အစကတည်းက အကောင်းဆုံးကိုပေးခဲ့ပြီးပြီ။ ကဲ... ငန်းကို ရင်ခွဲသတ်လိုက်ကြတော့။ ။

စိတ်ပျက်စရာကောင်းလောက်အောင် ပုံမှန်ဖြစ်နေတဲ့ည

2010-06-21T02:03:00.003+08:00

အနက်ရောင်ညရဲ့ အလွှာအထပ်ထပ်ခြုံပြီး
တဖြည်းဖြည်းရှပ်တိုက်လာတတ်တဲ့
အိပ်မပျော်ခြင်းမိတ်ဆွေကြီးရေ
ဘ၀ဆိုတာလဲ ထင်သလိုမလေးနက်ပါဘူး
သေခြင်းတရားဆိုတာကလဲ ထင်ကြသလောက်မခက်ခဲဘူး
အားလပ်လွန်းခြင်းမှာ အတွေးအခေါ်တွေထည့် လေးလံပြမနေကြပါစို့နဲ့

ဒီလိုခေါင်းချင်းဆိုင်ပြီး
သန်းခေါင်ကျော်မှာ အပစ်အခတ်ရပ်စဲလိုက်ကြတယ်။
ငါကလဲ အိပ်မပျော်ခြင်းကိုမောင်းမထုတ်
အိပ်မပျော်ခြင်းကလဲ ငါ့ကိုမငြင်းဆန်
မုန်းတီးစွာသင့်မြတ်ငြိမ်သက်လို့ နေအထွက်ကိုစောင့်ကြတယ်

ငါရယ်၊ အိပ်မပျော်ခြင်းမိတ်ဆွေကြီးရယ်၊
ပြီးတော့
ပူနွေးလာတဲ့ကမ္ဘာကြီးကို ကျီးလန့်စာစားနေရှာတဲ့ ငါ့ဇီဇ၀ါပန်းပင်လေးရယ်၊
ဟိုးအဝေးကြီးမှာ ဝေးကျန်ခဲ့ပြီဖြစ်တဲ့
ငါတို့ရဲ့မြက်ခင်းစိမ်းစိမ်းလို၊ လမ်းမီးမှိန်မှိန်လေးလို၊ လထွက်ချိန်လေးလိုပဲ
မနေ့ကဆိုတာကြီးကို ထားခဲ့ဖို့ နောက်တနေ့ကိုစောင့်ကြတယ်

ဒုံရင်းဖြစ်လိုက်ရတဲ့ ဒုံရင်း

2010-06-14T00:02:00.002+08:00

ချောင်ပိတ်ခံထားရတဲ့ မိုးတိမ်လို
ညသန်းခေါင်ထောင့်ချိုးမှာ ငိုချလိုက်တယ်
ဒီထက်ပြိုကျစရာ ဘာဆိုဘာမှမရှိခဲ့လေဘူး

စိတ်ကူး ပုရစ်ဖူးတွေလား အကုန်အစိမ်းကြွေကြွေတယ်
တနင်္ဂနွေတွေသာများလာရောပဲ

အကောင်းတကာ့အကောင်းဆုံး အကြောင်းပြချက်တွေကြောင့်
ပယ်ချခံလိုက်ရတဲ့
မခိုင်လုံကြောင်းသက်သေပြခံလိုက်ရတဲ့
ထွက်ဆိုစရာသက်သေမရှိလိုက်တဲ့
ရှိစုမဲ့စုသစ်တောကလေးလို ကြိုးတိုကျဲတဲ မျှော်လင့်ချက်တွေက
ကြည့်စမ်း
အငြိုးတကြီး တောမီးဖြတ်နင်းသွားသလို ပြာကျပစ်လိုက်ရ
ဒူးထောက်လိုက်ရ
တောင်းဆိုခွင့်တွေ ဖြတ်ရိုက်ခံလိုက်ရ

ခံစားနားလည်သူမရှိတော့တဲ့ အသံတိတ်ရုပ်ရှင်တခန်းလို
ပြောင်းလဲပြနေတဲ့ပိတ်ကား အပိုသက်သက်ဖြစ်ရ
ပြောနိုင်တဲ့သူတွေကြားမှာ အမှန်တရားဟာ လုပ်ချင်ရာလုပ် ဖယောင်းဖြစ်ရ
တောင်းချင်ရာတောင်း ပလပ်စတစ်ခွက်ဖြစ်ရ
သုံးချင်သလိုသုံး အချစ်ဆိုတာကြီးဖြစ်ရ ကဗျာလှလှပါအဆစ်ထည့်လိုက်ကြ

ဒီလိုတဖက်စောင်းနင်းတွေ တင်းကြမ်းဖြစ်နေမှတော့
စိတ်လိုလက်ရ ဆွံ့အပစ်လိုက်တယ်

အော်သံ

2010-06-11T01:28:00.001+08:00

ငါတို့တွေ ငှက်တွေလိုပျံသန်းသွားစဉ်တုန်းက
ငှက်တွေပျံသန်းသွားတဲ့အခါ သစ်ပင်ကြီးတပင်တည်း ကျန်ခဲ့သလို
ကလေးတွေကျောင်းဆင်းသွားတဲ့ စာသင်ကျောင်းတခုလို
မှန်ဘီဒိုထဲ ထည့်စီလိုက်ရတဲ့ ကော်ဖီခွက်တွေကို ငေးရင်း အမေတယောက်ထဲ ကျန်ခဲ့တဲ့အခါ
ဘယ်လိုစကားနဲ့မှ မနှစ်သိမ့်ပေးလိုက်ရဘူး။
မနှစ်သိမ့်ပေးခဲ့ဘူး။

မေတ္တာတရားတွေ မလုံလောက်တော့တဲ့အခါမှ
ဖြတ်သန်းရာလမ်းတွေ သိပ်ေ၀၀ါးတဲ့အခါမှ
ရာသီဥတုတွေ သိပ်အေးစက်တဲ့အခါမှ
အော်ဟစ်မိတယ်
ဘာလို့ပျံသန်းဖို့ မွေးဖွားလာတယ်လို့ ထင်ရတာလဲ
ငါအရူးပဲ
ဒီလိုအော်ဟစ်မိတယ်… အားလုံးအရူးတွေပဲ

ငါအိမ်ကိုပြန်တော့မယ်လို့ ကိုယ့်ကိုယ်ကိုလှည့်စားရင်း
စိတ်ညစ်ပတ်တဲ့လူတွေရဲ့ ဆူနေတဲ့အသံတွေကြားမှာနေတယ်
တခါတလေလဲ စိတ်ကျနေတဲ့လူတွေရဲ့ တိတ်ဆိတ်မှုနားမှာနေတယ်
သက်တမ်းတိုပေါင်းပင်တပင်လိုပဲ နေပူပူမိုးရွာရွာ
ဒီမှာ နေမြဲနေတယ်။ နေပစ်လိုက်တယ်။

မင်းတို့လဲ
အာဃာတမျက်အိမ်ကျဉ်းကျဉ်းတွေနဲ့ ငါ့နောက်ကျောမှာ ဓါးအမြဲဝဲမနေနဲ့
ဘယ်မှာလဲ မင်းဘ၀၊ သူ့ဘ၀
ရှုပ်ယှက်ခတ်နေတဲ့ ကြွားလုံးခပ်လှလှတွေကိုမက်ပြီး
ဒီလိုပဲဆက်ပြီး
ကိုယ့်ဘ၀ကိုယ်ဖက်ပြီး နေပစ်လိုက်ကြစမ်းပါ

ဖြစ်မြဲဖြစ်စဉ်အတိုင်း
ကိုယ့်ကိုယ်ကို ငှက်တွေလို့ထင်မြဲထင်ပြီး
ဒီလိုနေရာကြီးမှာတောင် တောထအောင် ပိန်းပစ်လိုက်ကြတာပေါ့

အချိန်ကာလ၊ နေရာဒေသနဲ့ စိတ္တဇ

2010-06-08T23:27:00.001+08:00

ပိန်ကျစ်ကျစ်နဲ့ ဆတ်စလူးဆက်ရက်တွေ မြူးတတ်တဲ့
ကော်ရစ်ဒါ စပ်ကူးက မြက်ခင်းစိမ်းစိမ်းတွေမှာ
အရင်းတွေက အဖျားတက်ဖြစ်လာ အဖျားတွေက မြက်ရိတ်စက်ထဲပါသွား
နှစ်ပေါင်းများစွာဝေးကွာသွားပြီးတဲ့နောက်
မနေ့ကမှ ထွက်ခွာခဲ့သလို နာကျင်မြဲနာကျင်စွာ ပြန်ရောက်လာပြီးနောက်
ဒီခြေထောက်အောက်ကမြက်တွေဟာ ဟိုတခါက မြက်ပင်တွေပါလို့ ထင်မှတ်မှား

ငယ်ဘ၀နေ့ရက်တွေလို
သံချေးတက်သွားပြီဖြစ်တဲ့ ရေပန်းများအောက်မှာ
တစုံတယောက် မေ့လျော့ထားခဲ့တဲ့ သောက်လက်စကော်ဖီခွက်ထဲမှာ
မှတ်ပုံတင်နံပါတ်ကလွဲလို့ ဘာမှမမေးတတ်ခဲ့တဲ့ လုံခြုံရေးတဲပြာလေးရှေ့မှာ
အရူးဆောင်တခုလုံး တပြိုင်နက်ထအော်သလို အလန့်တကြားပွင့်တတ်တဲ့ ပိတောက်ပင်တန်းတွေကြားမှာ
ကျောက်ခင်းလမ်းဖြစ်သွားတဲ့ ဖုံထူထူမြေလမ်းလေးရဲ့ ခြေရာတွေကြားမှာ
ဘယ်သူကမှပြန်တောင်းမဆိုတဲ့ ပျောက်ဆုံးပစ္စည်းတွေလို
မှတ်မိခြင်းတွေကို သတိရခြင်းတွေကို လွမ်းဆွတ်ခြင်းတွေကို အရာရာကို
မေ့လျော့ထားရစ်ခဲ့ကြ၊ ထားခဲ့ကြရ။

နောက်ဖက်ကိုလှည့်ကြည့်လိုက်တိုင်း ဘာမှမတွေ့ရပေမယ့်
ဘာမှရှိမနေတာကိုပဲ ကြောက်နေမိတာလား
ဟိုး နှစ်ပေါင်းများစွာကလိုပဲ ခေါင်းငိုက်စိုက်ကျလို့
ဒီခြေထောက်အောက်ကမြက်တွေဟာ ဟိုတခါက မြက်ပင်တွေပါလို့ ထင်မှတ်မှားရင်း
ဒီအတိုင်းပဲ ပြန်လှည့်ထွက်လာခဲ့ရ... ။ ။

မိသားစုတွေ့ဆုံပွဲ

2010-01-18T20:25:00.001+08:00

အဲဒီနေ့က အပြာနုရောင်ရှပ်အင်္ကျီစ တဖျတ်ဖျတ်လွင့်နေတယ်
နေရောင်တွေ၊ စကားသံတွေ၊ ငါ့စိတ်တွေရောပဲ
ရယ်သံတွေကြားမှာ ကော်ဖီရနံ့တွေကြားမှာ
အတွေးစတွေ အစီအစဉ်ကျနမှုကို ငြင်းဆန်နေရာယူပစ်ကြ

မိသားစုဆိုတာ ရေပူဖောင်းလေးရဲ့ အရှေ့နဲ့အနောက် နံရံတွေလို
တဖက်စီ ပြီးတော့ဆက်လျက်သား
ပြီးတော့တခဏလေးပါပဲလား
ဒါပေမယ့် တခဏလေးက ခဏခဏပြန်ပြန် ဖြစ်ကြရ အဲ့သလိုဘုရားဟောတာပဲ
ငါကတော့ အပြင်ဖက်မျက်နှာလှည့်ချင်တဲ့ ပူဖောင်းနံရံပေါ့
မပေါက်ကွဲခင်အထိ စိတ်ကျဉ်းကြပ်မိ အဲဒီအတွက် ပြန်အားနာမိ
ကိုယ်ပိုင်ပူဖောင်းတည်ဆောက်သွားသူတွေကို အားကျမိ
တချိန်ထဲမှာပဲ နောက်ပူဖောင်းတလုံးမှာ နံရံတဖက်ထပ်ဖြစ်ရမှာ ကြောက်ရွံ့မိ

ချေး(ဂျီး)ကတော့ ခပ်များများပဲ
ရွေးစရာတော့ခပ်များများမရှိဘူး
သနားချင်သပဆို ခင်ဗျားက ရယ်ပြီးမွေးဖွားလာရလို့လား

တဖျတ်ဖျတ်လွင့်နေတဲ့ ရှပ်အင်္ကျီစကလွဲလို့ ဘာမှကိုမမှတ်မိတော့ဘူး။

စုန်းစိတ်ပေါက်နေတဲ့ ပန်းသီးလေးတွေ

2010-01-14T12:20:00.001+08:00

ကမ္ဘာမြေရဲ့ဆွဲငင်အားဆီ ဘယ်တော့မှမခုန်ဆင်းသွားဘူးလို့ ထင်ရတဲ့
အစိမ်းရောင်ပန်းသီးလေး
ပညာတွေနဲ့လေးလံနေသလို သက်ပြင်းချတတ် သံဝေဂရတတ်
ဟားတတ် ကြွားတတ် ကိုယ်ရည်သွေးတတ်ရဲ့

အဆိပ်အတောက်ကို အချက်ပြဖို့ ခါးသက်လိုက်လေမလား
စဉ်းစားစရာမလိုတော့ဘူး
ဘာအရသာရှိမှန်းသိဖို့ ဘယ်တုန်းကမှ မကြိုးစားမိခဲ့လဲ
အမြဲစိမ်းလန်းဖို့ သင်္ခါရတရားကို မထေမဲ့မြင် တောင်းဆုတွေရေစီးကမ်းပြိုပေးရ
မြက်ခင်းစိမ်းဖြစ်ပေးချင်ရ ငြင်သာတဲ့မြစ်တစင်းဖြစ်ပေးချင်ရ

ဘယ်တုန်းကမှ ဘာမုန်တိုင်းမှ မကြုံဖူးဘူးလို့ ထင်ရတဲ့
အစိမ်းရောင်ပန်းသီးလေး
မာနကြီးတတ် နာကျင်တတ် ဟန်ဆောင်တတ်
ငါ့ကိုလဲ… အစိမ်းရောင်ပန်းသီးတလုံးဖြစ်တယ်လို့ စွပ်စွဲတတ်ရဲ့

မျက်နှာချင်းဆိုင် … ဒါပေမယ့် … ကမ္ဘာတခြမ်းစီ သီးပွင့်နေကြ
ခုချိန်ထိ
တယောက်အတွက်တယောက် ဘာဆိုဘာမှမဖြစ်ပေးခဲ့ရဘူး

နှစ်သစ်ကူးနှင့် အလဲအလှယ်

2010-01-05T13:29:00.001+08:00

နေထိုင်ရာ ကမ္ဘာခြမ်းဘက်မှာ နှစ်သစ်ကူးနေချိန်။ တီဗီက ဒုတိယကမ္ဘာစစ်မှတ်တမ်းကားကို အေးစက်စက်ပြပေးနေသည်။ မျှော်လင့်ထားသည့်အတိုင်း မရှိဘူးဆိုသည့်အရာအားလုံး တကယ်လဲရှိမနေခဲ့။ ကိုယ့်အဖြစ်ကိုယ် ပြုံးမိသည်။ ဖြစ်မလာဘူးလို့ မျှော်လင့်ထားတဲ့အတိုင်း တကယ်လဲဖြစ်မလာသည့်အခါ လူ့သဘောကနည်းနည်းစိတ်ပျက်လက်ပျက် ဖြစ်တတ်သလား။

မျှော်လင့်မထားသည့်အရာများကတော့ ကမ္ဘာတခြမ်းစာလောက်ဝေးသည့်နေရာက ဆယ်စုနှစ်တခုစာလောက် ဝေးနေသည့် သူငယ်ချင်းဆီက ဖုန်းလာခြင်း။ သူကတော့ ၂ရက်လောက်သာ မတွေ့ဖြစ်သည့် အပေါင်းအသင်းတယောက်လို နှစ်ကူးဆုတောင်းကို အမှုမထားဟန်နှင့် ပြောသည်။ ကျန်းမာရေးအကြောင်းမေးသည်။ သူ့အရောင်းအ၀ယ်အကြောင်း ရင်းနှီးမြှုပ်နှံမှုတွေအကြောင်း ခိုတကောင်လိုညည်းသည်။

အရောင်းအ၀ယ်ဆိုတာ တရားမျှတကြောင်း အနည်းဆုံးတော့ တရားသည်ဟု ခံစားစေနိုင်ကြောင်း ပြောတော့ သူက ပြန်ငြင်းသည်။ အရောင်းအ၀ယ်ဆိုတာ အဆုံးစွန်ဆုံး သည်းခံနိုင်စွမ်းမရှိတော့ချိန်တွင် မရောင်းဘူး မ၀ယ်ဘူးဟု ဘေးထွက်ထိုင်လို့ ရသည်လေ။ အရောင်းအ၀ယ်က တရားသည် အလဲအလှယ်ဆိုတာက တရားမျှတမှု ရှိချင်မှရှိသည်။ သူငယ်ချင်းက ထပ်ခါထပ်ခါ နှစ်သစ်ကူးဆုတောင်းများပေးပြီး နှုတ်ဆက်ဖုန်းချသွားသည်။ အလဲအလှယ်ဆိုတာကတော့ ခေါင်းထဲကမထွက်။

ရှေးတုန်းကလို ဆီပေးပြီး ဆားယူသည့်ကိစ္စ။ ရော့ပတ္တမြား ရော့နဂါးကိစ္စတွေက ရိုးရှင်းသေးသည်။ ခေတ်ကြီးက ဆန်းပြားရှုပ်ထွေးလာပြီ လူတွေကလဲ .... ။ တချို့အပေးအယူတွေက တည့်တိုးမဆန် မပွင့်လင်းလှ။ ဥပမာ။ ။ ကိုယ်အမြတ်တနိုး ဆယ်စုနှစ်ချီပြီး စိုက်ပျိုးထားသည့် သစ်ခွတခြံလုံးကို တခုခုနှင့် ငွေကြေးနှင့်ပဲဖြစ်ဖြစ် အလဲအထပ်ပြုဖို့ တစုံတယောက်ကပြောလာသည်ဆိုပါစို့။ ကိုယ်ကလဲ တခြားဘာမှမလိုအပ်သည့်အပြင် သစ်ခွခြံကြီးကို အသက်တမျှ မြတ်နိုးသူဖြစ်သည်ဆိုပါစို့။ ခေါင်းခါလိုက်ဖို့ ခက်ခဲလှသည့်ကိစ္စမဟုတ်ပါ။

သို့သော်... ထိုတစုံတယောက်က ကိုယ့်သစ်ခွခြံကိုရပါက အတိဒုက္ခရောက်နေသည့် ရွာကြီးတရွာကို ကယ်တင်ပေးမည်။ ဥပမာ။ ။ ကျောင်းဆောက်ပေးမည်။ ရေတွင်းတွေပါ တူးပေးမည် အိမ်တိုင်းကို ဆန်တွေဝေပေးလိုက်မည် တခြားကိုယ်မတတ်နိုင်လောက်သည့် ကိုယ်တယောက်တည်းဖြည့်စွမ်းပေးနိုင်မည်မဟုတ်သည့် လိုအပ်ချက်များကို ဖြည့်ဆည်းပေးလိုက်မည်ပေါ့... ထိုသို့ အလဲအလှယ်တောင်းဆိုခြင်းမျိုးကတော့ မတရားလှပါ။ (သဘောထားကွဲလွဲမည်ဆိုလျှင် မတရားလှဟု ခံစားရသည်ဟု ပြင်ဖတ်နိုင်ပါသည်။)
ကဗျာဆန်ဆန်ပြောရင်တော့ လူအများအသက်နှင့် ကိုယ့်နှလုံးသားလဲလှယ်ခိုင်းခြင်းဖြစ်သည်။ လူတိုင်းလူတိုင်းကလည်း လဲလှယ်ဖို့ ငြင်းဆန်ခွင့်မရခဲ့ကြ။ တချို့ ငြင်းဆန်ဖို့ အချိန်မရခဲ့ကြ။ တချို့ ငြင်းဆန်ဖို့ သတ္တိမရှိခဲ့ကြ။ လူသားချင်းစာနာမှုဆိုတာ ရှိအပ်သည်။ အကြွင်းမဲ့လက်ခံသည်။ ထို့အတူ ကိုယ့်နှလုံးသားကိုယ် မြတ်နိုးထိန်းသိမ်းခွင့်လဲရှိသင့်လှသည်မဟုတ်လား။

လူဖြစ်ရတဲ့ဒုက္ခများတွင် တခါတလေ ချောင်ပိတ်ရိုက်ခံရခြင်းလဲ ပါသည်။ လောကမှာ ဖြစ်ပျက်သမျှတွင် မည်သည့်ရာခိုင်နှုန်းလောက်က တရားမျှတပါသနည်း။ ကမ္ဘာကြီးကိုက တဖက်စောင်းနင်းလည်နေသည် မဟုတ်လား။ ဘီဘီစီရဲ့ ဒုတိယကမ္ဘာစစ် မှတ်တမ်းကားကတော့ နှစ်သစ်ကူးညမအိပ်စက်သူများအတွက် အကြောင်းပြချက်ကောင်းကောင်း ဖြစ်နိုင်ပါသည်။

ဒီမြို့မှာ အကန့်အသတ်တွေ တဖွဲဖွဲရွာတယ်

2009-12-27T11:18:00.000+08:00

သဲမုန်တိုင်းလိုမွှေတယ် စိတ်တွေ
ဟော အခုပဲ ရေခဲမြစ်လို ရပ်တန့်အေးစက်သွား
စောင့်ရှောက်မထားနိုင်တဲ့ စိတ်ကူးလေးများ
ကတိမ်းကပါးလက်လွှတ်ခဲ့ရ
ခွင့်လွှတ်ကြပါကွယ်

ထောင့်ကိုးရာရှစ်ဆယ်ရုပ်ရှင်များထဲကလို
အိပ်မပျော်သူအတွက် မနက်ဖြန်ဆိုတာရှိပါသလားလို့
ခန့်ခန့်ငြားငြားကြီးလွမ်းပြချင်လှ
တကယ်တမ်းက မီးခဏခဏပျက်တယ်
ကောင်းခန်းမရှိဘူး ဇတ်မသိမ်းဘူး
ဘ၀တွေ ဘ၀တွေ လိုရင်းမရောက်ဘူး

ငိုက်စိုက်ကျဦးခေါင်းများ
ခရမ်းရောင်ပန်းအိုးလေးထဲထိုးစိုက်ခဲ့ကြ
ဒီလောက်ပါပဲ
ဒီလောက်ပဲ လှနိုင်ကြတယ်။ ။

ကောင်းကင်ထက်ပိုင်းကျိုးနဲ့ ည

2009-12-26T18:07:00.002+08:00

အဖျားအနာကလွဲပြီး ဘာမှ နှစ်ခါပြန်မလာဘူး
ဒီပြတင်းပေါင်အကန့်အသတ်ထဲ ဘယ်ကြယ်မှ မလင်းလက်ခဲ့ဘူး
မေ့သင့်တာများကို မေ့ပစ်ဖို့ ကိုယ့်ဘာသာဖျားယောင်းမိကြ
ဘ၀ဆိုတာ ရှေ့ဆက်သွားရတာမျိုးမဟုတ်လား

တခါလောက်တော့ ဖူးပွင့်တတ်ချင်တယ် နှစ်ထောင့်တစ်ဆယ်
စပယ်လိုဝေေ၀၊ ခရေလိုကြွေကြွေ
ဒါပေမယ့်
ကြိုးညှိမှာ ဆတ်ဆတ်ထိမခံတဲ့ တယောလို
ဘယ်စံပေတံနဲ့မှ အံမ၀င်ချင်တော့ဘူး

ကိုယ့်အသံကြောင့်မိုးမရွာမှန်းသိသွားတဲ့ဖားလို
တလောကလုံးကို စိတ်နာပစ်လိုက်တယ်
မီးတွေကိုမှိတ်လိုက်...
မျက်လုံးတွေကိုမှိတ်လိုက်...
ဒီ့ထက်မမှောင်တတ်တော့ဘူးလား ညတွေ???????????????

နှင်းကိုက်သွားတဲ့ ခြေရာ

2009-12-15T11:41:00.000+08:00

ဟဲ့ စောစောစီးစီးဘယ်လဲ
နိုင်းပီးဆီသွားမလို့

အမက လှမ်းထောပနာပြုတယ်။ အီရော်င်တဲ့
အရူးမလို့လှမ်းအော်တာပေါ့။ နိုင်းပီးဆိုတာ လူမဟုတ်ဘူး ထင်းရှူးပင်ကြီးပေါ့ ငယ်ငယ်ကတည်းက အဲဒီအပင်ကြီးက အပေါ်ကိုမမြင့်တက်ပဲ ဘေးတိုက်ကြီးထွားနေတဲ့ အပင်ခပ်၀၀လေးပေါ့
အခုတော့ အပင်က အိုလာတော့ အဖွားဝ ဆိုတဲ့အဓိပ္ပါယ်နဲ့ နိုင်းပီးလို့ နံမည်ပေးထားတယ်။ ရေ၊လေ တိုက်စားလာလိုက်တာ နိုင်းပီးရှေ့က ကွက်လပ်လေးတောင် မရှိတော့ဘူး အဝေးက ကြည့်ရင်
ချောက်ကမ်းပါးထိပ်ရပ်ပြီး အဝေးတောင်အောက်လွင်ပြင်ကို လှမ်းငေးနေတဲ့ အပင်ကွေးကွေးလေးပေါ့

နိုင်းပီးရဲ့ ခြေရင်းက ကျောက်စွန်းလေးပေါ်ထိုင်ပြီး အောက်ကိုငုံ့ကြည့်လိုက်ရင် ချောက်ကလေး အောက်က ချောင်းသေးသေးလေးစီးနေတာတွေ့တယ်။
နိုင်းပီးရေ...ဘယ်လောက်ဝေးဝေးမြင်ရသလဲဟင် ကျမကို ခြေရာလေးတခုလောက် ရှာပေးပါလား
ဟာ ငါ့မျက်လုံးတွေက မှုန်နေပြီ ငါ့အမြစ်တွေကိုတောင် ငုံ့ကြည့်ရင် သေချာမမြင်ရဘူးကွယ့် ပြီးတော့ ခုတလော ငါတို့ဆီမှာ ခြေရာတွေသိပ်များတယ်ကွယ်
ဘယ်မြင်မလဲ နိုင်းပီးက ၀တာကိုး

တိတ်ဆိတ်ပြီး ငြိမ်သက်သွားလိုက်တာ နိုင်းပီးရဲ့ အရွက်တွေတောင် နှင်းမြူတွေကြား ခဲသွားသလို
ဟေး ကောင်မလေး ငါတွေ့ပြီ ခြေရာက နည်းနည်းဟောင်းနေပြီပဲ
ကျမနံမည်ကို သိလားမေးကြည့်ပါဦး
အေး မသိဘူးတဲ့
သေချာမေးကြည့်ပါဦးလေ
အေး မသိဘူးတဲ့
ဟားဟား မဖြစ်နိုင်ပါဘူး
အေး ဖြစ်သွားပြီမဟုတ်လား
ဒါဆို ပျော်နေသလား ပျော်နေခဲ့သလားလို့ သေချာကြည့်ပေးပါဦး
ငါလဲမသေချာဘူးကွယ် ခြေရာက နှင်းတွေကြားမှာ ပျက်နေပြီကွယ့်
အော်... အင်းလေ ပျော်နေမှာပါ
ငါက တော်တော်အိုမင်းနေပါပြီကွယ်
ဟာ နိုင်းပီးကလဲ ဘာဆိုင်လို့လဲ
အေးလေ အသက်ကြီးလာတော့ လူတွေငိုတာသိပ်မမြင်ချင်တော့ဘူး
ဟုတ်တယ် မမြင်တာကောင်းတယ် မျက်ရည်ဆိုတာတွေကလဲ ခြေရာလိုပဲ နောက်တော့ နှင်းတွေဖုံးသွားမှာပါ

ဒီအရပ်ဒေသမှာတော့ အရာရာကို နှင်းတွေက ဖုံးအုပ်ပစ်လိုက်တာပဲ။ အေးလေ အဲဒါက အားလုံးအတွက်ကောင်းတယ်မဟုတ်လား။

လိုချင်တာကတော့

2009-12-12T16:29:00.001+08:00

ဒီနှစ်ကူးမှာ မိသားစုမရှိဘူး အိမ်လဲမရှိဘူး အချစ်လဲရှိလိမ့်မယ်မဟုတ်ဘူး
အဲဒီအတွက်
ကိစ္စလဲမရှိဘူး

လိုချင်တာကတော့
ဘယ်သူတွေဘယ်လို ရယ်စရာကောင်းတယ်ပြောပြော ကိုယ်ရေးချင်တဲ့ကဗျာကို ရေးနိုင်တဲ့
ကိုယ့်ဘ၀ကိုယ်ထိန်းကျောင်းနိုင်မယ့်
ကိုယ့်လမ်းကြောင်းကိုယ် အမှန်အတိုင်းသုံးသပ်နိုင်တဲ့
အမှန်တရားကို မျိုချငြိမ်သက်မနေတတ်တဲ့
သတ္တိ သတ္တိ သတ္တိ သတ္တိ သတ္တိ

အဲဒီတခုပဲလိုပါတယ်
ကဲ ဘယ်သူတွေဘာလိုချင်သလဲ သိချင်တာကတော့

သူငယ်ချင်းအမရာဒေ၀ီ
အမကြီးလိုခင်တဲ့ ဒေါ်ရွှေဂျမ်း
ပြီးတော့
My loving brother, P Seng Tip

ဒီဇင်ဘာ တရေးနိုး

2009-12-07T15:57:00.000+08:00

အချိန်ကာလက ငယ်ဘ၀ကို
လေပူဖောင်းတွေ ဖောက်ခွဲလိုက်သလို
ရွေးချယ်စရာမရှိ (သို့) ရွေးချယ်ရကောင်းမှန်းမသိကြောင်း သက်သေပြဖို့
လိမ္မာဖို့ကြိုးစားခဲ့၊ လိမ္မာခဲ့၊ လိမ္မာပြခဲ့

ဒီအချိန်ထိ
လောကကြီးကရွေးချယ်စရာများလွန်းကြောင်း
(သို့) များဟန်ဆောင်ပြီးချောင်ပိတ်တတ်ကြောင်း သိချိန်ထိ
ချောင်ပိတ်မိချိန်ထိ အားလုံးကိုဆုပ်ကိုင်ခဲ့
ဘယ်အချိန်လွတ်ချမိမှန်းမသိလိုက်အောင်ကို ဆုပ်ကိုင်ခဲ့
ဘာဆုပ်ကိုင်ထားမှန်း (သို့) ဘာမှမဆုပ်ကိုင်ထားမှန်းမသိအောင်
ထုံကျင်တဲ့အထိဆုပ်ကိုင်ခဲ့

အခုတော့ ငါလဲ ဘာမှဂရုမစိုက်တမ်း
ဟောဒီပိတ်ကားစပေါ် အ၀ါရောင်တွေချတတ်နေပြီ
ပြောင်းလဲခြင်းတွေသာ တည်မြဲတဲ့နောက်
အသက်ရှင်ခြင်းဟာ နာတာရှည်ရောဂါပဲတဲ့... သိလား

စုန်ရင်း ဆန်ရင်း ဒါမှမဟုတ် စုန်ရင်းစုန်ရင်း မျှောသွားကြ
တိုက်ခိုက်တယ် အောင်မြင်တယ် မျှောသွားကြ
အဓိပ္ပါယ်ရှာတယ် အဓိပ္ပါယ်ဖွင့်တယ် မျှောသွားကြ
အခုတော့
နှုတ်မဆက်ပဲသွားလဲ ငါခွင့်လွှတ်တတ်ပြီ။ ။

နွေရာသီဆုတောင်း

2009-03-18T17:22:00.001+08:00

မျက်ရည်တွေဟာပူနွေးလွန်လွန်းလို့
ဘယ်စမ်းချောင်းရဲ့ စီးဆင်းမှုကိုမှ မယုံကြည်တော့ဘူး
အပြင်းဖျားနေတဲ့သံသယကိုသာ အိပ်ဆေးအဖြစ်သုံးနေရ

ငါပင်ပန်းလှချည့်လို့
အတ္တကို တဖွဖွအရေးတယူပြုရ
နေ့နဲ့ညလား
ပြတင်းတံခါးတွေ ငါပိတ်ထားလိုက်တဲ့နောက်
တိတ်ဆိတ်မှုလောက် ဘယ်ဟာမှအဖိုးမတန်တော့ဘူး

အိပ်မက်ကိုရေးကြီးခွင်ကျယ်မလုပ်သလိုပဲ
ပြာပူတွေတဖွဲဖွဲလွင့်နေလဲ
ဘာတွေလောင်ကျွမ်းခဲ့သလဲလို့
မနက်ဖြန်ခါ ကြေကွဲပေးနိုင်မယ်မထင်ဘူး။

ဘ၀တခုခုမှာ
နိုဝင်ဘာရောက်မှ နိုးထတဲ့ ပန်းလေးတပွင့်ပွင့် ဖြစ်ပါရစေ။ ။

စကားတွေ

2009-03-10T21:41:00.004+08:00

တချို့က ဘာမှမပြောဘူး ခပ်ပြုံးပြုံးပဲ။ နားအေးတာပေါ့။
တချို့ကပြတ်ပြတ်ပြောတယ်။ နားထောင်ရဆိုးတာပေါ့။
တချို့က မရိုးမရွပြောတယ်။ မထိတထိပြောတယ်။ ဒီတော့ တချို့က နားကြားပြင်းကပ်တာပေါ့။ တချို့က နားဝင်ချိုသတဲ့။
တချို့က အဆက်မပြတ်ပြောတယ်။ နားညည်းတာပေါ့။
စကားတွေ...
စကားတွေ...
..........................................................................................

အပျော်တမ်းဓါတ်ပုံဆရာတယောက်ကို သူငယ်ချင်းက သူ့မိန်းမလက်ရာကြွားချင်တော့ ထမင်းစားဖိတ်တယ်။ ဓါတ်ပုံဆရာကလဲ သူ့လက်ရာတွေပြရအောင် ဓါတ်ပုံတွေယူလာတာပေါ့။ ဓါတ်ပုံတွေကိုကြည့်ပြီး သူငယ်ချင်းရဲ့မိန်းမကပြောတယ်

`ကင်မရာသိပ်ကောင်းတယ်ထင်တယ် ဓါတ်ပုံတွေလှလိုက်တာ´

ဓါတ်ပုံဆရာက ဘာမှပြန်မပြောသေးဘူး။ စားသောက်ပြီးပြန်ခါနီးတော့မှ ဒီလိုပြောလိုက်တယ်။
`အိုးတွေခွက်တွေ သိပ်ကောင်းတယ်ထင်တယ် ဟင်းတွေအရသာရှိလိုက်တာ´

------------- အင်တာနက်ထဲမှ ဖတ်မိသော ဟာသကို ၂၀၀၉တွင် ဘာသာပြန်သည် ---------------

ခြေတရွတ်ဆွဲလျှောက်လာတဲ့ လူနှစ်ယောက် မျက်နှာချင်းဆိုင်လမ်းမှာတွေ့တယ်။ တယောက်က သူ့ခြေကိုလက်ညှိုးထိုးပြီး ပြောတယ်

`ဗီယက်နမ်။ ထောင့်ကိုးရာ ခြောက်ဆယ့်ကိုး´

နောက်တယောက်က အနောက်ဖက်ကို လက်ညှိုးညွှန်ပြီးပြောတယ်။

`ခွေးချီးပုံ။ အနောက်ဖက် ပေ၂၀´

------------- အင်တာနက်ထဲမှ ဖတ်မိသော ဟာသကို ၂၀၀၉တွင် ဘာသာပြန်သည် ---------------

အသိအကျွမ်းသိပ်များတဲ့လူတယောက်ရှိတယ်။ သူလမ်းသွားရင် ငါးမိနစ်တခါလောက် အသိနဲ့တွေ့ပြီး နှုတ်ဆက်ရတယ်။ တညသူ့အိပ်မက်ထဲမှာ လမ်းသွားနေရင်း ခပ်လှမ်းလှမ်းမှာ အသိတယောက်ကိုတွေ့တယ်။ မကြားမှာစိုးလို့ အော်နှုတ်ဆက်လိုက်တယ်
`ဟေးလူ ဘယ်လဲဗျ´
အဲလိုလဲအော်နှုတ်ဆက်ပြီးရော သူလဲလန့်နှိုးလာတာပဲ။

နောက်နေ့ညကျတော့ သူ့မိန်းမက မျက်ထောင့်နဲ့ကြည့်ပြီးပြောတယ်
` အိပ်မပျော်ခင်ကြိုပြောထားပါပေရဲ့ နောက်တခါမိတ်ဆွေတွေ့ရင် လက်ပြရုံဆိုလုံလောက်ပြီနော်´

------------- အင်တာနက်ထဲမှ ဖတ်မိသော ဟာသကို ၂၀၀၉တွင် ဘာသာပြန်သည် ---------------

ညနေခင်း ခပ်စောစောပဲရှိသေးတယ် ကိုလှတယောက် အရက်ဆိုင်မှာ ခေါင်ငိုက်စိုက်ချပြီး တခွက်ပြီးတခွက်သောက်နေတယ်။ သူ့သူငယ်ချင်းရောက်လာတော့ သူကခေါင်းငိုက်စိုက်ကျနေပြီ။

သူငယ်ချင်းကမေးတယ်
`ဘာလို့ ဒီလောက်တောင် ရင်ကွဲပက်လက်ဖြစ်နေရတာလဲ သူငယ်ချင်းရယ်´

ကိုလှက အာလေးလျှာလေးနဲ့ ပြန်ဖြေတယ်
`ငါတို့ ရန်ဖြစ်ကြတော့ ငါ့မိန်းမက ငါ့ကိုတလတိတိစကားမပြောဘူးလို့ ကျိန်တယ်´

သူငယ်ချင်းက အားပေးတာပေါ့
`တလဆိုတာ ခဏလေးပါသူငယ်ချင်းရာ´

ကိုလှက ငိုသံကြီးနဲ့ပြောတယ်
`အဲဒါကြောင့်ပေါ့ကွ။ ဒီနေ့က တလပြည့်တဲ့နေ့ပဲ´

------------- အင်တာနက်ထဲမှ ဖတ်မိသော ဟာသကို ၂၀၀၈တွင် ဘာသာပြန်သည် ---------------

အဓိပ္ပါယ်ရှိတဲ့ အပြုံး
-----------------------

စုံထောက်တယောက် တောင်ကြီးမြို့ စ၀်စံထွန်းဆေးရုံရဲ့ ရင်ခွဲရုံကို ၀င်ကြည့်တယ်။ ဆရာဝန်ကိုမေးတယ်။
`ဒီအလောင်း သုံးလောင်းက ဘာလို့ ပြုံးပြုံးကြီးဖြစ်နေတာလဲ´

ဆရာဝန်က ပထမတယောက်ကို လက်ညှိုးထိုးပြီးပြောတယ်
`ဒါက ဖိုးကံကောင်းလေ သိန်းထီပေါက်တယ်လဲကြားရော ပျော်လွန်းလို့နှလုံးရပ်သေသွားတာ´

ဒုတိယတယောက်နားရောက်တော့
`ဒါက ဖိုးကျိုင်းတုတ်လေ ရှမ်းပြည်နယ် လှယဉ်ကျေးမယ်နဲ့ရပြီး မင်္ဂလာဦးညမှာသေသွားတာ´

နောက်ဆုံးတယောက်နားရောက်တော့
`ဒါကတော့ ဖိုးခွေးပေါ့ကွာ။ ဒီမြို့မှာတော့ အတုံးဆုံးပဲ မိုးကြိုးပစ်ပြီးသေတာလေ´

စုံထောက်ကမျက်မှောင်ကြုတ်လိုက်ပြီး မေးတယ်
`ဒါဖြင့် သူကဘာလို့ ပြုံးပြုံးကြီးသေသွားရတာလဲ´
`အတုံးဆုံးပါလို့ပြောနေမှပဲ သူ့ကိုဓါတ်ပုံရိုက်မယ်ထင်လို့ ပြုံးနေတာလေ´

------------- အင်တာနက်ထဲမှ ဖတ်မိသော ဟာသကို ၂၀၀၈တွင် ဘာသာပြန်သည် ---------------

အဓိပ္ပါယ်ရှိတဲ့စကား
----------------------

လူတယောက် ရုံးပိတ်ရက်မှာ ပန်းခြံထဲလမ်းလျှောက်ထွက်လာတယ်။ ပန်းခင်းအလယ်မှာ ငါးမျှားတံကြီးနဲ့ ခါးကိုင်းစပြုနေပြီဖြစ်တဲ့ အဖိုးအိုကိုတွေ့တယ်။ အဲဒီလူကတွေးတယ်... အင်း... ဒီအဖိုးကြီး သနားစရာကောင်းလိုက်တာ။ ပန်းခင်းပေါ်ထိုင်ပြီး ငါးမျှားနေတယ်လို့။ စိတ်ကောင်းလေးပေါက်လာတာနဲ့ သူကအဖိုးကြီးဆီသွားလိုက်တယ်။

`အဖိုး ဘာလုပ်နေတာလဲဗျ´
`မျှားနေတာလေကွာ´
`သြော် ဟုတ်လား ကျနော်နဲ့များ ဘီယာလေးဘာလေး လိုက်မသောက်ချင်ဘူးလားဗျာ´
`ကောင်းပြီလေ´

အဖိုးအိုက ငါးမျှားတံကို ကျကျနနသိမ်းလိုက်တယ်။ ပြီးတော့ ဘီယာဆိုင်ကိုရောက်ကြတာပေါ့။ ဆိုင်ရောက်တော့ အဖိုးအိုကို သူကအကောင်းဆုံးအမြည်းတွေမှာပေး၊ ဘီယာကိုလဲငှဲ့ပေးနဲ့ ပြုစုတာပေါ့။ အဖိုးအိုက နှစ်နှစ်ခြိုက်ခြိုက် စားသောက်ပြီးတော့ သူ့ကိုကျေးဇူးတင်ကြောင်းပြောပြီး ပြန်ဖို့နှုတ်ဆက်တယ်။ အဲဒီလူကလဲ ကျီစယ်ချင်တဲ့စိတ်နဲ့မေးလိုက်တယ်။

`ကျေးဇူးတင်စရာမလိုပါဘူးဗျာ ဒါနဲ့နေပါဦး အဖိုးမျှားနေတာ ဒီကနေ့ဘယ်နှစ်ကောင်ရပြီလဲ´
အဖိုးအိုက နောက်ပြန်လှည့်ကြည့်ပြီး ဖြေတယ်
`မင်းအပါအ၀င်ဆိုရင် သုံးကောင်ရပြီပေါ့ကွယ်´

------------- အင်တာနက်ထဲမှ ဖတ်မိသော ဟာသကို ၂၀၀၉တွင် ဘာသာပြန်သည် ---------------

ငြိမ်းချမ်းရာ

2009-03-08T21:58:00.005+08:00

အစိမ်းရောင်သက်သက် အေးမြစေချင်လို့
အားကြိုးမာန်တက် ဆေးစက်ချခဲ့တယ်
မတော်တဆတွေများလွန်းတော့
ပန်းချီမဖြစ်ခဲ့တဲ့ ပိတ်ကားအပျက်ဟာ မင်းအိပ်မက်ကလေးပေါ့

ဒီလိုနဲ့ တို့ခြေသံများ ဝေးလွင့်ပါးလျ
ခြားနားလှတဲ့ဘ၀တွေအတွက်
မင်းသောကတွေ ဘေးချခဲ့ပါတော့
သွားရမယ့်ခရီး နှေးပါ့မယ်ကွယ်

ရယ်သံတစ လေအတိုးမှာ
ယောင်ယမ်းမော့ကြည့်မိတယ်
မင်းမရှိဘူး
ခဏခဏ ယောင်ယမ်းမော့ကြည့်မိတယ်
မင်းမရှိဘူး

ပျောက်ဆုံးကြောင်းသတင်းစကားကို
ဦးနှောက်ကခါချတယ်
ဒါပေမယ့် ဒဏ်ရာကသိတာပေါ့
တကယ် မင်းမှမရှိပဲ

ဝေးချင်သလောက် ဝေးသွားပါလေ
ဒါပေမယ့် ကလေးရေ
မင်းရောက်ရာအရပ်မှာ မျက်ရည်မဲ့ပါစေ။ . . . ။

မှတ်ချက်။ ။ ကိုဆိုပြတဲ့ Tears in Heaven ကိုနားထောင်ပြီး မမေ့နိုင်လို့ 8th March 09 ညနေခင်းမှာရေးတယ်။

မနှစ်ကလို မြို့ကျဉ်းကျဉ်း

2009-03-07T00:34:00.000+08:00

မြို့လေးက ကျဉ်းကျဉ်းလေး
ကျဉ်းပုံကတော့ တရားလွန်ရဲ့

ချတက်သွားတဲ့ စာအုပ်ဟောင်းလေးပြန်တွေ့တယ်
ပဲ့ရွဲ့စာမျက်နှာတွေအတွက် အေးစက်စက်ငါပြုံးမိခဲ့

အိပ်မက်ကိုပိုးသတ်ခဲ့တဲ့ ပုလင်းဟောင်းလေးပြန်တွေ့တယ်
ဒဏ်ရာအပ်ကြောင်းထပ်သမျှ စိတ်ကခဏလောက်ညောင်းညာခဲ့

အရောင်မဲ့သွားတဲ့ ငါ့မျက်ရည်ဟောင်းကို ပြန်တွေ့တယ်
မနေ့ကများလား အတွေးတွေပူနွေးသွားခဲ့

မနှစ်က ညနေခင်းကိုပြန်တွေ့တယ်
ဒါပေမယ့်
မနှစ်က ညနေလိုပဲ
အဲဒီမြို့ကျဉ်းကျဉ်းလေးထဲ
ဖရိုဖရဲ ပြန်ပစ်ထည့်ခဲ့...

ရွက်ကြွေမိုးည

2009-03-02T22:20:00.004+08:00

အဲဒီဝါးရုံပင်လို အလှည့်အဖျားလေးက
ငါ့ပုံပြင်ကိုကုတ်ခြစ်ချသွားခဲ့တယ်
ညဟာ လေစိမ်းတွေကြား ညည်းတွားနေရ

လမင်းကတော့
တိမ်တွေကြားခေါင်းငိုက်စိုက်ချ
ဘယ်လောက်ငိုနေရသလဲ
ဒီမှာတောင် ညမှောင်မှောင်မှာစိုလို့

တိတ်ဆိတ်မှုတွေပါးသွားအောင်
ဒီမြူခိုးတွေကြား ကိုယ့်ခြေသံပဲကိုယ်နားထောင်ခဲ့တယ်
နောက်မှာဘာကျန်ခဲ့သလဲ
ရှေ့မှာဘာချန်ခဲ့မလဲ
ဆွဲထုတ်ခံရတဲ့ ကက်ဆက်တိတ်သားစလို
ဘာဆို ဘာမှ ဖတ်မရတော့

ဆက်ရွေ့လျားလို့မရတဲ့အထိလျှောက်ခဲ့တယ်
ဒီမျက်လုံးများမှိတ်သွားတဲ့အခါ
တိတ်ဆိတ်မှုကိုလဲ ငါနားပိတ်ထားခဲ့
ဘာဆန်းသလဲတဲ့ကွယ်
မချိုမချဉ်သရော်နေတဲ့ ကောက်ရိုးမျှင်ကိုပဲ
လက်အံသေသွားတဲ့လောကကြီးက လွှတ်ချပစ်ခဲ့တာရော

ရွှေရောင်ပြာသာဒ်ဖျားက လွင့်ကျသွားတဲ့နှင်းစက်

2009-02-24T23:23:00.002+08:00

ကမ်းပါးထိပ်မှာလိုပဲ အသက်ကိုမျှဉ်းရှူပြီး
ငြိမ်သက် လဲခွေ ကြည့်နေမိ
မျှော်လင့်ခြင်းတွေပြိုကျတဲ့အထိ ပကတိ လွတ်ဟာနေခဲ့ရ
ပြီးမှ . . . အစအနတွေဖရိုဖရဲပြည့်နှက်သွား
ချောက်ကမ်းပါးအောက်မှာ

အဲဒီ ဓါတ်ပုံဘောင်ထင်းရူးသားပေါ်က
လက်ချောင်းတွေ ထုံကျင်လာတဲ့အထိ
သိပ်လှတဲ့နှုတ်ခမ်းတွေကို ငေးကြည့်နေမိ
အချိန်ကာလကို ငါမသိတော့ဘူး တကယ်ရောရှိလို့လား

သိမ်းဆည်းထားသမျှ လှည်းကျင်းချသွားတတ်တဲ့
အဲဒီအလင်းရောင်ကို နာကျည်းတယ်
ဘယ်အချိန်...
ဘယ်နေရာ ...
ဘယ်အခါပေါ့ . . . .
မနက်လင်းလာတိုင်း တကယ်ကိုဘာမှမရှိပါလား

မထင်မရှားဧည့်သည်

2009-02-22T11:26:00.000+08:00

ဟိုးကောင်းကင်က လာတာပေါ့ကွယ့်
မလွမ်းတတ်တော့တဲ့ နှင်းစက်လို
နေအထွက်မှာ တိတ်တဆိတ်ပြန်တက်လာခဲ့

မတည်တံ့ မစွဲမြဲတဲ့တိမ်စတွေလို
လေတချက်လာတိုင်း ပြန်တက်လာခဲ့

အဲဒီကန္တာရ ပူပြင်းလို့လဲမဟုတ်
အဲဒီ မြေပြင်က အဆင်းမလှလို့လဲမဟုတ်
တက်ပြီးဆုတ်ရတဲ့ ဒီရေလိုပဲ
မတည်ငြိမ်တဲ့လှိုင်းတွေနဲ့ ဘာသာပွေ့ဖက်

ထားခဲ့တယ်ရှူမျှော်ခင်းတွေ
အတက်အဆင်းမှာတင် သက်ပြင်းတချက်နဲ့
ပြီးတော့ ... ခြေရာမချန်တတ်တဲ့ သက်တန့်လိုလေ
ဆွံ့အစွာ ပြန်ခဲ့တာပေါ့

နေ့တာရှည်ညတာရှည်

2009-02-08T03:18:00.001+08:00

ငြီးငွေ့စရာ
မင်း သို့မဟုတ် ငါတော့
ထွက်သွားရလိမ့်မယ် ဖေဖော်ဝါရီ

တကယ်သိလားမသိလားတောင် ကိုယ်တိုင်မသဲကွဲအောင်
ထူထဲပေးခဲ့ရ မှုန်ဝါးပေးခဲ့ရ
ဘယ်စိတ်ကိုမှ မနာစေချင်ပါဘူး
ထိန်းထိန်းသိမ်းသိမ်းပြောနေရတဲ့ နာမကျန်းမှုတွေအကြောင်း
လေထုကိုက လူနာစော်နံနေတယ်

ဒီလိုပါပဲ
ကျန်ခဲ့မယ့် ခြေရာတွေအတွက်
ငဲ့ငဲ့ကွက်ကွက် လှည့်မထွက်နိုင်တာကများ
ဆောင်းရာသီကြီး ဒီနေရာမှာ သောင်တင်ရခြင်းအကြောင်းရင်းလား

သွားလိုရာသွားနိုင်ပြီ ဖေဖော်ဝါရီ
သို့မဟုတ်
ငါ့ကို သွားခွင့်ပြုပါတော့

စကားလုံးရွေးရ၊ မျက်ရည်ဝဲရ
ပီပီပြင်ပြင် နှုတ်ဆက်ချင်ရ
ဒါနဲ့ပဲ ဘယ်သူမှ သောက်သုံးမကျတော့ဘူး

ဂျပ်ခုပ် အင်္ကျီတွေ

2009-01-27T20:45:00.006+08:00

လက်မှုပညာပြပွဲက ဂျပ်ခုပ်စောင်လေးတထည်ဝယ်လာမိစဉ် အမကို မေးဖူးသည်။

- မမမှာ ဂျပ်ခုပ်ကုတ်အင်္ကျီရှိလား
- မရှိဘူး
- ဘယ်ရှိမှာလဲ မြို့မှာကျောင်းတက်တာကိုး
- ဘာဆိုင်လို့လဲ
သူ့အမေးကို မဖြေပဲ မောင်လေးနှင့် တယောက်မျက်နှာတယောက်ကြည့်ပြီး ရယ်နေမိသည်။

တခုသောမိုးရာသီ နယ်မြို့လေးတမြို့မှာ ဂျပ်ခုပ်ကုတ်အင်္က.ျီဆိုတာတွေ ခေတ်စားစဉ်က... ၀မ်းကွဲမောင်နှမတွေ အကုန်တန်းစီပြီး ရပ်နေကြသည်။ ဂျပ်ခုပ်စနဲ့ ကုတ်အင်္ကျီချုပ်တတ်တဲ့ မြို့ ကလေးရဲ့ တဦးတည်းသောစက်ချုပ်ဆရာမကြီးက ပေကြိုးကြီး လည်ပင်းသိုင်းပြီး ခွေးအိုကြီးနံရွက်လို အနားလိပ်နေတဲ့ ဗလာစာအုပ်မှာ အကြီးကောင်လို့အဓိပ္ပါယ်ရတဲ့ ရှမ်းစာလုံးကိုရေးလိုက်သည်။ လာခဲ့။ ဘယ်တော့ကြည့်လိုက်ကြည့်လိုက် မျက်နှာမှာနှပ်ချီးကြောင်း အသေကပ်ပါပြီး မွေးလာသည်ထင်ရသော အကြီးကောင် တရွတ်ဆွဲနီးပါးပါသွားလေသည်။ မျက်လုံးတွေကတော့ အပြင်ဖက်ကမာလကာပင်ပေါ်ပဲ ရောက်နေသည်။ ကလေးဘ၀ရဲ့ အမုန်းဆုံးအင်္က.ျီကိုယ်တိုင်း ပေးရတဲ့ အလုပ်ကြီးပြီးသွားတော့ အားလုံးဝရုန်းသုန်းကား ပြေးထွက်ကြသည်။ `နေ´ ဆိုတဲ့အသံကြီးအကြားမှာ အားလုံးတန့်ကနဲဖြစ်သွားသည် နောက်လှည့်ကြည့်တော့ အကြီးကောင်ရဲ့နာနီ။ လာ..ရေချိုးရမယ်။ အားလုံးက အကြီးကောင်ကို သတ္တ၀ါတခုကံတခုပေါ့လေ ဆိုတဲ့ မျက်လုံးတွေနဲ့ကြည့်ပြီး ကြက်တောင်ကွင်းဆီပြေးကြ၏။ အမြဲကံဆိုးသော အကြီးကောင်မှာ သူ့နာနီလက်ထဲ ယက်ကန်ယက်ကန်ပါသွားရှာသည်။

အားလုံးက နာရီတိုတိုအတွင်း ဂျပ်ခုပ်အင်္ကျီကိစ္စကို မေ့သွားသည်။ ကလေးတွေရဲ့ အမေတွေကသာ ဈေးသွားတိုင်း အပ်ချုပ်သည်ကြီးကိုဘာဝယ်လဲ ပန်းတွေတယ်လှပါလားအစချီပြီး ကလေးတွေအင်္က.ျီ ဆောင်းမ၀င်ခင်ရဖို့ ရယ်သလိုမောသလို ဖိအားပေးကြလေသည်။ ဘယ်လောက်တောင်မေးသလဲဆို ငါးရက်မှတဈေးရှိသော ဈေးကလေးမှာ ပန်းလာရောင်းတတ်တဲ့ အဒေါ်ကြီးကတောင် ကလေးတွေအင်္ကျီ မြန်မြန်ချုပ်ပေးလိုက်စမ်းပါလို့ ဦးအောင်ဝင်ဝင်ပြောတတ်သည်အထိပင်။

မြောက်ဖက်ကလေတွေ တိုက်စပြုလာတဲ့တနေ့ သီတင်းမကျွတ်ခင်ဆောင်းဦးအချိန်မှာ ခြံဝင်းထဲကို အပ်ချုပ်သည်အဒေါ်ကြီးက သူ့ကိုယ်သူဘီးလှိမ့်သလိုလှိမ့်ပြီး ၀င်လာလေသည်။ သူ့နောက်မှာ မွေးရာပါခြေထောက်ကလေးတွေတိုနေသော သူ့ရဲ့အပ်ချုပ်လက်ထောက်က ဂျပ်ခုပ်အင်္က.ျီထုပ်ကြီးကို ခေါင်းပေါ်ရွက်လာသည်။ အဒေါ်တယောက်က ပျာယီးပျာယာလိုက်ဝင်လာပြီး အင်္က.ျီတွေရပြီဆိုတဲ့ မသိသူမရှိတဲ့ သတင်းကိုပဲ ထပ်တလဲလဲကြေငြာနေသည်။ ကျူရှင်ဆရာကိုလဲ အိမ်ရှေ့တံခါးကနေလှမ်းပြီး အားနာလိုက်တာဆရာရယ်လို့ ပြောသည်။ အဓိပ္ပါယ်က စာသင်တာခဏရပ်ပေးလိုက်ပါ ဆိုသည့်အလား။ ဂျပ်ခုပ်က ပညာရေးထက်မျက်နှာပိုပွင့်သယောင် ဖြစ်နေသည်။ အမေက မီးဖိုထဲလှမ်းပြီးလက်၃ချောင်းထောင်ပြသည်။ အဓိပ္ပါယ်က ကော်ဖီသုံးခွက်ဖြစ်လေသည်။

ပင်ပေါင်စားပွဲပေါ် တင်ထားတဲ့အိတ်ကြီးကို ဖွင့်လိုက်တော့ ကြက်တူရွေးတွေထွက်ကျလာသလို အရောင်တွေစုံသွားသည်။ ကုတ်အင်္က.ျီကို ဗြောင်သာ မြင်ဖူးသော ကလေးများ အငေးသားကြောင်သွားသည်။ ဂျပ်ခုပ်အင်္က.ျီတွေကို အရောင်စုံလုပ်ရတယ်လို့ ရှေးရှေးကစည်းမျဉ်းထုတ်ခဲ့ပုံရသည်။ အားလုံးကြိုက်ရာတထည်စီ ဆွဲယူကြသည်။ အသေးဆုံးကောင်ဆီက အင်္ကျီကို သူ့အမေက ဆွဲယူလိုက်သည်။ လည်ကုတ်အတွင်းဖက်က အကြီးကောင်ဆိုတဲ့ စာလုံးကိုပြသည်။ အကြီးကောင်ကိုဆွဲပြီး ၀တ်ပေးသည်။ အားလုံးက ဆပ်ကပ်ကြွလာတဲ့ မြို့ဝန်လိုမျက်နှာပေးတွေနဲ့ ပြုံးပြုံးကြီးကြည့်နေကြသည်။ ထိုသို့ဖြင့် ကိန်းကြီးခန်းကြီးနိုင်လှသော ဂျပ်ခုပ်ကုတ်အင်္က.ျီတွေ သူတို့ဆီရောက်ရှိလာလေ၏။

တနင်္လာနေ့ကြတော့ တိုင်ပင်စရာမလိုပဲ မောင်နှမတွေထဲက ဒီမြို့ကလေးမှာကျောင်းတက်သမျှ ၇ယောက်လုံး ဂျပ်ခုပ်အင်္က.ျီ ကြောင်ကြောင်ကျားကျားတွေနှင့်ဖြစ်သည်။ အကြီးကောင်က မျက်နှာသိပ်မကောင်း ကျောင်းဆင်းတော့ သူလက်ပိုက်လို့မရကြောင်း ပြောသည်။ လက်ပိုက်ခိုင်းလိုက်တော့ လက်က ဗိုက်ဘယ်နဲ့ညာဖက် ကပ်ပြထားသလိုဖြစ်နေသည် ချိုင်းအောက်ကိုမရောက်။ တနေ့မှာ စာသင်ချိန်၈ချိန်ပြောင်းတိုင်း သူဒီလိုပဲလက်ကိုဗိုက်ရှေ့ပိုက်ခဲ့ရပုံပေါ်သည်။ ပိုဆိုးတာက လက်သေချာချလို့မရ ချိုင်းကကြပ်နေတော့ လက်ကလေထဲမြှောက်နေသည်။ ဂျပ်ခုပ်အင်္က.ျီကြွားလုံးအမြဲထုတ်နေကြ သူ့အမေကိုပြောဖို့ လူမိုက်လာငှားခြင်းပင်။ ညနေကြပြန်တော့ သူ့အမေကလာမကြို သူ့နာနီသာလာသည်။ သူ့နာနီကို ဘယ်ကလေးမှမကြိုက် ကလေးအုပ်စုတ၀က်က ချုပ်ချယ်လို့မကြိုက်ခြင်းဖြစ်ပြီး အသက်အငယ်ဆုံးအုပ်စု ကျန်တ၀က်က အသားမည်းလို့မကြိုက်ချေ။ ဒီလိုနဲ့ အကြီးကောင်မှာ ချိုင်းကြပ်နေသော ဂျပ်ခုတ်အင်္ကျီကို တနင်္လာနေ့တိုင်း ၀တ်ရရှာသည်။

တနင်္လာနေ့တိုင်း အဲဒီအင်္က.ျီထုတ်ဝတ်ခြင်းမှာ သူ့သဘောနှင့်သူဖြစ်သည်။ အရေးအကြီးဆုံးမှာ တနင်္လာနေ့တိုင်း နိုင်ငံတော်သီချင်းဆိုရန် ကွင်းပြင်ထဲတန်းစီရသည်။ ထိုအခါ ဆရာမတွေက ဟယ် အင်္က.ျီလေးတယ်လှပါလားလို့ ချီးကျူးလေ့ရှိသည်။ သူငယ်ချင်းများက အထင်ကြီးသည်။ အဆိုးဆုံးက အဲဒီအင်္ကျီကိုရဖို့ မလွယ်ကြောင်း သူ့အမေရဲ့ဝါဒမှိုင်းမိနေသည်။ မြို့ကလေးအတိုင်းအတာနှင့်ဈေးကြီးပြီး လက်ခကြီးပြီး အကြာကြီးစောင့်မှရလို့ အဖိုးတန်သည်လို့ သူကသတ်မှတ်သည်။ သူ့အင်္ကျီကိုဝေဖန်သော သူငယ်ချင်းတိုင်းအတွက် တုန့်ပြန်တတ်တဲ့ အကြီးကောင်ရဲ့လက်သုံးစကားက `မင်းမှာရောရှိလို့လား´ ဖြစ်သည်။ ထိုသို့ဖြင့် ဘယ်ကလေးမှ သူဒုက္ခခံနေသောကိစ္စကို မအံ့သြတော့ချေ။

ထိုကံဆိုးနေကြ အကြီးကောင်သည် ငှက်ဖျားဖြစ်ပြီး ဆေးရုံရောက်တဲ့အထိ ကံဆိုးခဲ့လေသည်။ သူ့ကိုဆေးရုံကနေ အိမ်ကိုသယ်လာတဲ့နေ့က သူ့နာနီက စာကြည့်ခန်းထဲမှာနေရာပြင်ပေးနေသည်။ ကလေးတွေက ဘာလို့ဒီမှာထားရမှာလဲလို့ ၀ိုင်းမေးကြတော့ သူ့နာနီက သက်သာလာလို့အိမ်ပြန်လာရမည်ဖြစ်ကြောင်း ငိုသံပါကြီးနဲ့ပြောနေသည်။ သက်သာသည်ဆို ဘာလို့သူ့အိမ်မပြန်ပဲ ဒီအိမ်လာထားသနည်း။ သူနေကောင်းလာတာကို သူ့နာနီကဘာလို့ ငိုသံကြီးနှင့်ပြောနေသနည်း။ ဘယ်ကလေးမှကြာကြာမစဉ်းစားဖြစ်ကြ။ ညဆော့ကြဖို့ ရှိရှိသမျှ အံစာတုံးတွေ ကဒ်ပြားတွေ မိုနိုပိုလီ၊ မြွေ စသဖြင့်အကုန်သယ်ပြီး စောင့်နေကြသည်။ ဒါပေမယ့်ညနေစောင်းတော့ ၀မ်းကွဲတွေအကုန် သူတို့အမေတွေလာခေါ်သွားကြသည်။ လူနာထားသောအခန်းထဲ ချောင်းကြည့်ကြပေမယ့် အကြီးကောင်က သူတို့ကိုစိတ်မ၀င်စားသည့်အလား မျက်လုံးများမှိတ်ထားလေသည်။ ဖြူယော်နေသောမျက်နှာမှာ တွေ့နေကြနှပ်ကြောင်းကိုမတွေ့ရ။ အမေတွေချင်း တီးတိုးပြောလို့ ကိုယ့်ကလေးကိုယ်လက်ဆွဲပြီးပြန်သွားတော့ မီးစက်သံသဲ့သဲ့ကလွဲပြီး ဘာမှမကြားရတော့ချေ။

မနက်၃နာရီခန့်တွင် ဦးလေး၏ ဘုရားစာရွတ်သံအကျယ်ကြီးကြောင့် အားလုံးနိုးလာကြသည်။ ခြေဖျားထောက်သွားပြီး စာဖတ်ခန်းထဲချောင်းကြည့်တော့ အကြီးကောင်ကို သူ့အဖေကပွေ့ထားပြီး ဘုရားစာရွတ်ပေးနေသည်။ အဖေကဆေးထိုးပေးလိုက်သည်။ ခဏကြာတော့ အကြီးကောင်က ရှမ်းလိုပလုံးပထွေးပြောလေသည်။ သူ့အမေက သူ့လက်ကိုကိုင်ထားပြီး စိတ်ငြိမ်ငြိမ်ထားနော် သား ဘုရားစာအာရုံပြုဟုပြောနေသည်။ အကြီးကောင်က ထပ်ပြောသည်

- အင်္ကျီက ကြပ်နေတယ်။
- ဘာအင်္ကျီလဲ သား။
- ရောင်စုံကုတ်လေ။
- အေး အေး ပြင်ပေးမယ်နော် သား။
- မပြင်နဲ့ ပစ်ထုတ်လိုက် မ၀တ်ချင်တော့ဘူး။ အသက်ရှူကြပ်တယ် အမေ။
- အေးအေး ပစ်ထုတ်လိုက်မယ်။

ခဏငြိမ်သွားသည်။ သူ့အမေက အရင်လက အကြီးကောင်နံမည်နဲ့အလှူလုပ်တဲ့အကြောင်း ပြောပြနေသည်။ အကြီးကောင်က သူ့အဖေနဲ့အတူ ဘုရားစာတိုးတိုးလေးလိုက်ရွတ်သည်။ ချောင်းကြည့်ရင်း ခြေထောက်ကျင်လာသည် တိတ်တိတ်လေးအခန်းပြန်လာပြီး အိပ်ပျော်သွားသည်။ မနက်ကျတော့ အမေက တိုးတိုးလေးလာနှိုးသည်။ အမေ့ကို ဗလာစာအုပ်အသစ်ထုတ်ထားပေးဖို့ပြောတော့ အမေက ကျောင်းသွားစရာမလိုကြောင်း အကြီးကောင်မရှိတော့ကြောင်း ဖြည်းဖြည်းပြောသည်။ ကလေးတွေကတော့ သနားပါတယ်လို့ တယောက်မျက်နှာတယောက်ကြည့်ပြီး ပြောကြသည်။ အငယ်ဆုံးကောင်ကပြောသည် `သနားပါတယ် အင်္ကျီ ကြပ်ကြပ်လေးပဲ ၀တ်သွားရတယ်´

အချိန်တွေကုန်လွန်လာတော့ ဂျပ်ခုပ်ကြပ်ကြပ်တွေ ၀တ်ထားတဲ့ အကြီးကောင်တွေအများကြီးတွေ့လာရသည်။ ၀င်ခွင့်နံပါတ်တစ်ရနေလို့ တက်လိုက်တဲ့ အမ်ဘီအေတွေ။ ပြိုင်ဖက်ကမနှစ်က ကျောထားလို့ ဒီနှစ်ကြုံးလုပ်လိုက်ရင်း ဘာသာစုံဂုဏ်ထူးထွက်သွားတဲ့ ဘယ်တော့မှအသုံးမချမဲ့ စိတ်မ၀င်စားတဲ့ စာမေးပွဲတွေ။ သူများတွေလွယ်လွယ်မတက်နိုင်လို့ ရတုန်းတက်လိုက်ရတဲ့ ဆေးကျောင်းတွေ။ ပွဲတက်ရင်ဂုဏ်ရှိမယ့် (ရှိတယ်လို့ယူဆတဲ့) အိမ်ထောင်ဖက်တွေ။ ဘယ်သူကမှ နှစ်ခါပြန်မဖတ်မဲ့ သတင်းစာနဲ့ ဖိတ်စာမှာထည့်ဖို့တခုထဲအတွက် ၀ယ်ထားတဲ့ ရာထူးတွေ။ (ရာထူးကိုဝယ်လို့မရ `လိုက်´ မှရသည်ဟု ပြောသူကပြော၏) ဟာ လှလိုက်တာနော် ဟယ်ငါတော့မတတ်နိုင်ဘူးလို့ ပြောတဲ့သူပြောနေဆဲပင်။ အားကျတဲ့သူအားကျနေတော့ ၀တ်နေသူတွေ ၀တ်နေဆဲပင်။ ၀တ်သူတွေချိုင်းကြပ်သည်ထက် မြင်သူကပိုအသက်ရှူကြပ်သော်လည်း `မင်းမှာရောရှိလို့လား´ဆိုတာကို အချေအတင်မချေပလိုကြသမျှ ရောင်စုံတောက်တောက်ပပကို လက်အောက်မချတမ်း ကြပ်ကြပေဦးတော့မည်။ ။

အစွဲအလမ်း

2009-01-25T22:14:00.000+08:00

ခရမ်းရောင်မိုးစက်တွေကို ဘယ်သူမှမမြင်ရဘူးတဲ့
အကောင်အထည်ပြစရာမရှိလဲ ခိုက်ခိုက်တုန်အောင်ချမ်းနေရ

ဒီကနေ့ ပျောက်ရှသွားတဲ့ယုံကြည်မှုကလဲ
လွန်ခဲ့တဲ့ နှစ်၂၀က
တံတားပေါ်က လိမ့်ကျသွားခဲ့တဲ့ မွေးပွရုပ်ကလေးထက်
ချော်လဲပြီး လက်လွတ်ခဲ့ရတဲ့ မိုးပျံပူဖောင်းလေးထက်
ထူးခြားပြီး မနာကျင်ပေမယ့်
ခရမ်းရောင်တွေက ပိုပိုအေးစက်လာ

ထုံကျင်နေတဲ့လက်တွေက
ဆုပ်ကိုင်ထားသမျှ လွှတ်လိုက်ရသလား
မျက်လုံးများဖွင့်လို့မရဘူး
အနွေးဓါတ်ကို စကားလုံးသက်သက်သာ အမှတ်ပြုနေရ
ဦးနှောက်ဟာ အမှားတခြမ်း ငရဲတခြမ်းဖြစ်လာ

ခရမ်းရောင်တွေ မှောင်လိုက်တာများ
ဘယ်ကတည်းကရွာနေခဲ့သလဲ မသိတော့ဘူး

တိမ်းစောင်းလည်ပါတ်နေတဲ့ ပြဇာတ်ကြီး

2009-01-15T20:45:00.000+08:00

အောက်ဆီဂျင်မဲ့ ဖန်ဘူးထဲက လိပ်ပြာတွေလို
အထဲက မင်းတို့ရဲ့အတွေးစတွေ အမြင်စတွေ ပြာနှမ်းနေသမျှ
ပွဲကြည့်သလို ငါတို့ကြည့်နေရ

မင်းတို့ အော်ဟစ်နေသမျှ
ဒီမျက်လုံးများက အသံတိတ်ပွဲကြည့်သလို ကြည့်နေရ
ပြီးမှ
မင်းတို့အော်သံတွေ ညည အိပ်မက်မှာကြားကြ

ဟော ကြည့်စမ်း . . .
ကြိုးတန်းပေါ်ကနေ
လိမ့်ကျသွားသလား လှိမ့်ချသွားသလားမသိရ
ပွဲကြည့်သလိုသာ ငါတို့ကြည့်နေရပေါ့

ကျေးဇူးတင်လွှာ

2009-01-10T21:49:00.003+08:00

သူငယ်ချင်းအားလုံးသို့

မနှစ်က တနှစ်လုံးအီးမေးလ်တွေ တထောကြီး ပေးပို့ခဲ့ကြတဲ့ သူငယ်ချင်းများကို ကျေးဇူးတင်ရှိပါတယ်။

သူငယ်ချင်းတို့ရဲ့ ကျေးဇူးကြောင့် စာအိတ်တွေ တံဆိပ်ခေါင်းတွေရဲ့ကော်မှာ ကြွက်ချေးတွေကပ်နေ သိခဲ့ရပါပြီ။ အခုဆိုရင် အဲဒီ စာအိတ်တွေ တံဆိပ်ခေါင်းကိုတွေ လျှာနဲ့မလျက်တော့ပါဘူး။ ပြီးတော့ သံဘူးတွေကိုဖွင့်မယ်ဆိုရင် သေချာရေဆေးပြီး သုတ်ပြီးမှဖွင့်ပါတော့တယ်။ တခါသုံးတူတွေထဲမှာ မျောက်တွေနေတယ်ဆိုတာ ၉၈၃ကြိမ်တိတိ သိခဲ့ရပါပြီ။

ဘဏ်စုငွေလဲ တပြားမှမရှိတော့ပါဘူး ။ ဘာလို့လဲဆိုတော့ ဖျားနာပြီးသေမလိုဖြစ်နေတဲ့ ကောင်မလေးအတွက် အလှူခံအီးမေးကို တနှစ်ပါတ်လုံး ၁၃၈၇၂၅၈ကြိမ်တိတိရရှိပြီး ရရှိတိုင်း လှူဒါန်းခဲ့လို့ဖြစ်ပါတယ်။ အခုတပြားမှမရှိပေမယ့် မကြာမှီအခြေအနေတွေပြောင်းလဲတော့မှာ ဖြစ်ပါတယ်။ သူငယ်ချင်းတွေရဲ့ ကျေးဇူးကြောင့် ဘီလ်ဂိတ်ရဲ့ မိုက်ခရိုဆော့ဖ်နဲ့ အမေရိကန်အွန်လိုင်းတို့ရဲ့ ဆိုရှယ်အီးမေးပရိုဂရမ်မှာ ပါဝင်ခဲ့လို့ ပေါင်၁သောင်းခွဲတိတိ ရရှိတော့မှာဖြစ်ပါတယ်။

ဒါတင်ဘယ်ကမလဲ နိုက်ဂျီရီးယားက ဘဏ်စာရေးတယောက်ဆီက ဘဏ်မှာငွေအပ်ထားပြီး သေဆုံးသွားသူရဲ့ ဆွေမျိုးအဖြစ်ဟန်ဆောင်ပေးရုံနဲ့ ပေါင် ၇သန်းကို တ၀က်ခွဲပေးမယ်ဆိုတဲ့ အီးမေးလဲရထားသေးတယ်လေ။

ခုဆိုရင် ဘ၀တလျှောက်လုံးလဲ ပူပန်စရာမလိုတော့ဘူး။ သူငယ်ချင်းတို့ အီးမေးနဲ့ပို့လိုက်တဲ့ နတ်သမီးနတ်သားပေါင်း ၃၆၃ ၂၁၄ ပါးက လာစောင့်ရှောက်နေပြီလေ။ အဲဒီနတ်သမီး နတ်သားလေးတွေကို ငါးမိနစ်အတွင်း သူငယ်ချင်း၇ယောက်ဆီ ပြန်ပို့ခဲ့လို့ ခုဆိုရင် တောင်းထားသမျှဆုတွေ ပြည့်ရတော့မှာပါ။

ကိုကာကိုလာလဲမသောက်တော့ပါဘူး။ သူငယ်ချင်းတို့ရဲ့ ကျေးဇူးကြောင်း အဲဒီအရည်က အိမ်သာဂမုတ်ကိုတောင် ချေးချွတ်နိုင်တယ်ဆိုတာ သိခဲ့ရပါပြီ။

ရှော့ပင်းမောတွေကိုလဲ မသွားတော့ပါဘူး။ ရေမွှေး အရောင်းသမားဟန်ဆောင်ပြီး အိပ်မွေ့ချပြီး ငွေတွေယူသွားတတ်တယ်ဆိုတာကို သိခဲ့ရလို့ ကျေးဇူးအရမ်းတင်ပါတယ်။

အခုဆိုရင် ဖုန်းလာရင်လဲ မကိုင်တော့ပါဘူး။ ကိုင်လိုက်တာနဲ့ ဖုန်းထဲကလူက နံပါတ်တခုကိုနှိပ်ခိုင်းမှာဖြစ်ပြီး ဖုန်းဘီလ်လာတဲ့အခါ နိုင်ငံခြားခေါ်ဆိုမှုတွေ အများကြီးကို အံ့အားသင့်စွာတွေ့ရပြီး ငွေအများကြီးကုန်မယ်ဆိုတာ သိခဲ့ရတယ်။

သူငယ်ချင်းတို့ရဲ့ကျေးဇူးကြောင့် ကိုယ့်အိမ်ကအိမ်သာမဟုတ်ရင် မတက်တော့ပါဘူး။ အိမ်သာအဖုံးအောက်မှာ အာဖရိကပင့်ကူကြီးတွေ ရှိနေတတ်တယ်ဆိုတာ သိခဲ့ရပါပြီ။

အခု ဒီပို့စ်ကို ကူးပြီး အနည်းဆုံး လူတသိန်းလေးသောင်းကို နောက် မိနစ်၇၀အတွင့်ပို့လိုက်ပါ။ မပို့ရင် နောက်နေ့ ညနေ ၅နာရီတိတိမှာ ကုလားအုတ်၁၂ကောင်ဆီက လှေးတွေကျောကိုကိုက်ပြီး ကျောမှာအမွေးရှည်ကြီးနဲ့ဘုကြီးပေါက်လာပါလိမ့်မယ်။ ဒီအတိုင်း ဖြစ်ကိုဖြစ်မယ်ဆိုတာ သိနေပါတယ် ဘာလို့လဲဆိုတော့ ဘေးအိမ်ကလူရဲ့ ပထမယောက္ခမရဲ့ ဒုတိယယောက်ျားရဲ့ တ၀မ်းကွဲညီရဲ့ သူငယ်ချင်းမိတ်ကပ်ဆရာတယောက်ဟာ ဒီလို တထပ်တည်းဖြစ်ခဲ့လို့ပါပဲ။

စကားမစပ် တောင်အမေရိက သိပ္ပံပညာရှင်တွေရဲ့ သုတေသနတွေ့ရှိချက်တခုက ဥာဏ်ရည်နိမ့်တဲ့သူတွေက မောက်စ်ပေါ်လက်တင်ပြီး စာဖတ်တတ်သတဲ့။ ခုမှ လက်ကိုချမနေပါနဲ့လေ နောက်ကျသွားပါပြီ။ (ကီးပက်ပေါ်တင်ထားတဲ့သူတွေလဲ ပါတာပဲ ဟင်းဟင်း)

၂၀၀၉ မှာလဲ ပိုလှတဲ့ နတ်သမီးတွေ သိပ်အံ့သြစရာကောင်းတဲ့ အလန့်တကြားတွေ့ရှိချက်တွေကို တပျော်တပါးကြီး ဆက်လက်ပို့နိုင်ပါစေ။

မှတ်ချက်။ ။ Forum ၂ခုမှ ပို့၂ခုကို တချို့တ၀က်စီယူပြီး ဘာသာပြန်ထားသည်။

Happy New 2009

2008-12-31T23:01:00.003+08:00

2009 မှာဆေးလိပ်ဖြတ်မယ်လို့ ကြွေးကြော်လိုက်တဲ့ တချို့တချို့တွေရော ဘာဆိုဘာမှ မကြွေးကြော်လိုက်ရတဲ့ ကိုယ်လိုလူတွေပါ နှစ်သစ်ကိုကူးရပါတော့မယ်။ (တချို့ခေတ်နောက်ကျတဲ့ သူများကတော့ သူများနှစ်ဆန်းတရက်နေ့ကျမှ နှစ်သစ်ထ ကူးလိုကူးရ... ဥပမာ။ ။ မရွှေဂျမ်း)

2008 နဲ့ပါတ်သက်ပြီး ၀မ်းနည်းစရာတွေ ရှိခဲ့ပေမယ့် (ဥပမာ။ ။ ကိုယ့်နိုင်ငံမှာ ဖြစ်သွားတဲ့ နာဂစ်) ၀မ်းသာစရာကောင်းတာက နောင်တရစရာ မရှိခဲ့လို့ပါပဲ။ ကျန်းမာရေး လေ့ကျင့်ခန်းလုပ်ဖို့ ပျက်ကွက်သလိုပဲ လောက၀တ်တွေတော်တော်များများကို ၀မ်းသာအားရ ပျက်ကွက်ပစ်ခဲ့တယ်။ (ဒါတောင် မင်းဟာ ဆိုရှယ်သတ္တ၀ါပဲလို့ အပြောခံလိုက်ရသေး။) လူတွေကိုကယ်တင်ချင်တဲ့ ဟီးရိုးစိတ်ဓါတ်ကလဲ အမြီးကျက်အမြီးစား ၊ ခေါင်းကျက်ခေါင်းစားသဘောထားတွေကြောင့် တပ်ပျက်ပြီးဒုက္ခိတဖြစ်သွားခဲ့ပြီ။

တချို့ကတော့ ပြောပါတယ် ကမ္ဘာကြီး ဒီနေ့ပျက်မယ်ထင်မနေနဲ့ သြစတြေးလျမှာ မနက်ဖြန်တောင် ရောက်နေပြီတဲ့။ မီးပျက်တာကို ပြသနာလို့မထင်ပဲ ကမ္ဘာပျက်မှာကြောက်နေသူတွေများ ပြောပါတယ်။ ဝေးရာဓါးကိုပဲ မြည်တွန်တောက်တီးရဲတဲ့သဘောလို့ ပြောသူတွေက ပြောကြပါရဲ့။ (ထားပါတော့)

ကိုယ့်ကိုယ်ကို ပေးချင်တဲ့ သတင်းစကားက -
Learn to relax

2008 ကို အပြေးအလွှားပေးလိုက်ချင်တဲ့ သတင်းစကားကတော့ -
အချစ်ကို လက်ခံရရှိ။ Thank you!

အားလုံးအတွက်ကတော့
Happy New 2009
နောင်တမရှိတဲ့ နှစ်သစ်တနှစ်ကို ပိုင်ဆိုင်ရရှိကြပါစေ . . .

အံ့သြတယ်

2008-12-29T21:35:00.000+08:00

အံ့သြစရာပဲ
အံ့အားသင့်ခြင်းတွေ ပွင့်အံကျလာ
အံ့အားသင့်ခြင်းတွေ ပိုးပိုးပေါက်ပေါက်
အံ့အားသင့်ခြင်းတွေ အရုပ်ကြိုးပြတ်
မိုးတိုးမတ်တတ် အံ့အားသင့်ခြင်းတွေက ပုံပျက်ခွေကျ အံ့အားသင့်ခြင်းတွေကို မသတ်နိုင်တော့
အံ့သြစရာပါပဲ

အံ့အားသင့်မှု တခုက တခြားအံ့အားသင့်မှုတခုကို တအံ့တသြ
အံ့လောက်ဖွယ်ရာဖြစ်မှုကိုယ်တိုင်ကိုက အံ့အားသင့် တုန်လှုပ်
အံ့အားသင့်ခြင်းတွေ ထုံကျင်ကြေမွ
အံ့အားသင့်ခြင်းတွေထဲမှာ အံ့အားသင့်ခြင်းတွေ တတိတိနှစ်မြှုပ်

အံ့အားသင့်ခြင်းအဟောင်းအဟောင်းတွေကတောင် အံ့အားသင့်ရလောက်အောင်
သေမယ်ဆိုသေလောက်ရဲ့ အသေအလဲကို အံ့အားသင့်ရ
သေတဲ့ဆီကိုမရောက်နိုင်လောက်အောင် မပြီးနိုင်မစီးနိုင် အံ့သြတကြီး အံ့အားသင့်တော့ . . .

ခရစ္စမတ်အကြို

2008-12-24T19:12:00.002+08:00

ညာလက်က ကောင်းမလိုလိုနဲ့ ပြန်နာနေပြန်တယ်။ ဒီပို့စ်ကို ဘယ်လက်နဲ့ရိုက်ပါတယ်ပြောရင် ဘယ်သန်တွေပြုံးကြလိမ့်မယ်။ ဘယ်သန်ကနေ ညာသန်ဖြစ်လာသူတွေလဲ ပါချင်ပါပေမပေါ့။

မနက်မိုးမလင်းခင်ကတည်းက သက်သာရဲ့လား ရုံးတက်နိုင်ရဲ့လားမေးကြတော့ တယ်လဲသနားကြင်နာတတ်တဲ့ လုပ်ဖော်ကိုင်ဖက်တွေလို့ထင်မိပါရဲ့။ ဘယ်ဟုတ်မလဲ ကိုယ်လဲရုံးတက်နိုင်တယ်ဆိုရော တယောက်က ခေါင်းကိုက်ပြီး တယောက်ကဗိုက်နာသတဲ့။ တဌာနကို တယောက်နှုန်း ရုံးတက်တဲ့နေ့ပါပဲ။ အီးမေးလ်တွေထဲက ရုံးချုပ်ကအလုပ်တွေ တပုံကြီးကိုစာရှည်ကြီးနဲ့ခိုင်းတတ်တဲ့ နံမည်ကိုကောက်ဖွင့်လိုက်တယ် သတင်းကောင်း (ယူသော်ရ၏ပေါ့) တခုပါတော့ ၀မ်းသာရမလို။ ဆက်ခိုင်းထားတာကြည့်လိုက်တော့ နှစ်သစ်ကူးကို အလုပ်တွေခေါင်းရွက်ပြီး ကူးရတော့မယ်ဆိုတာသိလိုက်ပြီ။ ကိုယ့်ဌာနက လူတွေကို စာပို့လိုက်တယ်.. ဟေး ငါတို့ကုမ္မဏီ နှစ်သစ်ကူးအထိ ရှိဦးမယ်။ အနည်းဆုံးတော့ ဇန်န၀ါရီလစာရမယ်ပေါ့ကွာ ပျော်ရွှင်စရာကောင်းသော ခရစ်စမတ်ဖြစ်ပါစေ။ လို့ :)

နေ့လည်စာသွားစားတော့ ခေါက်ဆွဲဆိုင်က သရဲခြောက်တော့မလိုလို။ ဆိုင်ရှင်ကလဲ လူမရှိလို့ စေတနာဗလပွနဲ့ ခေါက်ဆွဲတွေအများကြီးထည့်ပေး။ ကိုယ်ကခံတွင်းပျက်နေတော့ စားလို့မကုန်။ ရှမ်းလိုပြောရင် စိတ်မကောင်းလည်ချောင်းခါးလောက်ပေ၏။ နေ့လည်စာစားပြီးတော့ ညာတာပါတေးနဲ့ Finance နဲ့ Account က မမတွေ လစ်ကုန်ကြပြီ။ ဆေးရုံကိုဖုန်းဆက်တော့ ဆရာဝန်က ခရစ်စမတ်ခွင့်ယူထားသတဲ့။ တာဝန်ကျတယောက်ယောက်နဲ့ပြမလား ဆိုတော့ မိုးကလဲ တစိမ့်စိမ့်ဆိုတော့ အစီအစဉ်ကိုဖျက်တယ်။ ဘာဖြစ်သေးလဲ ကိုယ့်ဘာသာကုတာပေါ့။ အမတယောက်က ခရစ်စမတ်နေ့ကျရင် အချစ်နဲ့တွေ့ပြီး ရောဂါပျောက်မှာပါလို့ အားပေးသွားတယ်။

နောက်ထပ် သတင်းကောင်း၂ခု ထပ်ဝင်လာတယ်။ Karen က ရုတ်တရက် ထ ကတယ်။ ကိုယ်ကတော့ လက်မလှုပ်နိုင်လို့ ရုံးခွဲတွေကို ဖုန်းဆက်ပြီးသတင်းကောင်းတွေပြောရတယ်။ Karen က Celebrateလုပ်မယ်ဆိုပြီး ပစ်ဇာတွေမှာတယ်။ ကိုယ်က ကုတ်တွေ ပက်စီတွေလဲ သောက်လို့မရ ကော်ဖီလဲမသောက်ရဘူးဆိုတော့ ၀မ်းနည်းပါသည်ပေါ့။ ဂုဏ်ပြုချင်ဇောနဲ့ ကိုယ့်ဌာနကလဲ ဖဲကြိုးတွေစည်းထားတဲ့ ဘူးကြီးပို့လိုက်တယ် စားမရသောက်မရပန်းတွေ ဖယ်လိုက်တယ်။ ဘုတ်မှာကပ်ထားဖို့ကလွဲပြီး ဘယ်သူမှဘာမှလုပ်လို့မရတဲ့ ကဒ်ကြီးဖယ်လိုက်တယ်။ ဖွင့်လိုက်တော့ အထဲမှာဘူး၎ဘူး။ ထပ်ဖွင့်လိုက်တော့ ၄ဘူးစလုံးအာရေဘစ်ကာ ကော်ဖီပုလင်းတွေဖြစ်နေတယ်။ ဘာပြောကောင်းမလဲ... နာနေတဲ့ညာဖက်လက်နဲ့ပုခုံးကိုပဲ ဖြုတ်ရကောင်းနိုး၊ ကော်ဖီမသောက်ရဆိုတဲ့ ဆရာဝန်ကိုပဲ နှုတ်ပိတ်လိုက်ရကောင်းနိုးပေါ့။

ညနေကျတော့ မေးစရာတခုရှိလို့ ဂျီအမ်ကိုဖုန်းဆက်တော့ သူက နင်ရုံးမှာဘာလုပ်နေတာလဲတဲ့ ကမ္ဘာပျက်မှာမို့လားတဲ့ အဲဒါနဲ့ ၅နာရီကျတော့ ၂ယောက်တည်းကျန်သော ရုံးတက်သမားတွေ တံခါးပိတ်ပြန်ကြလေသတည်းပေါ့။ ဈေးသွားဝယ်ချင်ပေမယ့် လူတွေရှုပ်နေမှာရယ် အလေးအပင်မ မ နိုင်တာရယ်ကြောင့် အိမ်ကိုတန်းပြန်လာတယ်။ အိမ်ရောက်တော့ သနားစရာအဖြစ်မခံနိုင်တာမို့ ဆွေမျိုးတွေကိုဖုန်းဆက်ပြီး ၀ှရ်ှလုပ်ရတယ်။ အခန်းထဲမှာ ပုံအသစ်တွေထပ်ချိတ်တယ်။ ဘယ်ပုံလဲဆိုတော့ မနက်က Congratulations, Babe လို့ ပြောသွားတဲ့တယောက်ပေါ့။ ပြီးတော့ မီးတွေမှိတ်ပြီး ဖယောင်းတိုင်ထွန်းလိုက်တယ် (ဒီဇာတ်လမ်း ဒီနေရာရောက်ရင် ရန်ကုန်ကသူငယ်ချင်းတွေ ထဆဲတော့မယ်ဆိုတာသိတယ် ဘာကွ ဖယောင်းတိုင်ဟုတ်လား :D)

မိုးတဖွဲဖွဲကျသံကြားနေရတယ်။ ဖယောင်းတိုင်မီးရောင်နဲ့ ချိတ်ထားတဲ့ ပုံလေးတွေကြည့်နေမိတယ်။ ဘယ်လက်နဲ့ စာ စရိုက်တယ်။ After all, life is not so bad.

ပျော်ရွှင်ဖွယ် ခရစ္စမတ်ဖြစ်ပါစေ

ညစာ

2008-12-18T21:07:00.004+08:00

ညစာ စားရဲ့လားဆိုတဲ့ အိမ်ကမေးခွန်းကို ခုနကလှမ်းဖြေလိုက်တဲ့ စာပါ။ ပြန်ရောက်လာတဲ့စာက အဲဒါဘာပြောတာလဲ ........ တဲ့
-------------------------------------------------------------------------
အငွေ့တထောင်းထောင်းထနေတဲ့ စွပ်ပြုတ်ပန်းကန်ပြားရှေ့မှာ ငါထိုင်နေတယ်။
ဒီထောင့်လေးနားက အရွက်သေးသေးစိမ်းစိမ်းလေးကို ဘာခေါ်သလဲငါမသိဘူး။
ဒါပေမယ့် ဒီစွပ်ပြုတ်အရသာရှိမယ်ဆိုတာသိတယ်။
မှိုဘယ်နှစ်ပွင့်ပါသလဲ သိတယ် ငရုတ်ကောင်းဘယ်နှစ်ခါဖြူးသလဲသိတယ်။
ဖြူပျစ်ပျစ်စွပ်ပြုတ်ကို တခါမွှေလိုက်တိုင်း ဒီလိုအငွေ့တွေ ထောင်းကနဲထမယ်ဆိုတာ သိတယ်။
ဘယ်လောက်ပဲပူပူ ဒီစွပ်ပြုတ်ကို ငါသောက်တော့မယ်။

အသံပိတ်ထားတဲ့ တီဗီပေါ်က လှုပ်နေတဲ့ အရုပ်တွေကို ငါသနားသွားပြီ။
ဂျက်လန်ဒန်ရဲ့အသားတတုံးကို သနားသွားပြီ။
ဘာ...ချိစ်ပါတယ်ဟုတ်လား လို့ စူးစူးဝါးဝါးထအော်တတ်တဲ့ မိန်းမတွေကို ငါသနားသွားပြီ။
အနံရလိုက်ပြီး မသောက်လိုက်ရမယ့် ပမွှားပရွက်ဆိတ်တွေကို ငါသနားသွားပြီ။
ငါဘယ်တော့မှ ဝေမျှမပေးမယ့် အရာတွေထဲမှာ ဒီစွပ်ပြုတ်လဲပါတယ်။
ပြောချင်တာပြော... ဒီစွပ်ပြုတ်ကို ငါသောက်ရတော့မယ်။

ပုဝါကို ကျကျနနဖြန့်လိုက်တယ်
ကဲ ရှည်လျားလှတဲ့ နေ့တာကြီး မင်းဘာတတ်နိုင်သေးလဲ။
-------------------------------------------------------------------------

မှတ်ချက်။ ။ ကဗျာမဟုတ်ဘူး။ ကြိုက်သလောက်ရယ်ပေတော့ ဒေါ်ငုံးဥ။

မီးသစ်မီးဟောင်းတွေအကြောင်း

2008-12-14T20:04:00.005+08:00

မောင်လေး ကျောင်းစတက်တဲ့ နေ့ကို သတိရနေမိတယ်။ ရှားရှားပါးပါး မောင်နှမတွေထဲမှာ အသက်ငါးနှစ်တင်းတင်းပြည့်မှ ကျောင်းစတက်ဖူးတဲ့ကိုယ်တော်။

ဆံပင်ညိုညိုပျော့ပျော့လေးကို ဘီးရာထင်အောင်အသေအသပ် ခေါင်းဖြီးထားတဲ့ ၀ိုင်းစက်နေတဲ့ပါးကွက် ၂ဖက်နဲ့ အသစ်စက်စက်အဖြူအစိမ်းဝတ်စုံနဲ့ မျက်နှာက စူပုပ်နေရောပဲ။ ကျောင်းသွားမယ်ဟေ့လို့ အဖေက ကောက်ချီလိုက်တာနဲ့ အာခေါင်ကိုခြစ်ပြီးအော်ငိုတော့တာ။ အဖေ့ကိုလဲမသွားဘူး မသွားဘူးဆိုပြီး ကုပ်ဆွဲထားလိုက်တာ အဖေ့လည်ပင်းဆိုခြစ်ရာတွေ နီလို့။ ကိုယ့်မှာ သူကျောင်းတက်ကတည်းက မုန့်စားဆင်းချိန်တိုင်း ဒင်းကိုပြေးပြေးတွေ့ရတာ တလလောက်လဲနေရော ဒင်းကအပေါင်းအသင်းတွေရပြီး အမကို အဖက်မလုပ်ချင်တော့မှပဲ သက်သာရာရတော့တယ်။

သူတက္ကသိုလ်စတက်တဲ့နေ့ကလဲ ဆွေမျိုးတကာစုံလင်စွာနဲ့ သူ့အဆောင်ထိလိုက်ပို့ကြတာ။ ခုနေပြန်စဉ်းစားတော့ တော်တော်ကဲကြတာပဲလို့ တွေးမိတယ်။ သူနေရမယ့်အဆောင်ကိုကြည့်ပြီး အမေ့မျက်နှာကသိပ်မကောင်းလှ။ သူ့ပုံကလည်း ပိုးဟပ်ဖြူဆိုတော့ ဆေးတွေဝါးတွေအစုံအလင်နဲ့ စိတ်မချစွာထားခဲ့ရတာပေါ့။ သူကလဲ ကျောင်းပိတ်တာနဲ့ နေ့မကူးခင်အိမ်ပြန်လာတာပဲ။ ဒုတိယနှစ်လောက်လဲရောက်ရော သူက ကျောင်းပိတ်ရက်တောင် အိမ်ချက်ချင်းမပြန်ချင်တော့။ တတိယနှစ်မှာ သီးဆစ်အတွက်ချင်းတောင်ကို ပန်းသီးခင်းသွားကြည့်တယ်ဆိုတာလား ပြန်တောင်မလာဘူးလေ။ လူကလဲ နောက်တယောက်ပြောင်းသွားသလို အသားတွေနေလောင် လူကောင်ကြီးကြီးနဲ့ ဆံပင်ရှည်ကထားလိုက်သေးတယ်။ အိမ်က အဲဒီအခါမှ စိတ်နည်းနည်းအေးရတော့တာ။ ဒါပေမယ့် အိမ်သံယောဇဉ်ကို ကျောင်းသံယောဇဉ်က အနိုင်ယူတတ်မှန်းမသိခဲ့ရ။

သူအလုပ်စ ၀င်တော့လဲ အဲလိုပါပဲ ပါးစပ်အမြှုပ်ထွက်မတတ်မှာရတယ်။ စိတ်ပူရတယ်။ ကိုယ်ကပဲ ပူလွန်းနေတာလား။ သူ့ပုံကပဲ စိတ်မချစရာဖြစ်နေသလား။ နောက်တော့ လုပ်ဖော်ကိုင်ဖက်တွေနဲ့ အဖွဲ့ကျလို့။ ကိုယ်ကလည်းအဝေးရောက်ပြီဆိုတော့ စာနဲ့ပဲလှမ်းပူရတာပေါ့။ သူက စာတောင်မှန်မှန်မပြန်တော့။ အလုပ်များနေတယ် လုပ်ဖော်ကိုင်ဖက်တွေနဲ့ ဘယ်သွားလည်နေလို့ အဲသလို။ အလုပ်သံယောဇဉ်နောက် ပါသွားပြန်ရော။ အဲဒီအချိန်မှာ ကိုယ်က သိပ်မပူတော့ဘူး။ ကိုယ်လဲ အင်အားကြီးသံယောဇဉ် စတွေ့နေပြီကိုး။

အခုတော့ သူကရေစိမ်းမြေစိမ်းမှာ ပရောဂျက်အသစ်အတွက် သွားနေရမယ်ပြောလာတယ်။ ဂရုစိုက်လို့တော့ ပြောလိုက်တယ်။ သူလုပ်နိုင်တယ်ဆိုတာသိလို့လား ကိုယ်ကမောင်နှမတွေကို သိပ်မပူပန်ပေးတတ်တော့တာလား။ ကိုယ့်ဘာသာလဲ အံ့သြမိတယ်။ လူတွေက အသက်ကြီးလာတဲ့အခါ ဒီလိုပဲဖြစ်တတ်သလား ကိုယ်တယောက်ထဲပဲ ဒါမျိုးဖြစ်နေသလားမသိဘူး ။ တချိန်တုန်းကတော့ ဒီမောင်လေးအတွက်ပူလိုက်ရတာ အမေ့ထက်တောင်ပိုကဲနေသေးတယ်။

အခုစိတ်ပူရတာက တနင်္လာနေ့အလုပ်သွားတော့မယ့် တစုံတယောက်အတွက် အအေးမမိဖို့၊ စားရေးသောက်ရေးအဆင်ပြေဖို့၊ ညကားမောင်းပြန်လာတဲ့အခါ ဘေးရန်ကင်းဖို့။ ၁ရက်လောက် အသံမကြားရတာနဲ့ သေပြီလားမတွေးမိပဲ အင်တာနက်ပျက်သလားဖုန်းပျက်သလား တွေးမိဖို့။ ဥာဏ်နည်းလို့ပဲလား အမိုက်မှောင်ဖုံးနေလို့ပဲလား တရားကလဲမရနိုင်ဘူး။ တရားအတူထိုင်ဖူးတဲ့ သူငယ်ချင်းတယောက်ကတော့ ပြောပါတယ်။ ယောင်းမရေ တရားကိုလဲဆင်ခြင်ဦး တရားထိုင်တာကို အသက်ရှူလေ့ကျင့်ခန်းလောက်ပဲ သဘောထားပြီး လုပ်မနေနဲ့လို့ ပြောဖူးတယ်။

သူအရင်တရားရပြီး တောထွက်သွားမှ ကိုယ်လဲတရားကိုရိပ်ဖမ်းသံဖမ်း စရှာရကောင်းမှန်း သိမယ်ထင်ပါရဲ့။ မတော် တရားမရှာပဲ နှမလက်လျှော့နေပေတော့လုပ်သွားတယ်ဆိုပြီး ကဗျာတွေများ ထရေးနေမိမလားမသိ။

နောက်သလိုဖြစ်နေပြီ

2008-12-13T23:06:00.001+08:00

ဖြစ်မလာခြင်းတွေ ရင့်မှည့်တဲ့အခါ
ဘာကိုရိတ်သိမ်းကြမှာလဲ
ဘာမှမလုပ်နိုင်တဲ့သူတွေ စဉ်းစားဟန်ဆောင်နေရတာနဲ့ပဲ
အဆိုအမိန့်တွေ ခမ်းကြီးခမ်းနားဖြစ်လို့

ဒီလိုပုံစံနဲ့ပဲ တချို့စက္ကန့်တွေပြုန်းတီးသွားရလို့
တချို့စက္ကန့်တွေကို ဖြုန်းတီးပစ်လိုက်တယ်
ကျေရောပေါ့ကွာ

အတိတ်ဆိုတာ ကဗျာဖွဲ့လို့တော့ အကောင်းသား
တကယ်လွမ်းသလားမလွမ်းသလား
အဖြေမကြားချင်လို့ မေးမထားမိဘူး
ဒီလိုလဲ ကိုယ့်ဘာသာလွတ်ငြိမ်းချမ်းသာခွင့်ကလေးနဲ့

ပုဂံတချပ်ပေါ်က မြေပဲစေ့အချင်းချင်းတောင် ထိမိဖို့ခက်နေမှတော့
ဒီကမ္ဘာမြေကြီးက ကျဉ်းတယ်ဆိုတဲ့ ဆုန်သင်းပါရ်သီချင်း
မင်းမဆိုဖြစ်တာ ကြာပြီမဟုတ်လား

အိုဘယ့် နှစ်သစ်

2008-12-12T21:08:00.002+08:00

နှစ်သစ်အကြောင်း တွေးလိုက်မိရင် ဆောင်းမရှိတဲ့ နေရာမှာတောင် အေးစက်စက်ခံစားချက်ကိုရတယ်။ နှစ်ကူးရင် ဘာလေးရချင် ညာလေး ရချင်ဆိုတဲ့ စိတ်လောက်နှိပ်စက်တာ မရှိဘူး။ တကယ်တော့ နှစ်သစ်ဟာ ဘယ်တုန်းကမှ ဘာမှမသယ်ဆောင်လာပေးပါဘူး။ ဒီတော့ ဘာမှမမျှော်လင့်တာ ကောင်းတယ်။ ဘာမှလုပ်ဖို့စိတ်ကူး မရှိ။ ဘာမှလဲ မမျှော်လင့်ဘူးဆိုရင်တော့ သိပ်သနားစရာသတ္တ၀ါဖြစ်သွားလိမ့်မယ်။ ဒီတော့ မလိုအပ်တဲ့ အပိုပစ္စည်းတွေကို သိပ်လိုချင်တာပဲ ဘာလေးဈေးချရင်ကောင်းမယ်တို့ နှစ်သစ်ကျရင် ဘာကြီးစားပြီး ဘာလုပ်မယ်တို့ လုပ်ရပြန်ရော။ (ဖတ်ရတာထောက်နေရင် ခွင့်လွှတ်ပါ ဆြာကြီးတွေ ဖတ်ပြီး ဝေဖန်တတ်လို့ ဗမာလိုသေသေချာချာရေးနေတာပါ ဒံတံ့တံ . . )

နောက်တနေ့ ကူးမကူးမသေချာတဲ့ (အမှန်တော့ ကိုယ်လဲမသေချာဘူး ဘယ်သူမှမသေချာဘူး . . . သာဓု သာဓု သာဓု :P) လူနာတယောက်ဘေးနားထိုင်ပြီး တရားမရပဲ နောင်နှစ်ဘာလုပ်မယ်တွေးနေရတာ တော်တော်ချောက်ခြားစရာကောင်းတယ်။ အဲဒါပါပဲ လူတွေက ကိုယ့်မျက်ချေးကိုယ်မမြင်ဘူး။ ကိုယ့်မျက်ချေးကိုယ်မမြင်ဘူးလို့ ပြောလိုက်မိတိုင်း လူတွေ သူတို့ကို စောင်းပြောတယ်မှတ်ပြီး မျက်နှာကွက်ကနဲ ပျက်ပျက်သွားတတ်တာ တော်တော်ရယ်ရတယ်။ (မမြင်ပေမယ့် ချေးရှိတာ သိတဲ့သဘောပေါ့လေ) ဒါကြောင့် အဲဒီစကားကို အပြင်မှာမပြောဘူး။

တခါတခါတော့လဲ လူ့ဘ၀တွေက ငြီးငွေ့စရာကောင်းလွန်လွန်းလို့ ဘာနေ့ညာနေ့တွေ ထ ထ ကျင်းပပေးနေရပုံပေါက်ပါတယ်။ သူများကိုပေးထားတဲ့ ကတိတွေချိုးဖောက်ရတာ အားမရတော့ ကိုယ့်ဘာသာကိုယ်ကတိတွေပေးပြီး New Year Resolution တွေ ကြေငြာလိုက်ကြရတာ။ ကိုယ့်ဘာသာလိမ်မိရင် သိပ်အားနာစရာမလိုလို့များလားပဲ။ တချို့ကလဲ ကိုယ့်ကိုယ်ကိုယ်စေ့ဆော်မှုက တကယ့်အောင်မြင်မှုကို ရောက်စေတယ်ပေါ့လေ ဘာကြီးဖြစ်ရမည် ဘာကြီး ရရမည်ပေါ့။ မဖြစ်လာတော့လဲ အရင်းပေါ့လို့များ မှတ်သလားမသိပါဘူး။

ငယ်တုန်း ရွယ်တုန်းတွေ နှစ်သစ်ကူးရည်မှန်းချက် များများထားသင့်တယ်။ အဲ အသက်ကြီးလာပြီဆိုရင်တော့ လျှော့သင့်တယ်ပေါ့လေ သင်ခန်းစာရသင့်ပြီမဟုတ်လား ;) နည်းနည်းပါးပါးတော့ ထအော်ပေါ့ နှစ်သစ်ကျရင် ဆေးလိပ်ဖြတ်မယ်တွေဘာတွေ ဘာမှမကြေငြာတော့လဲ လူတွေက ဒီပရက်ရှင်ရနေတယ်ထင်တတ်တာမျိုး။ ထင်ချင်ရာထင်တဲ့ လူတွေကိုလဲ တခါတလေ ဂရုစိုက်ပေးရတာပဲ။ မဆန်းဘူးလား။ အေးလေ... လူတွေဖြစ်ပြီး လူတွေကြားနေသကိုး ဂရုစိုက်ရသပေါ့ ငှက်တွေဖြစ်ပြီး ငှက်ကြားနေလို့ကတော့ လူတွေခေါင်းပေါ် ယိုချလိုက်ရုံပ။

လောကီဘုံကြီး ရှုပ်ထွေးလွန်းလို့ အရူးတွေကသာ ရှေ့တိုးသတဲ့။ ကြည့်လိုက်တော့ နောက်မှာဘယ်သူမှ မကျန်ခဲ့ဘူး။ ငါလဲရှေ့တိုးလိုက်ဦးမှ B-)

----------------------------------------------------------------------------------------

Remark: နှစ်သစ်အကြောင်း ရေးခိုင်းတဲ့သူငယ်ချင်းတော့ စိတ်ပျက်ရှာမယ်။ ကဗျာတပုဒ်ထွက်လာမယ် မျှော်လင့်နေခဲ့ရင်တော့ ဆောရီးပါ။ ခံစားဖန်တီးနိုင်စွမ်းတွေ ကုန်ဆုံးသွားပြီလို့ ပြောချင်ရင်လဲ စောဒကတက်စရာမရှိပါ။ စောပါသေးတယ် ယောင်းမရယ် စိတ်လျှော့။ Merry X'Mas!!!

စာရင်းမရှိတဲ့သတ္တ၀ါ

2008-12-06T22:50:00.000+08:00

ရုံးကလူတွေအားလုံး ဗကေးရှင်းယူကြမှာမို့ ခရစ္စမတ် နေ့လည်စာစားပွဲကို ခပ်စောစောလုပ်ကြတယ်။ စားပြီးတော့ နောက်အပါတ် ရုံးတွင်းပါတီမှာ လက်ဆောင်လဲဖို့ စီစဉ်ကြပြန်ရော။ လုပ်ပုံလေးက စိတ်ဝင်စားဖို့ကောင်းပါတယ်။ အကြံဥာဏ်တွေဝိုင်းပေးကြတော့ နင်က အစည်းအဝေးမှာတော့ အသံထွက်တယ် အပျော်ကိစ္စကြတော့ အိနြေ္ဒဆည်နေတယ်လို့ ပြောပါလေရော။ အဲဒါနဲ့ လိုက်ဝေလေလေလိုက်ရသေးတယ်။ ထားပါတော့...

ကိုယ်လက်ဆောင်ပေးရမယ့်လူကို မဲနှိုက်ကြပါတယ်။ ကိုယ်ရတဲ့နံမည်ကို လျို့ဝှက်ထားရတာပေါ့။ ဘယ်လောက်အနည်းဆုံးဖြစ်ရမယ်လို့ တန်ဖိုးကို သတ်မှတ်ထားတော့ မဟုတ်ကဟုတ်ကတွေလဲ ဘရုတ်ကျပြီးပေးလို့မဖြစ်ကြတော့ဘူး။ ပြီးတော့ Wish List ဖြည့်ရပါတယ်။ လိုချင်တာတွေပေါ့ ၃ခုအထိဖြည့်လို့ရတယ်။ ကိုယ်လက်ဆောင်ပေးရမယ် အမကြီးနံမည်အောက်မှာ ဖတ်လိုက်တော့ သူက တမျိုးထဲရေးထားပါတယ် ရှာဝယ်ရလွယ်တာမျိုးမို့ ၀မ်းသာသွားတယ်။ ဟိုဖက်ကမ်းရောက်ရင် ပိုတောင်ဈေးသက်သာဦးမယ် ဟိဟိ။ ၀ယ်လာပေးလိုက်မယ်ပေါ့။ ပြီးတော့ List ကြီးကို လက်ဆင့်ကမ်းလိုက်တာ ညနေကျတော့ ကိုယ့်ဆီပြန်ရောက်လာတယ် ဖြည့်ဖို့ကို မစဉ်းစားနိုင်သေးဘူး။ အစားအသောက်ဆိုရင်လဲ ဒီပုံစံပဲစားတယ် ကိုယ်စားမယ့်ဟာလဲ တပါတ်တခါလမ်းကြုံလို့ ၀င်ဝယ်လာနေကျ စားဖို့က မလိုဘူး။ အ၀တ်လဲ ၀ယ်ခဲတယ် ကိုယ်မပါပဲ သူများဝယ်လာပေးတာမျိုးလဲ အဆင်ပြေမှာမဟုတ်ဘူး။ ဖိနပ်တို့ အိတ်တို့ဆိုပိုဝေးသေး။

သူများလိုချင်တောတွေ နည်းနည်းခိုးချမယ်ဆိုပြီးဖတ်တော့ ရှီဆေးဒိုးတဲ့၊ ချောကလက် nuts မပါရဘူးနော် တဲ့၊ ဘာတံဆိပ်ဆိုလား ဘာအရောင်flip flop နံပါတ် ဘလောက်၊ အဲဒီဟာကြီးကိုပဲ နောက်တရောင် နံပါတ်အကြီးက နောက်တယောက်၊ Spa voucher တဲ့ (ဟွန့် အချိန်ကုန်ငွေကုန်လူလဲပိုလှလာတာမဟုတ်စ်)၊ Cash ပဲပေး ဟီးဟီး ဆိုတာတယောက်၊ တယောက်က ၀ှစ်ရှ် နံပါတ်သုံးမှာ iPod တောင်းထားတာလဲပါသေးတယ် ပြီးမှ သိပ်generous ဖြစ်မှပါတဲ့ (iPod တွေ iPhoneတွေ လုံးဝ လုံးဝမကြိုက် တုံးတယ်ပြောပြောလေ... i ဆိုရင် ငါဆိုတဲ့ I ပဲကြိုက်တယ် You မကျေနပ်လဲနေ)၊ အဲသလိုနဲ့ သူများဝှစ်ရ်ှတွေ လိုက်ဖတ်တာတောင် လိုအင်ဆန္ဒက ရွက်ပုန်းသီးဖြစ်နေသလားမသိဘူး ပေါ်တော်မမူလာဘူး။

ရုံးဆင်းခါနီးတော့ မန်နေဂျာမမ က ငွေသတ်မှတ်ထားတာနည်းလို့လား ဈေးကြီးတဲ့ပစ္စည်းလဲတောင်းလို့ရပါတယ် ၀ယ်ချင်ရင်ဝယ်လာကြမှာပေါ့လို့ လာပြောပါတယ်။ မဟုတ်ပါဘူး ဈေးကကိစ္စမရှိပါဘူး၊ အစီစဉ်လေးကကောင်းပါတယ် အချင်းချင်း ပိုရင်းနှီးသွားတာပေါ့လို့ ဖှောရှောရသေးတယ်။ ဒါဆို နင်က ဘာလို့ ဘာမှမရေးတာလဲတဲ့ ငါဘာလိုချင်လဲမသိလို့လို့၊ Anything လို့ရေးတော့လဲ သူက မရဘူးလို့ပြောပါတယ်။ အဲဒါနဲ့ fruits ဆိုတော့ သူတို့က ဟမ် သတ်မှတ်ထားတဲ့ငွေနဲ့ဆို အသီးတွေအများကြီးဝယ်ရမှာပေါ့ လှောင်နေသလိုဖြစ်နေတယ်လို့ ပြောပြန်ရော၊ နင်တကယ်အသီးစားချင်လို့လားလို့ HR ကဘွားတော်က မေးပါတယ် ရုံးကရေခဲသေတ္တာထဲမှာလေ နင့်အသီးတွေချည်းပဲ တပါတ်ကျော်ရင် ငါပဲပစ်ထုတ်နေရတာတဲ့။

အကောင့်မန်နေဂျာတယောက်က ကူညီချင်လို့ပါတဲ့ A Blouse or dress (simple design but with color pls) လို့ထည့်လိုက်တဲ့ နင်က အဖြူ၊ အမည်း၊ မီးခိုးပဲဝတ်လို့ ငါပျင်းတယ်တဲ့။ နောက်တယောက်က နင်ဝယ်စားနေကျ ခေါက်ဆွဲပြုတ်ဆိုင်က မင်ဘာကဒ်လို့ရေးပါလားတဲ့ အရပ်ကူလူဝိုင်းတာတောင် List က မလှသေးဘူး ထီးလို့ရေးလိုက်တဲ့ နင်မိုးရေထဲပြေးပြေးလွှားလွှားသွားနေတာတွေ့ရလို့တဲ့ ကြည့်လိုက်တော့ အိတ်ထဲမှာထီးတချောင်း အံဆွဲထဲမှာထီးတချောင်း တောင်းပန်ပါတယ်လို့ ထီးပေးရင်လဲ ငါအလေးခံပြီးသယ်ရတာပဲ အဖတ်တင်မှာလို့။ သူများတွေသိပ်အာရုံစိုက်မိမှာစိုးလို့ ကြည့်ကောင်းအောင် သူတို့အကြံတွေ ဟိုနည်းနည်းဒီနည်းနည်းယူဖြည့်လိုက်တယ်။ ဖြည့်လိုက်တာတွေကလဲ အမှန်တော့ မလိုချင်ဘူး။

အရမ်းကိုပြည့်စုံနေလို့လဲ မဟုတ်ဘူး။ အသားကျသွားတာလား၊ မရတာတွေများလွန်းလို့ မတောင်းဆိုရဲတော့တာလား၊ ဆုံးရှုံးမှာစိုးလို့ ဘာမှမလိုချင်တာလား၊ တကယ်ကိုပဲ ဘာကိုမှလိုချင်လှချည့်လို့ မရှိတော့တာလား။ ကိုယ့်ဟာကိုယ်ဘာလိုချင်မှန်းမသိတဲ့ ခပ်တုံးတုံးငနဲဖြစ်နေသလား... အဲသလိုပေါ့ စဉ်းစားစရာတွေဖြစ်လာတယ် အပြန်မှာ ဘတ်စ်ကားမှန်ပြတင်းက မိုးရေစက်တွေနောက်မှာ သိပ်သနားစရာကောင်းတဲ့သတ္တ၀ါတကောင်ရဲ့ အရိပ်ကိုတွေ့တယ်။ ကိုယ့်ဘ၀ကိုယ်သနားယုယ နေရတာနဲ့ အနာတရဖြစ်မှာစိုးနေတာနဲ့ပဲ ဘာမှတောင် မလိုချင်ရဲတော့တဲ့ ကောင်ပေါ့။ နစ်နစ်နာနာပြောရရင်တော့ ဘာကိုမှရည်ရွယ်ချက်မရှိ၊ ဘာမှရဖို့မကြိုးစားပဲ အချိန်တွေသုံးစွဲရတာကိုပဲ ဘ၀ လုပ်နေရတဲ့ကောင်။

မှတ်ချက်။ ။ Wish List ဂြိုလ်မွှေလို့ အသုံးမကျတဲ့ကောင် လုံးလုံးဖြစ်ရပြီ။ စိတ်နာတယ် နောက်ဆိုဘာလိုချင်လဲ လာမမေးကြနဲ့ စိတ်ဆိုးတယ်။

ဘာဆိုဘာမှ ပြောပြစရာမရှိ

2008-12-05T21:36:00.002+08:00

SWEET DECEMBER

2008-12-01T00:01:00.000+08:00

Good Bye, November

2008-11-30T23:52:00.001+08:00

ရွံစရာကောင်းတဲ့ကိစ္စတွေ

2008-11-23T19:33:00.003+08:00

ငါ့ရှေ့ကနေ ထွန်မကျူးစမ်းပါနဲ့
ဘာမှမကျန်ဘူးဆိုတဲ့အချိန်မှာ ဘာမှမကျန်ဘူးဆိုတဲ့အသိ ကျန်ဖို့လိုတယ်

တမိုးလုံးငါလိုလူတွေချည်း
မရလိုက်သူတွေဆီမှာသာ တချို့လူတွေဟာငါးခပ်ကြီးကြီးဖြစ်ရ
ရေချိုးပြန်သူတွေများလေ ဒီမြစ်ကမ်းကသုန်မှုန်လေ

အကြိမ်တော်တော်များများမှာ ဘ၀ဟာ
ဝီစကီလောင်းပါ ကုတ်လောင်းပါလို့ တောင်းဆိုလို့မရတဲ့ရေခဲတုံးဖြစ်တယ်
တချို့တချို့တွေကလဲ ငါးသေကောင်ရဲ့ပါးစပ်နား လုံးပါးပါးရ

ဘယ်တော့မှမလာတဲ့ဘတ်စ်ကားလို အကျင့်သိက္ခာတွေကြားမှာ
မေတ္တာတရားက မှတ်တိုင်မှားဆင်းခဲ့ပြီ
ငါတို့တွေရော ဘာကိုစောင့်နေကြတာလဲ

သံဝေဂ အတု

2008-11-22T22:29:00.000+08:00

ဆုံးရှုံးရခြင်းတွေထဲမှာပဲ အသက်တွေကြီးရင့်
မဖြစ်သင့်တာတွေ ထ ထ ဖြစ်တတ်တာတခုထဲနဲ့လဲ
ဘ၀ကြီးကို ခနခန မဆဲရေးချင်တာ

လောင်ကျွမ်းပြီးသား ပြာလို အနာတွေကို သိုဝှက်
ဘယ်အတွက်ဘာကိုငဲ့မိမှန်းတောင် မသိတော့တာ

ဘယ်ဆီကမှ အလင်းရောင်တချက် ထူးမရခဲ့ပါဘူး
အိပ်ပျက်ညတိုင်းမှာ အမြင်အာရုံတွေတော့ ကျင့်သားရလာခဲ့
ဒီလိုပဲသန်မာရမယ် အနည်းဆုံးတော့ သန်မာဟန်ဆောင်ရမယ်

ပင်လယ်ကြီးအငန်ပေါ့စေကြောင်း ရေစင်သွန်းလောင်းပေးမိတဲ့အခါမှ
မျက်နှာမရဖိနပ်ရ စေတနာများအတွက်လဲ
တရားမရနိုင်လွန်းလို့ ကိုယ့်စိတ်ကိုယ် ကို ပြတ်စဲကြောင်းကြေငြာလို့မရ

ကျေးဇူးမတင် -င်-ှန်ပြတာ လူ့ဗီဇလား
ကျေးဇူးအထူးအတင်ခံချင်တာက မူလလားဆိုတာတွေနဲ့
ဘဲဥအစ ရှာကြ၊ ပုတ်သင်ဥပေါ်မှ စိတ်နာကြ

မေ့လွယ်ပျောက်လွယ်တွေအတွက် ထပ်ပြောချင်တယ်
ဒီမယ် . . .
ဆုံးရှုံးရခြင်းတွေထဲမှာပဲ အသက်တွေကြီးရင့်
မဖြစ်သင့်တာတွေ ထ ထ ဖြစ်တတ်တာတခုထဲနဲ့လဲ
ဘ၀ကြီးကို ခနခန မဆဲရေးချင်တာ

ဘာမီးလဲတဲ့

2008-11-09T13:48:00.000+08:00

အလင်းလက်ဆုံး ကို လောင်ကျွမ်းပြခဲ့တာ
အရှိန်မထိန်းနိုင်တာကိုက အလှ
တကယ်တော့ ငါက ကောက်ရိုးမီး
ပွဲ ပြီးပြီး မပြီးပြီး သေတဲ့မီး။ ။

.................. မဖြေဖြစ်လိုက်တဲ့ စာမေးပွဲတခုသို့

အဲဒီမီး ဘာမီးလဲ

2008-11-06T01:50:00.003+08:00

ဆန္ဒလေးတခုပါ
ပုံစံမပျက် ပြာဖြစ်သွားတဲ့သစ်ငုတ်လို
လေအလာကိုသာ ဘုရားတနေရတော့တယ်

ခြေညောင်းခဲ့ပြီဖြစ်တဲ့ အားကျိုးမာန်တက်စေတနာတွေ
အပြန်လမ်းမှာ ရေစီးကမ်းပြိုဖြစ်
ဖရုံးသီးတွေ လက်နဲ့တို့ မင်းတို့စီးဖို့မြင်းလဲ ဖန်ဆင်းပေးချင်လှ
အတွက်မတတ်တော့ နက္ခတ်များ မှားရော့သလား

အားလုံး ငါ့အပြစ်တွေပါကွာလို့ ခေါင်းငိုက်စိုက်ကျ
အကယ်ဒမီရမယ့်အကွက်လဲ မခင်းချင်တော့
မင်းသွားမလား ငါသွားရမလားလို့ ရန်စကားလဲမပွားချင်တော့
ထားခဲ့ပါတော့ကွာလို့ မျက်ရည်လုံးကြီး ဘူးသီးလောက်မကျပြချင်တော့
ဒီနှစ်မရ နောက်နှစ်ပေါ့ကွာ . . . ။ . . . . . .။

PS// ဆုမချိတ်လဲ သစ်ပင်ချိတ်ရမယ်။ သစ်ပင်မှမချိတ်ရင်တော့ ဓါတ်တိုင်သာချိတ်ပစ်။

ပေါက်လား

2008-11-05T20:37:00.001+08:00

ငါလျှောက်နေတဲ့လမ်း
ငါထမ်းပိုးထားတဲ့လေထုနဲ့ ဝေးနေသမျှ
ငါရေးပြတဲ့ကဗျာ
မျက်လုံးသက်သက်နဲ့သာ ဖတ်သွားကြပါ

လေစိမ်းတွေအေးစက်စက်

2008-11-04T21:31:00.006+08:00

လေတွေအရမ်းတိုက်နေတယ်
မူလအသိစိတ်နဲ့ မျက်မှောင်ကိုကြုံ့ထားကြ
အရောင်တွေလား အတိတ်တွေလား အမှောင်တွေလား အရိပ်တွေလား
တထိတ်ထိတ်နဲ့စူးစိုက်ကြည့်လဲ
သူရဲဘောကြောင်လွန်းတဲ့မျက်ခွံများ ခဏခဏ ပြိုကျကာဆီးတော့
အားလုံးက ပြတ်တောင်းပြတ်တောင်း

လေတွေအရမ်းတိုက်နေတယ်
လှိုင်းတွေ အမြန်အဝေးကြီးပြေးတယ်
သတင်းစကားတွေ ရောထွေးသွားပြီ ပုံပျက်သွားပြီ
ကြားယောင်သမျှကို နားယောင်မိပေါ့
နားထောင်လဲ ဘာမှမသဲကွဲဘူး
ကြားသလားဆိုတဲ့အမေးကလွဲလို့ ဘာမှမကြားလိုက်ရဘူး
အားလုံးသွေးပျက်နေကြပြီ

လေတွေအရမ်းတိုက်နေတယ်
ရပ်တည်မှုတွေအားလုံး မခိုင်မြဲဘူး
ခုရပ်နေတယ် ခနနေပြိုလဲသွားကြပြန်ရော
ကြောက်စိတ်ကြောင့်လား လေတိုက်နှုန်းကြောင့်လား
စိတ်ယိုင်လို့လား ခြေမခိုင်လို့လား
သူ့ဆီကလား ငါ့ဆီကလား ခမ်းကြီးခမ်းနား အိပ်မက်စတွေတောင် ပုံပျက်ပန်းပျက်ပါသွားကြ

သေချာတာကတော့ လေတွေအရမ်းတိုက်နေတယ်
သေချာမှုတွေအားလုံးကို ဆွဲခါတော့မယ့်လေတွေ ... လေတွေ အရမ်းတိုက်နေတယ်
အမှောင်ထဲကျန်ရစ်တဲ့ ငါ့အခန်းလေးလဲ လွမ်းနေမှာပဲ လေတွေအရမ်းတိုက်နေတယ်
ကမ္ဘာတခြမ်းက အချစ်လဲချမ်းနေမှာပဲ လေတွေအရမ်းတိုက်နေတယ်
ပျက်ပြယ်သွားတဲ့ အရာရာကိုထမ်းပိုးသယ်ဆောင်ဖို့ လေတွေအရမ်းတိုက်နေတယ်

ပြန်မလာဇာတ်

2008-11-02T10:33:00.007+08:00

ပြန်လာချင်တယ်
ပြန်လာမယ်
ပြန်တော့ ပြန်လာမယ်
ပြန်မလာနိုင်သေးဘူး
ပြန်မလာသေးဘူး
ပြန်မလာဘူး

ပြန်မလာတော့ဘူး . . .

ကမ်းခြေလမ်းမကြီးပေါ်မှာ

2008-11-01T12:51:00.001+08:00

ဒီကောင်တွေဟာ ကမ်းခြေလမ်းမကြီးရဲ့ ရင်ကွဲကြောင်းတလျှောက်
ပေါက်နေတဲ့ ပိတောက်ပင်တွေဖြစ်တယ်
မမြင်ရတဲ့ မနက်ဖြန်ဟာ အစိမ်းရောင်သွေးစီးကြောင်းရင်လဲ ဖြစ်မယ်
အစိမ်းရောင် သွေးကြောတမျှင်ရင်လဲ ဖြစ်မယ်
လမ်းမကြီးကတော့ အကြွေစေ့တွေငုံထားရတဲ့ ပိုက်ဆံအိတ်လို နာလိုခံခက်

လေဝှေ့လိုက်တိုင်း သူတို့ဆီကပ်ကျန်ခဲ့တဲ့စကားသံတွေကို မသတီစွာခါချလိုက်တယ်
ဘာတဲ့ . . . ကျလှိုင်းကတော့ တို့ကမ်းကိုရိုက်လာပြီ
ဒီမှာဖြင့် ဘောနပ်စ်ကိုနှမြောနေတုန်း ဟိုကုမ္မဏီကဖြင့် မရှိတော့ဘူး
မဖြစ်ဘူး သောကြာနေ့ပဲ အမ်စီယူလိုက်
နှစ်ဆယ့်လေး ဒသမ ခြောက် မီလျံတန်တယ်ဟုတ်လား
အဲသလို ခါခါထုတ်ပစ်တာပေါ့ နံလွန်းလို့ပါ

ကမ်းခြေလမ်းမကြီးမှာ ပေါ်ပင်ကောင်တွေသိပ်များတယ်
သူတို့မုန်းတဲ့ စတားဘပ်နဲ့ ပါတ်ခ်ရွိုင်ရယ်ပေါ့ လူတရုန်းရုန်းနဲ့

ထုံးစံရယ်လို့မဟုတ်ဘူး စိတ်နှလုံးမသာလို့ မပြုံးတာသက်သက်ပါ
ကနေ့မှဝင်လာတဲ့ နိုဝင်ဘာက မျက်နှာချိုသွေးတယ်
ဘာလို့ အစိမ်းရောင်တွေရင့်နေရသလဲ ပိတောက်ပင်ကြီးရယ်
မိုးစက်အကျန်တွေခါရင်း အော်ဟစ်ဖြေလိုက်တယ်
ပြီတီတီလာမလုပ်နဲ့ အခါးတွေဖောက်ထုတ်ပစ်မယ် . . .တဲ့။

အသံတိတ်အဖြူအမည်း

2008-10-30T00:13:00.002+08:00

ဝိဥာဉ်ချင်းမနီးရင် ကျောချင်းကပ်ပြီးအထီးကျန်သတဲ့
ဟုတ်လားမဟုတ်လား မစဉ်းစားကောင်းတဲ့အရာ
မလိမ်ချင်ပါ ဒါပေမယ့် စိန်တဆင်စာမဟုတ်ဘူး
တိုက်တလုံး ကားတစီး နားငြီးတဲ့ကိစ္စမဟုတ်ဘူး
မြရိပ်ညိုဆီဒိုးနား အဖိုးများဖိတ်စာမဟုတ်ဘူး
ဟာဝိုင်ယီ ငပလီ ပျားရည်ဆမ်းမဲ့လမ်းကြည်မဟုတ်ဘူး

ဒါဖြင့်ဘာလဲဆိုတော့
ဒီလိုပါပဲ . . .
ဒီလိုပါပဲ ညောင်ဦးကမ်းပါးပြိုကျသမျှ
စမ္ပန္နဂိုရ်က ပြသဒါးဆိုက်ရ

ခယောင်းလမ်းမှာ ခြေဗလာနဲ့ သွားနေတဲ့လူတွေများ
ကြားရင် ဟားကြမလားပဲ
လောကီထုပ္ပါတ်လူတို့ဇာတ်နဲ့ အတွေးနက်ရင်း မိုးလင်းတဲ့အကြောင်း . . .

အသုံးမကျတဲ့လူတွေ

2008-10-27T22:08:00.001+08:00

မကြာခဏဖျားနာနေတဲ့ ကဗျာဟာ
အိပ်ရာပေါ်မှာနားရင်း တစုံတရာတံခါးလာအခေါက်ကိုစောင့်နေတယ်
အချိန်အခါဆိုတာကလဲ ဘယ်တော့မှရောက်မလာဘူး
သို့မဟုတ် ရောက်မလာစေရဘူး

ခုအိမ်သာတွင်းတူး ခုချီးပါလို့ရပါတယ်
အဲ မတူးပဲပါချင်ရင်လဲရတယ် . . . ဆိုတော့မှ
သွားလေရာချီးနင်းမိရခြင်းက အဲဒီ စာရိတ္တတွေက စတယ်
အရာရာ ရယ်ဒီမိတ်ဖြစ်သွားပြီးတဲ့နောက်
လူတွေလဲ ပက်ကင်ဖောက်ဖို့လောက်ပဲ လုံ့လစိုက်ချင်တော့တယ်

အကုန်ရွဲ့စောင်းနေတဲ့ ကမ္ဘာကြီးကို ဆက်သည်းမခံနိုင်တော့မဲ့တူတူ
မိုင်ပေါင်းကုဋေသီချင်းကို နားကြားပြင်းကပ်နေတဲ့ ပန်းသီးဟာ
လေစိမ်းတွေတိုက်နေတဲ့ အနောက်ဖက်ကမ်းပါးပေါ်ကို
ဇာမချဲ့ပဲ ခပ်မြန်မြန်ကြွေကျခံပစ်လိုက်တယ်

ဒီနှစ် ဆောင်းတွင်း လူတိုင်းအတွက် ပက်ပက်စက်စက်ချမ်းနေရောပဲ
အဲဒါနဲ့
ဘူတာမရှိတဲ့ ရထားကိုပါ ငါ ... မီးဆိုက်ပစ်လိုက်တယ်

သွားတော့

2008-10-27T18:38:00.001+08:00

ဆန္ဒတွေကို ဖြိုချလိုက်တယ်
ဖြစ်မလာရကောင်းလားရယ်တော့မဟုတ်ဘူး
တခါလာလဲ
ရွှေမှုန်ကြဲကြဲပေးနေရတာနဲ့
အပေါ်ယံကနေကို မတက်တော့ဘူး

အခုတော့လဲ အသိုးကို အသိုးအတိုင်း
အဆိုးကိုလဲ အဆိုးအတိုင်း
ခပ်ရိုင်းရိုင်းပဲ ကောင်းပါတယ်

လာသွားတဲ့ ဧည့်သည်

2008-10-13T21:08:00.002+08:00

ငါမသိတဲ့ နံရံတွေနောက်ကို
ယုန်သူငယ်လို နားမစွင့်ထားချင်ဘူး
ဒီလို နားတွေ နားသွားတဲ့ညပေါ့
မှောင်ချထားတဲ့ ခန်းဆီးကြားကနေ
အရိပ်ဟာ တွားသွားဝင်လာတယ်

လှုပ်လို့မရတဲ့ လက်တွေနဲ့ လှမ်းမတားချင်ဘူး
ကယောင်ကတမ်းသွေးပျက်တမ်းကစားဖို့ကလဲ
လရောင်ကို စွပ်စွဲမလား ညအမှောင်ကိုစွပ်စွဲမလား
ပြုံးဖြဲထားတဲ့ ရွေ့လျားမှုနဲ့ အရိပ်ဟာ ချိတ်ထားတဲ့စိတ်ပေါ်တက်အိပ်တယ်

အရိပ်ဟာ ထိကပါးရိကပါးရယ်သွမ်းသွေးတယ်
ဘယ်သူမှ လာမခံစား
ငရုတ်ကောင်းများသွားတဲ့ မုန့်ဟင်းခါးတအိုးအကြောင်းဖြစ်မယ်
ဘယ်သူမှ မစွက်ဖက်
ခဲဖျက်မရှိလို့ အမှောင်တွေကွက်နေတဲ့ ခဲခြစ်ပုံကြမ်းအကြောင်းဖြစ်မယ်
ဘယ်သူမှ သတိမရ
အမိအဖစာလုံးပေါင်း ဓါတ်ပုံမှတ်တမ်းတွေအကြောင်းဖြစ်မယ်

ချစ်ခြင်းတရားနဲ့အတွေ့မှာ
ငါဟာ ငါ့ကိုယ်ငါပြန်စိုက်တဲ့ မျှားတစင်းဖြစ်ခဲ့ပြီလို့ ပေါတောတောအစချီထားတဲ့
မပေးလိုက်ရတဲ့ ရည်းစားစာအကြောင်းဖြစ်မယ်

ညစ်ပတ်နေတဲ့စိတ်အတွန့်အခေါက်ကြား
အရိပ်ဟာ ရွံရှာဟန်ဆောင်ပြီး သာယာစိတ်နဲ့ထိပါး လျှောက်သွားနေတယ်
အတွေးစတိုင်းကို သိုးမွေးလုံးလိုကုတ်ခြစ်ပြီး အစရှာတယ်
အရိပ်ဟာ ငါ့ကိုနှိမ်ချင်လို့ စိတ်ပေါ်မှာတကွေ့ ကွေ့တိုင်းဟားနေတယ်
ဒီအချိန်ဆို လက်သည်းခွံလောက် အမာရွတ်ကလေးလဲ ချမ်းနေမှာပဲ ဆိုလဲဟားကွက်
ဘယ်တော့မှမထွက်တဲ့ ပေါက်ဂဏန်းဟာ ပန်းသီးတလုံးဖြစ်တယ်ဆိုလဲ ဟားကွက်

မတွေးရဲဘူးလို့ထင်ရတဲ့ အတွေးမည်းမည်းတွေကိုလဲ ခပ်သည်းသည်းရမယ်ရှာ
ထွက်ပေါက်မရှိတဲ့အထာနဲ့ အရိပ်ဟာ
စိတ်မှာ ကပ်ပါးလို တညလုံးကိုတွယ်နေရော
ဒါပေမယ့် ရောင်နီအလာမှာ
အရိပ်ဟာရေမြွေလို လျှောကနဲထွက်ခွာသွားတယ်
ငါလဲ တိုက်ပွဲရာသီအစဲမှာ တဖက်ရန်သူကိုလွမ်းနေတဲ့ စိတ်မျိုးတွေနဲ့
ပျင်းတွဲ့တွဲ့ ထ လာရတော့တာပဲ

ခဲခြစ်ထားတဲ့ တယောက်ထဲညနေ

2008-10-10T21:33:00.003+08:00

ကမ္ဘာကြီးရယ် မင်းရဲ့အရောင်တွေဟာလဲ
အလင်းနဲ့အမှောင်တွေပါပဲ
ယုံတမ်းတွေကို ပုံကြမ်းကောက်သူ
ခုတော့ .. ဆုံလမ်းပျောက်ပြီထင်

အဟောင်းအမြင်းတွေနဲ့ ကသောင်းကနင်းဖြစ်နေသူတွေကို
ဆောင်းတွင်းက သရော်လို့
ဇယားအသစ်တွေကတော့ သနားချစ်မလားရယ်ပေါ့ မျှော်လို့

တချို့ကလဲ
အချစ်အတွက် ပြန်လာခါမှ
အသစ်စက်စက် ဒဏ်ရာတွေရပြန်တယ်

အဲသလောက် များတဲ့ လောကမှာတောင်
ပြောပြပါရောလား
ဘယ်လောက်သွားသွား
အလင်းဆိုတဲ့ဘောင်ထဲ အမှောင်ရိပ်တွေပဲ ခပ်ခပ် ထည့်နေရပါတယ်လို့

ပြောထားရက်သားနဲ့

2008-10-07T20:41:00.002+08:00

အရင်လ က ပရုတ်လုံးလေးတွေတောင် အတော်ပါးနေပြန်ပြီ
မသိဟန်ပြုပြီး ဘီဒိုအပိတ်မှာ ကိုယ့်ပုံရိပ်ကိုယ် မျက်နှာလွှဲ
ကျန်းမာရေးလဲ ဂရုစိုက်လို့ မပြောလိုက်ရဘူး
မမိုက်ပါနဲ့လို့တော့ အခါခါသတိပေးခဲ့သား

ဒီအချိန်ရောက်ရင် နားရွက်တွေအေးစက်လာမှုအကြောင်း
အတိတ်ဟောင်းထဲ ငါ့ခွေးလေးလဲ အရမ်းချမ်းနေမှာပဲ
နောက်တခါတွေ့ရင် ချောကလက်စားမလား မေးမထားလိုက်ရဘူး
ထွက်မသွားပါနဲ့လို့ ငါမင်းကို မပြောခဲ့ဘူးလား

တစ တစ ပျောက်ကွယ်မသွားမချင်း
မိုးလင်းတိုင်း အဲ့ဒီအသံနဲ့နိုးထဖို့
ခပ်ဖွဖွ မျက်လုံးမှိတ် အိပ်တော့မယ်ကွာ
အချစ်ဟာ ငါ့ကောက်ရိုးမျှင်လေးပါလို့ မပြောလိုက်ရဘူး
ဒါပေမယ့်
လိပ်ပြာတွေ သိပ်မွကြေလွယ်လို့
လွှင့် လွှင့် မပစ်ဖို့ ကို့ကိုပြောခဲ့တယ်မဟုတ်လား
လွှင့် မပစ်ဖို့ ပြောခဲ့တယ်မဟုတ်လား

မရှိတော့တဲ့ သစ်ပင်ကြီး

2008-10-03T21:39:00.007+08:00

မလင်းအတွက် စာရေးပေးဖို့ သေမယ့်အကြောင်းကိုတွေးတော့ ကိုယ်တွေ့ချင်မြင်ချင်တဲ့ သူတွေ တော်တော်များများက သေပြီးသားလူတွေ ဖြစ်နေတာတွေးမိပြီး မ၀မ်းသာစကောင်း သာမိသေးတယ်။ ကိုယ်သေရင် တွေ့ရတော့မယ်လို့ ယူဆတာတော့ မဟုတ်ဘူးပေါ့လေ။ အဖိုးကိုတော့ ပြန်တွေ့ချင်သား။ သူသေတော့ သူ့ရှူးဖိနပ်ကြီးထဲမှာ ရှမ်းစက္ကူနဲ့ထုပ်ပြီး ဖရုံသီးမျိုးစေ့တွေ ထည့်သိမ်းထားတာတွေ့တဲ့အကြောင်းလောက်တော့ ပြန်ပြောပြီး ရယ်ချင်သား။

အဖိုးက ဗမာစကားနည်းနည်းပဲတတ်တယ်။ နည်းနည်းပဲ တတ်တဲ့ ဗမာစကားနဲ့ ကမ္ဘာစစ်အတွင်းတုန်းက ကားမီးတွေအကုန်ပိတ်ပြီး တောင်ပေါ်လမ်းမှာ ဘီးလှိမ့်ပြီး ကားမောင်းခဲ့ရတာတွေ ကားကြီးချောက်ထဲကျပြီး သေပြီလို့ထင်ပုံတွေ၊ သူတို့ ဒေသကလူတွေ လဖက်ခြောက်ဘယ်လိုလုပ်တယ်ဆိုတာတွေ စီကာပတ်ကုံး ပြောပြတတ်တယ်။ အဖွားနဲ့ဘယ်လိုတွေ့တာ အဖွားက ဘယ်လိုထက်တာ စသဖြင့်ပေါ့လေ။ စော်ဘွားရဲ့သားက အင်္ဂလန်ကမိန်းမယူလာပုံ အဲဒီမိန်းမ မြန်မာစကားမပီတာတွေကိုလဲ မပီတဲ့ဗမာစကားနဲ့ ပြောပြီး သူကဟားချင်သေးတာ။

အဖိုးကို မေးဖူးတယ် `အဖိုး… အဖိုး.. အဖွားက မြန်မာအမျိုးသမီး ၁၀၀ဆိုလား အဲဒီစာအုပ်ထဲပါတယ်ဆို´ လို့
အဖိုးက `ပါမှာပေါ့ကွယ် နင့်အဖွားကတော်တာကိုး။ သူလဲ ငါလို လူအနဲ့ရဖို့မကောင်းဘူး အေးလေ တို့တွေက နဖူးမှာ စာပါတဲ့အတိုင်းဖြစ်ကြရတာကိုး´ လို့ဆိုပါတယ်။
ပြီးတော့ ကျမ အရမ်းသဘောကျတဲ့ စကားနဲ့ အမြဲအဆုံးသတ်ပါတယ်။ အဲဒါကတော့ . . .
`အေးလေ ငါက အသုံးမကျပေမယ့် သူက ချစ်နေသေးတာကိုး´ တဲ့။

ကျမကတော့ မမြင်ဖူးလိုက်တဲ့ ဓါတ်ပုံထဲက ဆံထုံးကြီးကြီးနဲ့ အဖွားကို နည်းနည်းလေးမှ ချစ်ခင်စိတ်မရှိပါဘူး။ လေးစား အားကျစိတ်လဲ မရှိဘူး။ ဘာ့ကြောင့်မှန်းမသိပါ။ အဖွားဘက်တော်သားတွေက အဖိုးကို အသုံးမကျဘူးပြောတဲ့အခါ အံ့အားသင့်စွာ နားကြားပြင်းကပ်လှပါတယ်။ အဖိုးစိုက်တဲ့ ထောပတ်ပင်ကြီးကို တမျိုးလုံးဝိုင်းစားနေတယ်မဟုတ်လား။ အဖိုးစိုက်တဲ့ သစ်ခွတွေကို လှူနေရတယ်မဟုတ်ဘူးလား။ အဖိုးချက်ကျွေးတဲ့ ထမင်းဟင်းတွေ စားပြီး ကြီးပြင်းခဲ့တယ်မဟုတ်ဘူးလား။ နည်းနည်းလေးကြီးလာတော့ လူတွေက အသုံးကျတယ်ဆိုတာကို ငွေဘယ်လောက်ရှာနိုင်တယ်ဆိုတာနဲ့ တိုင်းတာမှန်းသိလာတဲ့အခါ ရွံရှာစိတ်ပျက်စွာ အဖိုးလိုပဲ သစ်ပင်တွေနဲ့ပဲ စကားပြောပြီး တယောက်ထဲ နေချင်တော့တယ်။ အဖိုးရဲ့ ရေရွတ်သံကို အခုအခါမှာ နားလည်လာပါတယ်
`စိတ်ကောင်းကို ပေးတယ် မရကြဘူး။ ဒီတော့ သူတို့တွေ စိတ်မကောင်းကြဘူးပေါ့´ တဲ့လေ။

အဖိုးက နင်ဆရာဝန်ဖြစ်ပြီးမှ ငါသေမယ်လို့ ခနခနပြောတတ်ပါတယ်။ အဲဒီတုန်းကတော့ ဆရာဝန်ဖြစ်ချင်သလိုလို ဖြစ်လိုက်သေးတယ်။ နောက်တော့ အဖိုးက `နင်ဆရာဝန်ဖြစ်ရင် ငါ့ကို သွားနှုတ်ပေးစမ်းပါ ´ လို့ ပြောပြန်ရော။
`ဟာ အဖိုးကလဲ ဆရာဝန်ကသပ်သပ်၊ သွားဆရာဝန်က သပ်သပ်´ လို့ ပြောတော့ ဘကြီးနဲ့ အဖေ့ကို တချက်လှမ်းကြည့်ပြီး လေသံတိုးတိုးနဲ့ `ဆရာဝန်တွေ သိပ်ပေါတယ် သွားဆရာဝန်ပဲလုပ် သွားဆရာဝန်က ပိုအဆင့်မြင့်တယ်´ လို့ ပြောတယ်။ အဲဒီတော့ ကျမလဲ သွားဆရာဝန်ဖြစ်ချင်သွားပြန်ရော။

အဖိုးက လေဖြတ်ပြီး ညာဖက်ခြမ်းသေသွားပါတယ်။ နှစ်နှစ်ကြာမှာ ဆီးချိုကြောင့် ခြေတဖက်ဖြတ်လိုက်ရပါတယ်။ စာမေးပွဲ တရက်ဖြေအပြီး ညကြီး အဖိုးဆီရောက်သွားတယ် အဖိုးက လူများမကြားအောင် လေသံတိုးတိုးနဲ့ ကျမလက်ကိုဆွဲပြီး
`ငယ်ရေ အဖိုးမှာ ခြေထောက်မရှိတာနဲ့စာရင် သေအောင်လုပ်ပေးကြတာမှ ကောင်းဦးမယ်နော် ´
လို့ ပြောပါတယ်။ ကျမက `အဖိုးရယ် အဲဒီခြေထောက်က လမ်းမှမလျှောက်နိုင်ပဲလေ ဖြတ်လိုက်တာ ကောင်းပါတယ်နော်´ လို့ ချော့တော့ သူက
` အသုံးမကျပေမယ့် ငါ့ခြေထောက်ဖြစ်နေသေးတာကိုး´ လို့ဖြေပါတယ်

ဒူးကနေ ခြေဖြတ်ထားရာကနေ ဒဏ်ရာကပိုဆိုးလာပြီး ပေါင်လယ်လောက်က ဖြတ်ရဖို့ ဖြစ်လာပါတယ်။ အဲဒီမှာ စိတ်ကြောင့်ပဲလားမသိဘူး တရက်၊ နှစ်ရက်အတွင်း အခြေအနေဆိုးလာပြီး ကျမတို့ ရှစ်တန်း သမိုင်းဖြေမယ့်နေ့မှာ အဖိုးဆုံးသွားပါတယ်။ ကျမလဲ သွားဆရာဝန်မလုပ်ဖြစ်ဘူးပေါ့။ အဖိုးနဲ့ တွေ့လို့
`မယ်ငယ် နင်ဘာလို့ သွားဆရာဝန်မလုပ်သလဲ´ လို့များမေးရင်
`အဖိုးကိုမှ သွားနှုတ်ပေးစရာမလိုတော့ပဲ´ လို့ ခပ်သွက်သွက်ပြန်ဖြေရမယ်လို့ တွေးထားပါတယ်။

အဖိုးဆုံးပြီး တလပြည့်တဲ့နေ့မှာ တစုံတယောက်က တခုခုလုပ်လိုက်သလို အိမ်ရှေ့က သရဖီပင်ကြီး အမြစ်ကနေပြိုလဲကျသွားပါတယ်။ အဖိုးများလာလုပ်သလားလို့ ပြောကြတဲ့အခါ ကျမအရမ်းစိတ်ဆိုးခဲ့ပါတယ် အဖိုးက ဘယ်တုန်းကမှ မကောင်းတဲ့စိတ်မရှိခဲ့ဖူးဘူးမလား။ စိတ်ဆိုးရာကနေ ဟားတိုက်ရယ်ချင်လောက်အောင် ဟာသမြောက်တဲ့ စကားကိုလဲ ကြားခဲ့ရပါတယ်။ အဲဒါကတော့ `မရှိတော့မှပဲ ဒီသရဖီပင်ကြီး ဘယ်လောက်မွှေးမှန်း သိတော့တယ်´ တဲ့လေ။

တကယ်လို့များ ပြန်တွေ့ရတဲ့အခါကျရင်တော့ အဖိုးရဲ့ ညာဖက်ခြေထောက်ကို အကောင်းအတိုင်းတွေ့ချင်ပါတယ်။ အသုံးမကျပေမယ့် ချစ်နေသေးတာကိုးလို့ ကချင်သံဝဲ၀ဲနဲ့ ပြောတာကိုလဲ ကြားချင်ပါသေးတယ်။ ဒီတခါတော့ သူ့စကားကို ငှားပြီး ဦးအောင်ပြောပြရမယ်

`အဖိုးရေ စိတ်ကောင်းကိုပေးတယ် သူတို့မရကြဘူး´ လို့။ အဖိုးကတော့ ကျိုးတိုကျဲတဲသွားလေးတွေပေါ်အောင် ရယ်နေမှာပဲ။

ချစ်သူပေးသော အိပ်မက်လရောင်

2008-10-03T14:52:00.020+08:00

Gustav Klimt (1862- 1918) ရဲ့ ကားတွေကို ဘာကြိုက်တာလဲလို့ မေးရင် အိပ်မက်ဆန်လို့လို့ပဲဖြေရတော့မှာပဲ။ သူ့ပန်းချီကား တော်တော်များများမှာ မိန်းကလေးတွေဟာ မျက်လုံးတွေမှိတ်ထားတာကိုလဲ သဘောကျတယ်။ ပန်းချီကားတွေ ကဗျာတွေထဲမှာမှ မျက်လုံးတွေကိုမှိတ်ထားခွင့်မရှိရင် အိပ်မက်ဆန်ခွင့်မရှိရင် ဒီအေးစက်စက် ကမ္ဘာလောကကြီးမှာ ဘယ်နေရာသွား စိတ်ကူးယဉ်ရပါ့

အပေါ်က The Kiss (၁၉၀၇- ၁၉၀၈) ကိုပဲကြည့်။ ပန်းမွေ့ယာ၊ ရွှေကော်ဇောဆိုတဲ့ မြန်မာစကားကို သတိမရပေဘူးလား။ ချစ်ခြင်းတရားနဲ့ အနုပညာမှာ လက်တွေ့ကျကြောင်း သက်သေပြစရာမလိုဘူး။ လိုတယ်လို့ ယူဆရင် ခံစားချက်တွေကို စွန့်လွှတ်လိုက်တော့။ အာရုံခံစားမှုတွေကို Oil on canvas နဲ့ ဖမ်းဆုပ်ရေးဆွဲထားတာနော်။ လက်ဖျားခါလောက်တယ်။

ပြီးပြည့်စုံလှတဲ့ စိတ်ကူးယဉ်ဆန်လှတဲ့ The Kiss ကို ဆွဲတဲ့ Gustav Klimt က ဗီယင်နာ ခေတ်သစ်အနုပညာအုပ်စုကပါ။ ခုထိလဲ အဲဒီကား မူရင်းက ဗီယင်နာမှာလို့ ထင်ပါတယ်။ (ထင်တာနော် မသေချာဘူး) စိတ်ကူးယဉ်ပြီး အထပ်ထပ်ကြည့်ထားတဲ့ပုံက အာရုံထဲမှာ သိပ်ကိုလှနေတော့ အပြင်မှာလဲ မမြင်ချင်ဘူး။ တကယ့်လက်တွေ့လောကကြီးက ရက်စက်တတ်တယ်မဟုတ်လား။

တကယ်တမ်း အိပ်မက်ပန်းချီဆရာဆိုပြီး နံမည်ကျော်လာတာက Henri Riuseau (1844-1910) ပြင်သစ်ပန်းချီဆရာ ရူးဆိုးရဲ့ The Dream ဆိုတဲ့ ကားကတော့ အိပ်မက်ကို လက်တွေ့ဘ၀ထဲ ဆွဲသွင်းလိုက်ပြီ။ အိပ်မက်ဟာ မှော်ဆန်လှစွာ ဘ၀ကို ၀ါးမြိုသွားပြီ။

အဲဒီကား မတိုင်ခင် ၁၈၉၇က ဆွဲခဲ့တဲ့ ရူးဆိုးရဲ့ The Sleeping Gypsy ကိုပါ တင်ပေးလိုက်ပါတယ်။ ဘာလို့ တခုတ်တရညွှန်းနေရသလဲဆိုတော့ လရောင်ပါတဲ့ Oil on Canvas ဖြစ်နေလို့ပါ။

ဂျပန်ကဗျာတပုဒ် (ရေးသူကိုမေ့နေ)မှာ ဒီလိုဆိုတယ်

လရောင်အောက်မှာ
လမ်းလျှောက်နေရင်း
ချစ်သူကို အိပ်မက်တယ် …. တဲ့

မဖြစ်နိုင်တာတွေ ပေါင်းဆုံလာတဲ့အခါ သိပ်ကိုလှတာပဲ။ အထူးသဖြင့် ရှေ့ဆက်မသွားပဲ အဲဒီ ကာလလေးကို ဖမ်းဆုပ်ထားရင်ပေါ့။ ဘယ်ဖြစ်နိုင်မလဲ . . . ဟုတ်လား။ သက်သေပြဖို့ လိုအပ်တယ်လို့ ခံစားရရင်တော့ လွှင့်ပစ်လိုက်တော့ . . .

Burial At Sea

2008-10-02T22:26:00.009+08:00

ပင်လယ်တွင် မြှုပ်နှံခြင်းလို အနက်ရောင်တွေ ရောင်ပြန်တလက်လက်

ကြည့်စမ်း ဒါတောင် Burial at Sea အစစ်မဟုတ်ဘူး။ နောက်ကိုတလှမ်းဆုတ်ကြည့်မိသည်။ ဟုတ်တယ် အနက်ရောင်ဟာ အတော်ကြေကွဲစရာကောင်းတာပဲ မျှော်လင့်ချက်မရှိတာ လမ်းဆုံးသွားတာ မြှုပ်နှံခံလိုက်ရတာ . . . အို… ကြေကွဲစရာ။

နောက်တလှမ်း ထပ်ဆုတ်လိုက်ရာ တစုံတယောက်ကို တိုက်မိသည်။
စိတ်မရှိပါနဲ့နော်
ရပါတယ်ဆိုတဲ့ သဘောနှင့်လက်ကာပြပြီး ခပ်သုတ်သုတ်ထွက်သွားသည်။ ပြီးတော့ ချာကနဲ ပြန်လှည့်လာသည်။ ပါးစပ်ကို အားကနဲအော်ဟန်ပြုသည်။ အသံကားမထွက်

ခြေလှမ်းစိတ်စိတ်ကို မြန်မြန်လှမ်းပြီး ခွာသံတခွပ်ခွပ်နှင့် အနားရောက်လာသည်။ လက်ကိုဆွဲခါသည်။ သူငယ်ချင်း နေကောင်းတယ်နော် ဆိုတဲ့စကားကို သူတတ်သမျှ ဘာသာတွေနှင့် အော်နေသည်။ သူ့အသံကိုကြားမှ မှတ်မိသွားသည်။ နောက်တော့ ပန်းချီကားကို ဖီလင်အပြည့် ဟိတ်ဟန်ထုတ်ပြီး ငြိမ်သက်ချင်ဟန်ဆောင်ပြီး ကြည့်နေရသော မျက်နှာကဘယ်လိုမှ တည်လို့မရတော့ လူများမောင်းမထုတ်ခင် ထွက်လာခဲ့ကြသည်။

သူငယ်ချင်းက တခြားသူကြားရင် အတင်းလို့မှတ်ချက်ချနိုင်တဲ့ စကားတွေကို တတွတ်တွတ်ရင်ဖွင့်နေသည်။ ကျမကတော့ ခေါင်းတညိတ်ညိတ် အေးလေ ခေါင်းမညိတ်လို့ ဘာများပြောတတ်တာကျလို့

နင်စဉ်းစားကြည့်ပါဦး သူ့တုန်းကလဲ ဒီလိုပဲလုပ်လာရတယ်တဲ့ သူ့ခလှည့်တုန်းကလုပ်လာရရင်ကိုယ်ချင်းစာပါ့လား ခုတော့ ငါ့မှာ ကလေးကတဖက် သူ့ပညာရှိနည်းနဲ့ခိုင်းတာတွေတဖက် အလုပ်ကသွားရသေးတယ် သူတို့ခေတ်နဲ့တူတာမဟုတ်ဘူး သူတို့ခေတ်က ယောက်ျားကအလုပ်လုပ် မိန်းမကအိမ်ထောင်မှုလုပ် ယောက္ခမအုပ်ထိန်းမှုအောက်မှာနေ ဒါပဲ။

ကော်ဖီသွားသောက်မယ်လို့ လက်ဆွဲခေါ်လာပြီး စကားတွေရေပက်မ၀င်အောင်ပြောပြီး သူ့ရှေ့ကကော်ဖီခွက်ကို တငုံသာသောက်ရသေးကြောင်း သတိထားမိသည်။ သူက သ သံကို ဇသံနဲ့အစားထိုးပြီး ပြောနေတုန်းပဲ။ The Sea ဆိုရင် ဇ ဆီး လို့ အသံထွက်တာမျိုး။ တချိန်တုန်းက excursion တခုမှာ သူ့လေသံဝဲတာကို လိုက်တုပြီး ဟာသလုပ်ဖူးသည်။ စိတ်မဆိုး။ သူစိတ်ဆိုးနေတာလဲ တခါမှမတွေ့ဖူးခဲ့။ အခုတော့ စိတ်ဆိုးတာလား စိတ်ပျက်လက်ပျက်ဖြစ်နေတာလား မသိနိုင်ချေ။

နင်ရော ပန်းချီဆွဲစရာ ပင်လယ်ကြီးရှာတွေ့ပြီလား ဆိုပြီး လွန်ခဲ့တဲ့ ၃နှစ်က ဟာသကို အစဖော်သည်။ နင်ရော လို့ မေးခွန်းကိုပြန်လှည့်ပေးလိုက်သည်။ ငါလား အကုန်လုံးပင်လယ်မှာ မြှုပ်လိုက်ပြီ တဲ့လေ။ အိုး . . . ဇ ဆီး ထဲရောက်ကုန်ပြီပေါ့ ဟု နောက်လိုက်သည်။ ဘာမှန်းမသိ William Turner ကိုသတိရသည်။ ပင်လယ်မှာမြှုပ်နှံလိုက်ပြီ ဆိုပါလား။

နင်ဒါတောင် ပန်းချီကားလာကြည့်နိုင်သေးတယ်နော်။
အမှန်ပြောရရင်တော့ ဘေးက ကိတ်မုန့်ဆိုင်မှာ ကလေးနဲ့ ကလေးအဖေအတွက် ကိတ်မုန့်လာဝယ်တာ။

သူနဲ့ လမ်းခွဲလာပြီးမှ စိတ်ထဲမှာ အနက်ရောင်တွေစွန်းနေသလို အသက်ရှူကြပ်လှသည်။

ကိုယ့်အလှည့်တုန်းက ခံစားထားရလို့ နောက်လူတွေကိုလဲ စိတ်ချမ်းသာခွင့် မပေးနိုင်ဘူးဆိုတာကတော့ တော်တော်ကျဉ်းမြောင်းတဲ့သဘောထားပါပဲ။ အဲဒီသဘောထားကြီး ခေတ်စားနေသရွေ့ ဘယ်သူတွေဘယ်လောက် ထပ် နာကျင်ရဦးမလဲမသိဘူးကွယ်… Peace ဆိုပါလား William Turner ရယ်။ အိမ်အပြန်လမ်းကတော့ ပင်လယ်ထဲ တရွေ့ရွေ့ဆင်းသွားသလို မှောင်လို့ နက်လို့ အေးစက်လို့ . . . .

မှတ်ချက်။ ။ အပေါ်ဆုံးက ပုံက William Turner ရဲ့ Peace: Burial at Sea
(1842; Oil on canvas) ပါပဲ။

ညနေတွေ ဘာလို့အရမ်းအေးစက်ရ

2008-09-29T21:38:00.003+08:00

နေမ၀င်သေးဘူး စိတ်က ပုံပျက်ပန်းပျက်ပြိုဆင်းနေပြီ
အေးစက်မှုက အသက်ကိုကျီစယ်နေလေရဲ့
အမေဆောင်းပေးဖူးတဲ့ ယုန်ရုပ်ဦးထုပ်ကလေး
ဒီနားရွက်တွေကိုနွေးအောင် အုပ်ထားပေးရင်ကောင်းမှာပဲ

အရာရာဟာ တလှိုက်လှိုက်
အတွေးတွေအကြောင်းတွေးရမှာကြောက်တယ်
ငါကြောက်တဲ့အကြောင်းလဲ တွေးရမှာကြောက်တယ်
ဝေးရမှာ ကြောက်တယ် ... ကြောက်တယ်

ဖက်တွယ်ထားချင်ရက်နဲ့ ကြိုးမချည်မိတဲ့လှေလို
ကမ်းကို မှုန်ဝါးထားရစ်ခဲ့ရ
နွေးမလားလို့ ဟိုးထောင့်ထဲမှာ အသေးနိုင်ဆုံးကွေးပြီး
မျက်နှာကိုဝှက်ထားချင်ရဲ့
မာကျောမှုအောက်ခံ လေးလံတဲ့ဖိစီးခြင်းတွေနဲ့
စိတ်ဟာ ဖက်တီးမရဲ့ ပင်ဆယ်ဟီးလ်လို မနိုင်မနင်းခွေလဲကျတယ်
မဆုံနိုင်ခြင်းတွေဟာ ဖွေးကနဲ ကွဲထွက်လာခဲ့

အသေအလဲ

2008-09-28T23:01:00.000+08:00

လေညင်းခေါင်းတချက်ခါတာနဲ့ သစ်ရွက်ဟာ ကြွေဖို့အသင့်
အဲသလို ဖြစ်တတ်ခြင်းတွေက ခြိမ်းခြောက်သမျှ
ထိန်းထိန်းသိမ်းသိမ်းပြောရ လုပ်ရ တွေးရ
အဲဒါ့ကြောင့်ပဲ ကမ္ဘာကြီးလဲ ပူပူလာလေရော့သလား

ကဲကွယ် မငြင်းဆန်ခြင်းနဲ့ လက်မခံခြင်းကြားမှာ
အရာရာ တဲတဲကလေးဟန်ချက်ညီသင့်လျှက်နဲ့
ခက်တာက ခဏ ခဏ လွဲချော်နေကြမှတော့
ပေပြီးပွပြီး လူ့ဘ၀ကြီးကို သံတမန်ဆံဆံ
ရေလိုက်ငါးလိုက် ဟန်မဆောင်ချင်ဘူး

နေ့ညတွေထဲ မတော်တဆတွေကို တဖွဲဖွဲခါချလိုက်ပြီ
ကဲ ကြွေချင်သပဆိုကြွေကြ
ငါကိုယ်တိုင်က ရိုင်းလှချည့်ဆိုတဲ့ အဲ့ဒီပင်လယ်ရင်ခွင်ထဲ
ကမ်းစပ်ကိုကျောခိုင်း ကြွေခဲ့တဲ့ မုန်တိုင်းပါကွယ်

မိသားစုဝင် အသစ်

2008-09-23T16:46:00.002+08:00

ကိုယ်မမြင်ဖူးပေမယ့် နံမည်ကြားတာနဲ့ချစ်သွားရတဲ့ ခွေးကလေးတကောင် အိမ်ကိုရောက်နေပါတယ်။ အမက ခွေးလေးက စက်တင်ဘာမှာမွေးလို့ လောလောဆယ်မိုးပြာလို့ပေးထားတယ်တဲ့ ... အဲဒီမှာ စက်တင်ဘာဆို ကောင်းကင်က စ ပြီးပြာနေပြီလေ။ (နိုဝင်ဘာလောက်ဆို မိုးကောင်းကင်က အရမ်းကိုပြာပြီး သန့်နေတော့တာ။)

နင်ဒေါ်လီလို့ခေါ်ချင်ရင် နံမည်ပြောင်းလိုက်မယ်လေတဲ့။ အဲလိုတော့မလုပ်ရက်ပါဘူး။ ကိုယ့် အတိတ်က အမှတ်တရတွေအတွက် စိတ်ဖြေဖို့သက်သက် တခြားတယောက်ကို ကြိုက်ရာနံမည်တတွင်တွင် မခေါ်ချင်ပါဘူး။ ဘယ်လောက်အတ္တကြီးရာရောက်သလဲလို့။

သတ္တ၀ါတကောင်ကောင်ကို သံယောဇဉ်ထားတော့မယ်ဆိုရင် ရိုးသားနိုင်သလောက် ရိုးသားတာကောင်းတယ်။ ခွေးလဲ အသက်ရှိတာပဲ။ ခံစားတတ်တာပဲ။ (လူဆို ပိုဆိုးသေးတယ်။ မပြောချင်ရင်သာနေမယ် ခံစား သိနဲ့သိနေမှာပေါ့)

ဘာမှမသိပဲရောက်လာတဲ့ ခွေးကလေးကို ဒေါ်လီနဲ့တူရမယ် ဒေါ်လီထက် ကောင်းရမယ်လို့ မတောင်းဆိုရက်ပါဘူး။ တကယ်စိတ်ထဲကမပါပဲ သိပ်ချစ်တာပဲ မိုးပြာလေး သည်းတုံးလေးလို့ မပြောဘူး။ သူမလုပ်တဲ့ အပြစ်တွေကို အကြောင်းပြပြီး ကိုယ့်အတ္တကိုအရောင်မတင်ဘူး။ နင့်ထက်သာတဲ့ခွေး မွေးနိုင်တယ်လို့ ဆိုပြီး ဘာမှရွေးချယ်ခွင့်မရှိတဲ့ခွေးကို မနှိမ်ဘူး။

မိုးပြာလေးကို စိတ်ရင်းအမှန်နဲ့ ချစ်ခင်ချင်ပါတယ်။ စိတ်ရော ကိုယ်ပါ လုံခြုံနွေးထွေးအောင် စောင့်ရှောက်ချင်ပါတယ်။ သနားလို့ခေါ်မွေးထားတာဆိုပြီး ခပ်ကြောကြောပြောတတ်တဲ့ ကြီးမိုက်ကြီးမဖြစ်ချင်ပါဘူး မိုးပြာလေးရယ်။ ။

လူကောင်းမဟုတ်ကြောင်း ထောက်ခံစာ

2008-09-21T15:15:00.002+08:00

နားမလည်ချင်ဟန်ဆောင်ထားရတဲ့
ဖြစ်ချင်တိုင်းမဖြစ်ရကြောင်း သင်ခန်းစာ
အဲဒီနေ့က ငါကျောင်းမလာဘူး

အကျင့်သီလကိစ္စများ အခန်းတစ်
လက်တံတွေးဆွတ်ပြီး လှန်ပစ်လိုက်တယ်
ငါတော်ဖို့မလို ပြိုင်ဖက်တွေညံ့ဖို့သာလိုတယ်

မင်းသားကြီးမဖြစ်ရလို့
ပတ်မကြီးရော၊ ပွဲလန့်တုန်းခင်းတဲ့ဖျာများပါ
တခါတည်း မီးပုံရှို့လိုက်တယ်
ပွဲပြီးမီးသေဖို့က အရှို့ခံရသူကိစ္စ

တစုံတယောက်တွေ့ရှိသမျှ
အတိအကျပြန်ရေးပြတာနဲ့
ဒီနံရံပေါ်က ဆုတံဆိပ်များ ငါချိတ်ထားခဲ့ရတာ

သိတိုင်းဖော်စားတဲ့ ငပေါများစာရင်းဝင်တွေ
မကြိုက်လျှင်ကျော်သွားမည်ဖြစ်ကြောင်း ငါခွင့်မတောင်းတတ်သူပါ
အဲဒီကမ်းပါးမှာ ငါထိုင်နားသူမဟုတ်လို့
သပွတ်အူများ မျှောချင်သလိုမျှောကြ

ခက်တယ် ခက်တယ်

2008-09-16T22:18:00.000+08:00

ဆက်သွယ်ရာ တခုတည်းသော ဘာသာစကားမှာ
ထွက်ခွာချိန်နှုတ်ဆက်ဖို့ ဝေါဟာရမရှိတဲ့အခါ
ဘယ်လို . . . သုံးနှုန်းကြသလဲ

လိပ်ပြာတကောင်ရဲ့အနမ်းလို နူးညံ့နေဖို့
ဘယ်လောက်အားထုတ်ရသလဲ
သစ်ရွက်လေးကြွေသလောက် သမားရိုးကျဆန်ဖို့
ဘယ်လောက်ချိန်ဆ ရသလဲ

လူပီပီ မနာကျင်ချင်ကြဘူးပေါ့
မဖြစ်မနေ နာကျင်ရမယ်ဆိုရင်လဲ
ဘာမှမဖြစ်သလို ပြုံးပြီးနေခွင့်တော့ ရှိဖို့ကောင်းတယ်

မိတ်ဆွေတယောက်ကတော့ ပြောပါတယ်
ပြောရခက်တယ်လေ ကိုယ့်အကြောင်းကိုယ်သာ အသိဆုံးမလား . . . တဲ့
အဲဒါကြောင့်ပဲ ခက် ခက် နေရတော့တာကလား . . .

ဖြားယောင်းခံခြင်း

2008-09-12T22:32:00.000+08:00

နွေဦးလေ မွှေမယ်ပြောခါမှ
တမာပွင့်က ပြုံးတယ်
မမုန်းရက်ပါဘူး ခူးချင်ခူး ခြွေချင်ခြွေ
စေလိုရာစေ . . .

ကနေ့မြင်ကွင်း

2008-09-11T01:46:00.001+08:00

ငါဘာမှ မတတ်နိုင်ဘူး
ပြောရတာ အရသာရှိလိုက်တာ
ထပ်ပြောတယ်... ငါ ဘာတတ်နိုင်မလဲလေ. . .
ရေနစ်နေတဲ့ လိပ်ပြာကိုကြည့်ရင်း ကော်ဖီခွက်ကို မ လိုက်တယ်
ဆိုင်ထဲက အသံတွေတိတ်သွားပြီ ပါရီကျဆုံးခန်းလဲ တိတ်သွားပြီ
ဂျက်လန်ဒန်ရဲ့ အသားတတုံးလဲတိတ်သွားပြီ
ကော်ဖီကတော့ မွှေးနေတုန်းပဲ
တယောက်ထဲလားလို့ မေးသံထွက်မလာဘူး
ဘာသံမှ ထွက်မလာဘူး
ရေနစ်နေတဲ့ လိပ်ပြာကို မျက်လုံးတွေနဲ့ ၀ါးကူထိုးလို့
ကောက်ရိုးလိုပျော့နေတဲ့အသံထွက်လာတယ် သနားပါတယ်နော်
အင်း သနားပါတယ်ပေါ့
သနားပါတယ်ကို ပဲ့တင်လိုက်ရိုက်သံတွေ ထွက်လာတယ်
နောက်ထပ် တမျှင် နှစ်မျှင်
လိပ်ပြာသေပျော်သွားပြီ
ကိုယ့်ကိုယ်ကို သနားနေတဲ့လိပ်ပြာ ပီတိဖြစ်သွားပြီ
တခဏပါပဲ
စိတ်ကျနေတဲ့လိပ်ပြာ ရေပြန်နစ်သွားတယ်
လိပ်ပြာက ဇာတ်လိုက်မဟုတ်ဘူး
ဘယ်သူရေးတာလဲ ငါတို့ဇာတ်လမ်းဘယ်သူရေးတာလဲ
တီးတိုးသံတွေညံသွားတယ်
ကောက်ရိုးတွေလဲ တောမီးဟပ်သလို ဖြတ်ကနဲဖြတ်ကနဲ ပြာကျကုန်ပြီ
ငါတို့ ဇာတ်လိုက်ဟုတ်မဟုတ် ရေနစ်မှ သိရမယ်ပေါ့
မနက်ဖြန်လဲ သူသူငါငါရေနစ်ဦးမယ့်အကြောင်း အတင်းစကားကိုတီးတိုးတုတ်နေကြတယ်
ကော်ဖီလက်ကျန်တွေ မျက်နှာငယ်ငယ်နဲ့အေးစက်သွားပြီ
အားလုံး ထွက်လာကြတယ်
ဖန်တီးထားတဲ့ ဇယားတွေကိုဖြည့်ဖို့သက်သက်
အချိန်တွေတစက်စက်ကျသွားတာကို မှတ်တမ်းပြုဖို့သက်သက်
လမ်းမီးတိုင်အောက်မှာ ရေစိုနေတဲ့တောင်ပံတွေကို တရွတ်ဆွဲလို့ ......

ဆုံမှတ်

2008-09-09T20:47:00.002+08:00

ပေါင်းဆုံစီးဆင်းဖို့လား
ဖြတ်သန်းကျောခိုင်းသွားဖို့လား
ရှေ့ကို ဘာဆိုဘာမှ မမြင်ရပေမယ့်
တဘ၀လို့ ထင်လိုက်တဲ့ တခဏမှာတွေ့တယ်။

အိပ်မက်တွေ စားသုံးကြီးထွားနေတဲ့ သစ်ပင်လေးရယ်
ငါ့အဓိပ္ပါယ်တွေကတော့ လူမသိသူမသိ ပြိုပြိုကျသွား
ဝိုးတ၀ါးနေညိုမှာ
မင်းကို အပူရှိန်ဟပ်မှာစိုးတော့ ငါ့သက်ပြင်းကိုထိန်ချန်လို့ပေါ့
အချိန်မတန်ခင် သောကတွေနဲ့ မင်းနိုးထမှာ စိုးခဲ့တယ်။

အတက်နဲ့ အကျလား၊ အသွားနဲ့အပြန်လား
ထာဝရအတွက်ဆိုတဲ့ မနက်ဖြန်ကလဲ ဘယ်တော့မှရောက်မလာဘူး။

အိပ်စက်ခြင်းတွေကို ချေမွထားတယ်ရယ်လို့
မရေရာမှုတွေကို စွဲချက်တင်
တဒင်္ဂဖြစ်ဖြစ် အိပ်မက်ချင်တယ် . . .
မင်းရယ် ငါရယ် . . .တောင်တန်းတွေရယ်

ဒီလိုနဲ့ သွေးပျက်လာတဲ့ စက္ကန့်လေးများ
သစ်ရွက်ဖျားကနှင်းစက်လေးထဲ ခိုနေကြတယ် ။ ။

ဟေ့ ... ဘာသံတွေလဲ

2008-09-09T16:00:00.001+08:00

နေရာမရှိပဲ ဆွဲခေါ်ခဲ့ကြတယ်
ရည်ရွယ်ချက်မဲ့၊ အစီအစဉ်မဲ့၊ အမှတ်တမဲ့
နားထောင်သူလဲ မဲ့တယ်
ဒါမတရားဘူး
ဘယ်လောက် မတရားသလဲ... မတရားဘူးပြောတာတောင် နားမထောင်ကြဘူး။

အားလုံးက လိုချင်တာကို လုယက်ပြောတယ် ဘယ်သူမှနားမထောင်ဘူး
ပြောသမျှတွေဟာ စကားသက်သက် အသံသက်သက် ဖြစ်တယ်
မောင်းနှင်ထုတ်လိုက်သမျှ ဝေ့၀ဲပြီးပြန်ဝင်လာတယ် ပြန်မောင်းထုတ်လိုက်ကြတယ်

ဖြစ်ချင်တာတွေကိုပြောတယ် ဖြစ်မလာတာတွေကိုပြောတယ်
မဖြစ်ချင်တာတွေကိုလဲပြောတယ်
ရေးကြီးခွင်ကျယ်ပြောတယ်၊ ချဲ့ကားပြောတယ်၊ တန်ဆာဆင်ပြောတယ်
ဒဲ့ဒိုးပြောတယ်၊ ဟန်ဆောင်ပြောတယ်၊ ချိုအောင်ပြောတယ်
မောအောင်ပြောတယ်၊ ဒုန်းစိုင်းပြောတယ်၊ ခပ်ရိုင်းရိုင်းပြောတယ်

အသက်ရှင်မှုကို အသိအမှတ်ပြုဖို့ ပြောကြတယ်
တည်ရှိမှုကို အရိပ်အယောင်ပြဖို့ ပြောကြတယ်
ရှိတယ်ထင်မှုကို အမောက်ထောင်ပြဖို့ ပြောကြတယ်
ပထမတခွန်းကို ကြားဖို့အားအထုတ်မှာ ဒုတိယတခွန်းကိုပြောတယ်
သိကြားမှုကို ဖြိုဖျက်ချဖို့ တတိယတခွန်းပြောတယ်
တတိယတခွန်းကို အတည်ပြုဖို့ စတုတ္ထတခွန်းပြောတယ်

ဒါ
မတရားဘူး
ဘယ်လောက် မတရားသလဲ... မတရားဘူးပြောတာတောင် နားမထောင်ကြဘူး။

နောက်ဆုံးတွေ့လိုက်တဲ့ ပင်လယ်

2008-09-07T14:27:00.003+08:00

ပင်လယ်ညနေခင်းဟာ ညှီစော်နံတယ်
ကျေးဇူးပြုပြီး ကမာအကြောင်း စကားမစကြပါနဲ့လား
လှိုင်းပုတ်သံဟာ ငါအလိုမတူတဲ့ စိတ်ကူးတွေကိုသယ်လာတယ်
ပုံကြီးချဲ့ခံစားမိတာလဲ ဖြစ်ချင်ဖြစ်မယ်
အမှန်တကယ် ကြေကွဲစရာလဲ ဖြစ်ချင်ဖြစ်မယ်
ဘယ်သူမှမသိဘူး. . . ပင်လယ်ဟာ မာယာများလွန်းတယ်

ပင်လယ်ဟာ လောဘတွေနဲ့ ညည်းညူနေတယ်
ငါမပါတဲ့အတိတ်တွေ သဲတရှပ်ရှပ်နဲ့ ငါ့ကိုယားယံစေပြီး
အထင်မှားမှု တံလျှပ်တွေက အာရုံကို စပ်ဖျင်းဖျင်းညှဉ်းပန်းတယ်
အမှတ်တမဲ့လိုလိုနဲ့ ချိန်သားကိုက်ရောက်လာတဲ့ အရာရာတိုင်းကို
အရှိန်နဲ့ပြေးပြေးလာပြီး တလျော့လျော့ နောက်ဆုတ်သွားတဲ့ကမ်းနားလှိုင်းဖြူလို
သက်ပြင်းတလူလူနဲ့ ထိုင်ကြည့်နေရ

ပင်လယ်ဟာ ဘွာခတ်တတ်တယ်
စိတ်ကောက်ဟန်ဆောင်ပြီး တစ်က ပြန်ပြန်စတော့
တစစီပြိုကျသွားဖို့ သဲအိမ်တွေကို ခဏခဏ ထထ ဆောက်ကြရ
အချိန်ဆိုတာ မသေမရှင်နှိပ်စက်တတ်တဲ့ ယန္တရားတမျိုးလို့
သဲပြင်ပေါ် ကဗ္ဗည်းထိုးကြရ
မျက်ရည်တွေ ငန်ကျိနေတဲ့ညနေကို ဖျက်သိမ်းပေးဖို့ ငတ်မွတ်မျှော်လင့်ရ

ပင်လယ်ဟာ ဆွဲငင်လွန်းတယ်
ကြိုဆိုသလိုလိုနဲ့ ၀ါးမျိုဖို့ သွားဖြဲစောင့်ခဲ့
ဖြစ်လာသမျှတွေ ဖြစ်မလာသမျှတွေကို ပုံချခံခဲ့
အရာရာအားလုံးကို အဆုံးသတ်ပေးမယ်လို့ မြှူဆွယ်ခဲ့
တလှမ်းချင်းဝင်သွားတဲ့ခြေလှမ်းတွေကို မသိဟန်ဆောင်ပြီး ပြန်လမ်းဖျောက်ခဲ့. . .

ပင်လယ်
. . . . . . . .
. . . . . . . . . . . . . .
ပင်လယ်ဟာ မည်းမှောင်အေးစက်လွန်းတယ်။ . . . . ။

စကားချပ်။ ။ နောက်ဆုံးတွေ့လိုက်တဲ့ဆိုတဲ့ နာမ၀ိသေသနသည်
ပင်လယ်ထဲအပြီးမဆင်းသွားခင် တွေ့လိုက်ရတဲ့ ဟု ဆိုလိုသည်။

ပင်လယ်တွေအများကြီးတွေ့ဖူးတဲ့အထဲက နောက်ဆုံးပင်လယ်ဟု မဆိုလိုပါ။ . . . ။

နားစမ်း

2008-09-03T22:25:00.003+08:00

ချစ်ဖူး ဖြစ်ဖူး၊ လွမ်းဖူး ကျွမ်းဖူးတဲ့သူကြီးကိုမှ
ရင်ခုန်သံအနုအသစ် ဖြစ်တည်စေလိုတဲ့ မြီးကောင်ပေါက်လို
ရွဲနေ ပြဲနေ၊ လောင်နေ ဟောင်နေတဲ့ ကမ္ဘာကြီးအတွက်
စိမ်းစိုအေးမြ တသသပြုချင်တဲ့ ဆန္ဒတွေက
အားရပါးရကို ရူးတော့တယ် ဟိုး... နှစ်ဆယ်ကျော်စ နှစ်တွေက ပြောပါတယ်။

ဒီလမ်းကိုလျှောက် ဒီတရားကိုပေါက်ခဲ့ပြီးသား ရှေးဆရာ့ဆရာများကတော့
ပြန်မရမယ့် စာရင်း ရှင်းမနေတော့ဘူး အံခွနေပြီတဲ့
ဟုတ်တော့လဲဟုတ်သား လောကဓံနဲ့ လူသား နှစ်ပါးအသွားမှာ
သူက အထက်ရောက်လိုက် ကိုယ်က အောက်ရောက်လိုက်
ကိုယ်ကအောက်ရောက်လိုက် သူက အထက်ရောက်လိုက်
အသက်မပျောက်သရွေ့ ဆက်လျှောက်ကြရတာကို ဘ၀လို့ ဆိုမလား။

ဘာထူးမှာလဲလို့ မေးတတ်တဲ့သူများ များများလာလို့
အချစ်၊ နိုင်ငံရေး၊ အနာဂါတ် အားလုံး ရောတုတ်လုံးချ ဘ၀နဲ့ချီပြီးပြောပြလိုက်မယ်
ဘာမှ တော့ မထူးဘူးပေါ့ ဒါပေမယ့် နားခါးလွန်းလို့ ခဏရပ်စမ်းပါ
မေးနေလို့ ဘာထူးမှာလဲ
ဘာထူးမှာလဲကွာ. . . ။

ဥယျာဉ်မှူးရဲ့ ရတနာ

2008-09-01T22:55:00.004+08:00

ကျမက ပန်းရောင်ပန်းပွင့်မဲ့ အပင်၊ အဖြူရောင်ပန်းပွင့်မဲ့ အပင်လို့ လူတွေလက်ညိုးထိုးငြင်းကြရင် ရယ်ချင်လှသည်။ ကျမသည် အ၀ါရောင်ပန်းပွင့်မယ့် သစ်ပင်လဲဖြစ်နိုင်သည် ဒါမှမဟုတ် ဘာပန်းမှမပွင့်မယ့် သစ်ပင်လဲ ဖြစ်နိုင်ပါသည်။ သူကတော့ ဘာပန်းလေးပွင့်ရမယ်နော်လို့ မပြောပဲနဲ့ ရေလေးလောင်းလိုက်၊ ပေါင်းလေးသင်လိုက်၊ တခါတရံတော့လဲ ကျမခြွေချလိုက်တဲ့ သစ်ရွက်တွေကို တယုတယကောက်လို့ တခါတရံတော့လဲ ကြွေကြွေနိုင်လွန်းရယ်လို့ မြည်တွန်တောက်တီးတတ်သည်။

အရိပ်တကြည့်ကြည့်ရှိတဲ့ကြားက ဟိုက ဒီက ပန်းပင်လေးတွေ ပေါင်းပင်လေးတွေ သူ့ဥယျာဉ်လေးထဲမှာ များများလာပါသည်။ ခပ်ရင့်ရင့်ကြမ်းရှရှပေါင်းပင်တွေကိုတော့ သူက နှုတ်တန်နှုတ်၊ နင်းတန်နင်းပစ်လိုက်သော်လည်း အရိုင်းပန်းလေးတွေ၊ နုဖပ်သောပွင့်လွှာလေးတွေကိုတော့ ဂရုမပြုမိသလို သာယာသလိုနှင့် ခေါင်းစဉ်မရှိသော ကွက်လပ်တခုမှာ ၀ိုးတ၀ါးလွှတ်ထားတတ်ပါသည်။ တကယ်တော့ သူလဲ လောကီသားမဟုတ်လား။

တခါတလေ သူကလှမ်းပြီး ပေါင်းသင်ပေးနေတာများ အမှတ်တမဲ့တွေ့မိတဲ့အခါ သူ့ဂရုစိုက်မှုကို ခွဲဝေပေးလိုက်ရတယ်လို့ မနာလိုဖြစ်မိသည်။ အဲဒီ လေတိုက်တိုက် မတိုက်တိုက် ဆတ်စလူးထနေတဲ့ ပန်းပင်ပေါက်စလေးတွေရော၊ အိနြေ္ဒတခွဲသားနဲ့ တပွင့်ချင်းလေးတွဲ့တွဲ့ပွင့်ပြနေတဲ့ ပန်းခြုံလေးတွေကိုပါ မျက်စောင်းနဲ့လှမ်းကြည့်မိပါသည်။ သူတို့တွေကတော့ ခင်မင်ဟန်ပြုတဲ့အပင်နဲ့ မမြင်ဟန်ပြုတဲ့အပင်နဲ့ အမျိုးမျိုးတုန့်ပြန်ကြပါသည်။ တခါမှတော့ သူ့ကို အဲဒီအပင်တွေကို နှုတ်ပစ်လိုက်ပါလားလို့ ပြောမထွက်ခဲ့။ ဥယျာဉ်ကလေးပျိုးထားတဲ့ လူတယောက်မှာ အဲသလောက်တော့ စိတ်ချမ်းသာခွင့်ရှိပါသည်။

တခါတလေ မိုးလေပြင်းထန်လွန်းလို့ သူ့မြေမှာ အံခဲပြီး ပွင့်နေရတဲ့ပန်းလေးတွေ ခေါင်းငိုက်စိုက်ကျနေတဲ့အခါ ကိုယ်ချင်းစာစိတ်နဲ့ သနားရပြန်သည်။ ကိုယ်တိုင်မွေးမြူထားတဲ့ ခံစားချက်တွေက ကိုယ့်အရေပြားကိုဖောက်ထွက်လာတဲ့ ဆူးတွေကိုယ့်လည်မျိုပြန်ထောက်ထားမိသလို ပူလောင်လှသည်။

တခါတလေတော့ သူ့ဂရုစိုက်မှုကို ခွဲမပေးချင်ပါ။ ကျမကို ဂရုစိုက်မယ်ဆိုပြီး သူစိုက်ပျိုးခဲ့တာပဲ မဟုတ်လား။ ဟိုအနုတ်စုတ်ကုတ်စုတ် အပင်တွေကတော့ သူ့မြေမှာပေါက်ချင်လှချည့်ဆိုပြီး ရောက်ရောက်လာတဲ့ အပင်တွေဖြစ်သည်။ အဲသလိုတွေးမိတော့ ရေလောင်းပေါင်းသင်ပေးတာတောင် အပွင့်ပွင့်ရကောင်းမှန်းမသိတဲ့ ငါလို နလပိန်းတုံးအပင်နဲ့စာရင် ဘာကလေးဖြစ်ဖြစ်ရအောင်ပွင့်ပြနိုင်တဲ့ အပင်တွေက သာမနေဘူးလားလို့ ပြန်ပြန်ဖြေရပါသည်။

တရက်မှာတော့ ဥယျာဉ်တခုလုံး အိနြေ္ဒပျက်မယ့် ညနေကို သူယူဆောင်လာခဲ့သည်။ ဘယ်လောက်ကြာမယ်မှန်းမသိတဲ့ ခရီးဝေးတခု သွားရတော့မယ်ဆိုတဲ့ သူ့အသံကိုအကြားမှာ ဖျော့တော့နေပြီဖြစ်တဲ့ နေရောင်အောက်မှာ သစ်ရွက်ကလေးတွေ ညိုးငယ်သွားသည်။ ပန်းပွင့်လေးတွေ နွမ်းလျသွားသည်။ နည်းမျိုးစုံနဲ့ ရှင်းထုတ်နေတဲ့ကြားက ဘေးကပ်ကျန်နေတဲ့ ပေါင်းပင်ရိုင်းတွေတောင် အံ့အားသင့်စွာ တုန်ရီနေသည်။

မနက်ကျတော့ ဆိုနေကျသီချင်းလေးကို ညည်းရင်း သူထွက်ခွာသွားပါသည်။ အဲဒီနောက်ပိုင်းမှာတော့ အဖြစ်အပျက်တွေက စစ်ဘေးရှောင်နေရတဲ့ ဒုက္ခသည်တွေလို နေ့ရက်တွေကို မသေရုံတမည်ထုပ်ပိုးလျက် ငြီးငွေ့ဖွယ်တရွေ့ရွေ့သွားနေကြရသည်။ သုံးနှစ်သုံးမိုးပွင့်ပြမယ်ဆိုတဲ့ ပန်းခြုံတွေတောင် ခြောက်ကပ်သွားခဲ့ပြီ။ ပန်းပင်ပေါက်လေးတွေကတော့ လေလွင့်သူလွင့် ကျန်ရစ်သူုကျန်နှင့် ဖရိုဖရဲဆန်လှသည်။ သူကမူးရှူးထိုးနှုတ်ပစ်တုန်းက တဇွတ်ထိုး ပေါက်ပေါက်လာတတ်သည့် ပေါင်းပင်တွေတောင် မျက်စိလည်မလာတော့ ဥယျာဉ်ကဖုန်းဆိုးမြေလို ပြောင်သလင်းခါလုလု ဖြစ်နေသည်။

ဥယျာဉ်ထဲမှာ စည်ကားဖူးခဲ့သည့် ငှက်တေးသံကို မမှတ်မိနိုင်လောက်သည့် ရာသီတညောင်းစာကြာခဲ့ပြီ။ ကျမကို အသက်ရှိသည်ဆိုရုံ ရှိနေသည့် သစ်တပင်အဖြစ် လူတွေကရုဏာသက်ကြသည်။ တချို့ကလဲ ပြုံးကြသည်။ ကျမသည် ရေကြည်ရာမြက်နုပေါက်တတ်သည့် အလေ့ကျအပင်မဟုတ်။ ဒီမြေမှာ ရိုးမြေကျချင်သည့် အပင်ဖြစ်မှန်း ကြုံးဝါးချင်လှသော်လည်း ကျမကိုယ်တိုင်ပင် ဘာပန်းပွင့်မည့် ဘာအပင်မှန်း ကိုယ်တိုင်မသေချာလှ။ သေချာတာကတော့ ကျမစောင့်နေခဲ့ပါသည်။

စောင့်နေခဲ့တယ်ဆိုတဲ့ အသိကလွဲရင် အာရုံအားလုံးသေဆုံးနေသလို စောင့်နေခဲ့ပါသည်။ တမနက်မှာတော့ အဝေးကမြူမှုန်တွေထဲမှာ တစုံတယောက်လှမ်းလာတာကို ၀ိုးတ၀ါးမြင်လိုက်ရသည်။ အဲဒီတေးသွားကို ညည်းလို့ သူပြန်လာခဲ့ပြီ။

…………………………………………

သေဆုံးနေတဲ့နွယ်ပင်တွေ တွယ်ယှက်နေတဲ့ ဥယျာဉ်တံခါးကို သူတွန်းဖွင့်လိုက်ချိန်မှာတော့

သံသရာအဆက်ဆက် သူ့မျက်မှောက်မှာပွင့်ဖို့ ဆုချွေထားသည့် ကျမရဲ့ ပန်းပွင့်တွေ တပင်လုံးဝေနေအောင် ပွင့်လိုက်ပါတော့သည်။

သူက ကျမခြေရင်းအထိ ပြေးလာသည်။ ဗလုံးဗထွေးရေရွတ်နေပုံက မောဟိုက်သံမှာ အပြုံးစွက်လျက်

`အလို… မင်းက ပွင့်မယ့်ပွင့်တော့ ခရမ်းပြာရောင်တွေ တပင်လုံးပါလားကွယ်´

ည

2008-08-30T23:35:00.001+08:00

အသက်ရှူကြည့်တော့ ရေနစ်သလို
မျက်လုံးဖွင့်ကြည့်တော့ လမိုက်ညလို
ဘာရယ်မဟုတ်ရပါဘူး
မနက်ဖြန်အကြောင်း ခေါင်းထဲရောက်လာတာ

ဥာဏ်မမှီတာကို ဇွတ်တွက်ချက်
ဘ၀ဟာ ၀ဋ်ကြွေးသက်သက်ဖြစ်လာတယ်
အဟောင်းပေးမယ် အသစ်ယူမယ်ပေါ့

မနက်ဖြန်မနက်ဟာ ဘာကိုသယ်ဆောင်လာမလဲ
အဆိုးမြင်ဝါဒီရဲ့ ဖြတ်သန်းမှုထဲက သင်ခန်းစာတွေလို
ဒဏ်ရာကိုလက်ညိုးထိုးထိုးပြရင်း မျှော်လင့်ချက်ကိုငြင်းဆန်မယ်

တရေးမှမရပဲ အိပ်မက်ဆိုးကို ယိုးချ ငိုရအောင်ကလည်းမဖြစ်လေတော့
ကြယ်တွေကိုမြိုထားတဲ့ တိမ်မည်းတွေကိုသာကျိန်ဆဲပြီးရင်းဆဲ
မလင်းလက်ရတဲ့အထဲ အေးစက်လှချည်လား. . .

အစစ်မဖြစ်သော၊ ဖန်တီးထားသော

2008-08-30T14:04:00.001+08:00

ပညာတွေဘယ်လောက်တတ်တတ်
ဘ၀တပါးကလူကို မီးရှို့ပြီး ရိက္ခာပို့ပေးနေတဲ့ လူတွေလို
ဘာမှမထူးမယ့်လမ်းတွေဖောက်
ခြေထောက်တွေသွေးခြည်ဥအောင် လျှောက်ကြပါစို့

သဘာဝကိုမြတ်နိုးလှချည်ရဲ့
ညောင်ပင်ကိုဝိဥာဉ်ရိုက်ချိုး ပန်းအိုးကလေးထဲ ငါပျိုးထားသလို
တောင်ပံသန်သန်စွမ်းစွမ်းငှက်တွေကို လှောင်အိမ်ထဲထည့် ကျွေးမွေးထားကြ
အသံညစ်ညမ်းနေတဲ့ ကျွန်းပေါ်ကို အသံတွေတင်သွင်းလာကြ
အသံတွေပြိုကျနေတဲ့နေ့နဲ့ညမှာ ရင်ခုန်သံကတော့သေဆုံးသွားရပေါ့
သဘာဝကိုတော့မြတ်နိုးလှချည့်ပါပဲ။

အရသာတစုံတရာ ပေးပါ။ အရသာပေးပါ။
ဗလာသက်သက်မျက်လုံးတွေနဲ့မကြည့်နဲ့
ဆိုင်စား လား ပါဆယ်လားတဲ့ ရွေးချယ်မှုခေါင်းပါးတဲ့ကောင်တွေ
ရှင်သန်နေတဲ့လူတွေကိုတောင် ဘာမှမပေးနိုင်ပဲ
ကဲ..
ဒီ့ထက်ရယ်ရတာတောင် ဒီလောက်ရယ်ရမယ်မထင်ဘူး။

ထွက်ခွာသွားသော

2008-08-28T22:11:00.000+08:00

နှုတ်ဆက်သည်ဖြစ်ဖြစ် မနှုတ်ဆက်သည်ဖြစ်ဖြစ်
ကြယ်သေတစင်းလိုပဲ မလင်းလက်တော့ဘူးရယ်
ဘာကြောင့် မလင်းလက်တော့တာလဲလို့
လိုက်လိုက်တွေးမိခြင်းက
ဒီကဗျာရဲ့ အစ

ကလေးတွေကလဲ ပြန်ပေးပါပြန်ပေးပါနဲ့ ငိုမဲ့ငိုမဲ့
လူကြီးတွေကလဲ တံခါးကိုဖွင့်နားကိုစွင့်လို့
ဒါပေမယ့် ခြေသံသဲ့သဲ့တောင် ယောင်လို့ မကြားကြပါဘူးတဲ့

နေသာဝင်သွားရော
အရာရာတိုင်းဟာ အရာရာတိုင်းနဲ့
ဆုံမှတ်ကလေးတခုမှာ တခါပဲတွေ့တယ်ရယ်လို့
ဘယ်သူမှ ကောက်ချက်မချဝံ့ကြ။ ။

ပျောက်ရှသွားသော ဆုံးရှုံးရသော

2008-08-23T23:26:00.007+08:00

အဲဒီအသံကို အာရုံအငြိမှာ
စိတ်ထဲမှာ ရှိတဲ့၊
ရှိနေမှန်းတောင်မသိတဲ့
ကွက်လပ်တော်တော်များများ ဖြည့်ပြီးသားဖြစ်သွားတယ်

အသွား အပြန်၊ အစုန် နဲ့ အဆန်
ဆုံခဲ့ဟန်ပါပဲ
ခဏလေးရယ်ပေါ့
အသံဆိုတာ စကြာဝဠာကြီး ရှိသ၍ လိုက်ရှာလို့ တွေ့နိုင်သေးသတဲ့

ယုံကြည်ရာတွေ ဘွာခတ်သွားတဲ့ညမှာ
ဝင်္ကပါထဲ အမြဲမိုးမိတဲ့ ရင်ခုန်သံတွေနဲ့
ကမ်းလက်တွေကို တမ်းမက်လို့ ဖျားနာ
အဝေးကြီးက လာခဲ့ရတာ

အဝေးကြီးက လာခဲ့ရတာ
အဝေးကြီးကလာခဲ့ရတာပါ
ခရီးဆုံးမှာ ဒီပုံပြင် ငါပြန်လိုချင်ခဲ့
စိတ်ကူးများနဲ့ အငြင်းပွားနာကျင် ရိုးမြေကျကို ငါယုံချင်တာပေါ့

တသက်နဲ့တခါ မိုက်ကြည့်မယ်လို့ အငိုက်မိခံခဲ့
အလိုက်မသိတဲ့ဆန္ဒများကလဲ အလံဖြူကိုပါယ်ချ
ဒါ ငါ့ဘ၀ပါကွယ် ယဇ်ပလ္လင်ပေါ်ပစ်တင် ပူဇော်အထားမှာ
ကရုဏာအားဖြင့် ပြန်ကောက်ပေးမိမှာစိုးသတဲ့
တန်ခိုးရှင်တပါးက စနစ်တကျချိုးဖဲ့ဖျက်ဆီးသွားခဲ့တယ်

Heavenly Fantasy

2008-08-23T14:04:00.007+08:00

ရထားကလဲလူပြတ်လိုက်တာ။ ဘယ်နှဘူတာစီးရဦးမှာပါလိမ့် မြေပုံကိုကြည့်လိုက်တော့ ၂ဘူတာလိုသေးတယ်။ မြေအောက်ဘူတာမှာရထားကပျင်းရိပျင်းတွဲရပ်သွားတယ်။ ဟင်. . ၀င်လာတဲ့မိန်းမနဲ့ ငါနဲ့အင်္ကျီတူနေပါလား။ အနက်ရောင်။ တယောက်ယောက်ကသူ့ကို မင်းလည်ပင်းဟိုက်လိုက်တာကွာလို့ မပြောဘူးလားမသိ။ ပြောချင်မှလည်း ပြောမှာပေါ့လေ။

အဲဒီမိန်းမကလဲ ထိုင်စရာဒီလောက်ပေါတာကို ငါ့နားလာထိုင်တယ်လို့။ ဟင် ရေမွှေးနံ့ကတူနေပြန်ပြီ။ ကိုယ်နဲ့အ၀တ်အစားဆင်တူ ရေမွှေးနံ့ဆင်တူမိန်းမကြီးနဲ့ တခရီးထဲသွားနေရတယ်လို့ မအီမလည်ကြီးခံစားရတာကိုက မိန်းမဖြစ်ခြင်းရဲ့ ပြသနာပဲနဲ့တူပါရဲ့။ နေရာရွှေ့လိုက်တော့လဲ မကောင်းပါဘူး။ သူ့ဆံပင်တွေကျောပေါ်ဝဲနေတာကြည့်ပြီး ဆံပင်ရှည်ထားပါလားကွာဆိုတဲ့ အသံတသံကိုကြားယောင်သွားပြန်ရော အားကျသလိုလို မနာလိုသလိုလို အားငယ်သလိုလို ဆံပင်တွေကလည်းမရှည်နိုင်ဘူးကွယ်….

ဆင်းရမယ့်ဘူတာရောက်တော့ စိတ်ကပေါ့ပါးသွားတယ် ခပ်သွက်သွက်ဆင်းလိုက်တော့ မျက်လုံးထောင့်ကနေ ဟိုမိန်းမပါဆင်းလာတာတွေ့တယ်။ ဟင်း တူပဲတူနိုင်လွန်း မြို့လည်ခေါင်ကြီးကိုလူပြတ်လိုက်တာနော်။ သွားနေတဲ့လူတွေကလည်း မျက်နှာသေတွေနဲ့အသံတိတ်သွားနေကြတယ် ဘယ်လိုနေရာကြီးလဲမသိဘူး။

ဟောတွေ့ပြီ ပြပွဲလုပ်မယ့်နေရာ အဆောက်အဦးကြီးက မည်းမည်းကြီး မြင့်လိုက်တာ အထပ်၂၀ထိသွားရမှာပါလား။ ဓါတ်လှေကားထဲဝင်လိုက်တော့ ဟိုမိန်းမကလှစ်ကနဲ့ဝင်လာတယ်။ ပြုံးပြတာလား သူ့ဘာသာပြုံးနေတာလား မျက်မှန်နက်ကြီးနဲ့ဆိုတော့ ဘယ်ကိုပြုံးပြနေမှန်းမသိ။ ဟော ပြုံးပြန်ပြီ မျက်မှန်ကြီးချွတ်လိုက်တော့မှ ကိုယ့်ကိုပြုံးပြနေမှန်းသိတော့တယ်။ သူ့အပြုံးက ကရုဏာပြုံးလိုလို လှောင်ပြုံးလိုလို။ မျက်ခုံးလေးကလှလိုက်တာ ပါးပါးမျှင်မျှင်လေး တကယ့်မိန်းကလေးမျက်ခုံး။

သူက လယ်ဗယ်တွမ်တိကို သွားမှာလားတဲ့ ဟင် မြန်မာစကားပြောတယ်ဟ။ ဟုတ်တယ်လို့။ တို့လည်း အဲဒီကိုသွားမှာတဲ့ ။ ပန်းချီပြပွဲသွားမလို့ပါလို့။ သူက ပြုံးတယ် မျက်မှန်ကိုပြန်တပ်တယ်

`တို့က ပန်းချီဆရာဆီသွားတာ´ တဲ့လေ

ဟင်ဆိုတဲ့အသံကြီးက စိတ်ထဲမှာမြည်ပြီး လည်မျိုထဲမှာပဲ့တင်ထပ်နေတယ်။ ရေဆာလိုက်တာ။ ဓါတ်လှေကားက ကြာလှချည်လား။

ကဲ ရောက်ပြီ။ ဟာ ဒီပန်းချီကားတွေက တခါမှလည်း မမြင်ဖူးပါလား။ နေရာမှားလာပြီထင်တယ်။ ပန်းချီကားကလည်း မိန်းမပုံတွေချည်းပဲ။ ဟယ် ဟိုမိန်းမပုံတွေပါလား။ ပါးစပ်အဟောင်းသားနဲ့ကိုယ့်ကို ပုခုံးတွန့်ပြပြီး အဲဒီအမျိုးသမီးက နွဲ့နွဲ့နှောင်းနှောင်းလျှောက်သွားတယ်။ ဘေးဖက်အကန့်လေးဘေးကနေ ပန်းချီဆရာ ထွက်လာတယ်။ မုန်တိုင်းကျမလို အုံ့မှိုင်းနေရာက နေသာလာသလို စိတ်သက်သာရာရသွားပြီး လှမ်းခေါ်မလို့ပါးစပ်အဟပဲရှိသေး ဟိုအမျိုးသမီးက လျှောက်သွားတယ်။ လက်တဖက်ကို ပန်းချီဆရာပုခုံးပေါ်လှမ်းတင်တယ် ပြီးတော့ အင်္ဂလိပ်ကားဇာတ်ပေါင်းခန်းလို သူတို့နမ်းကြတယ်။

ဟာ. . . အထပ် ၂၀ကနေ လွင့်ကျသွားတယ်။ ဒါပေမယ့် အောက်ကို မရောက်ဘူး မဆုံးတမ်းကျနေတယ်။ အလင်းရောင်တွေပျောက်သွားပြီ အေးစက်လှချည်လား လိပ်ပြာလွင့်တယ်ဆိုတာ ဒါမျိုးလားမသိဘူး။ ဒါပေမယ့် ကိုယ့်ဇာတ်လမ်းမှာ ကိုယ်က ဇာတ်လိုက်ဖြစ်နေသေးတော့ ဖုန်းကမြည်လာတယ် မက်ထရစ်ဇာတ်ကားလိုပဲ ဖုန်းကိုင်လိုက်တယ် ကန့်လန့်ကာတွေအပြည့်ချထားတဲ့ အခန်းထဲက ကုတင်လေးပေါ် ရောက်နေတာပါလား။

`ဟဲလို´ ဆိုတဲ့ အသံသြသြကိုအကြားမှာ ဟိုဆံပင်ရှည်နဲ့အမျိုးသမီးကိုမေ့သွားပြီ။ မြေအောက်ဘူတာကိုမေ့သွားပြီ အထပ်၂၀ကိုမေ့သွားပြီ။ ဒီအခန်းထဲမှာတော့ ဆံပင်တိုတိုနဲ့ အမျိုးသမီးတယောက် ပြုံးလို့ ခေါင်းအုံးကိုဖက်လို့ ကော်ဖ်ီကို တငုံချင်းသောက်လို့ ...

ခန်းဆီးတွေအကုန်ဆွဲဖွင့်လိုက်တယ် အပြင်မှာ နေရောင်တွေတောက်ပလို့ ဟင်း... လောကကြီး တယ်လှပါလား။ ။

မှတ်ချက်။ ။ Julyလတွင်ရေးသည်။ နေ့ရက်မမှတ်မိ။

တို့မြေ

2008-08-22T19:49:00.000+08:00

အိမ်ကိုအိပ်မက်
အိပ်မက်ကိုပွေ့ဖက်
ပွေ့ဖက်မှုတွေမှာ လစ်ဟာပျောက်ရှ
ညတာတွေရှည် ခရီးတွေရှည်တယ်

ဘ၀ဆိုတာ လေမွှေသမျှ လွင့်ရတဲ့သစ်ရွက်သာသာ
ဘ၀တွေဟာ နေပူသမျှ သွေ့ရတဲ့သစ်ရွက်သာသာ
ဘ၀ တိုင်းဟာ မိုးရွာသမျှ စွတ်စိုရတဲ့ သစ်ရွက်သာသာ
တဖွဲဖွဲကြွေ
တလေလေလွင့်
တညစ်ညစ်ပေလို့

ဘယ်အချိန်ဆုံမှာလဲ
ဘယ်အချိန်ဆုံမှာလဲ
ဘယ်အချိန်ဆုံမှာလဲ
ချိန်းဆိုတိုင်းပျက်ကွက်တဲ့ ကောင်းချီးမင်္ဂလာများ
တသက်တခါ ပြည့်ပါရစေလား
တတွတ်တွတ်ဆိုတဲ့တောင်းဆုများသာ တိုးတိတ်သွား
ဘ၀များ ဘ၀များဟာ ဆွေးမြည့်ကြေမွ
နေ၊လေ။ဥတုတွေက
အေးစက်လွန်းလှတယ် မာကျောလွန်းလှတယ်
အစိမ်းသက်သက်ဖြစ်လွန်းလှတယ်

လူတွေက အိမ်ပြန်မလာကြဘူး
အိမ်ကလည်း ပြန်မလာဘူး
ပြန်လမ်းကလည်း ပြန်မလာဘူး
ကျောခိုင်းကြည့်လိုက်တိုင်း
ခြောက်ခြားလောက်အောင် ပြောင်သလင်းခါနေတော့တာ။ . . . . ။

ပျောက်ဆုံးသွားတဲ့ မနက်ခင်း

2008-06-29T16:39:00.000+08:00

ကြယ်စင်ခုနှစ်စင်းနဲ့ ချစ်ခြင်းဆီဝင်စေ တဲ့
ညနေမှာ အိပ်မက်တွေဝေလို့
ကြယ်ခူးဖို့ထွက်တော့မယ်

ဒီမယ် ဟိုမယ် ...လက်ညိုးထိုးလို့ ပါယ်လိုက်မယ်
ညံ့ဖျင်းတဲ့ကြယ် ရုပ်ဆိုးတဲ့ကြယ်
ဆယ်စုနှစ်တခုစာ နောက်ကျပါတဲ့ကြယ်
နားမလည်တဲ့ကြယ် ဥာဏ်နုံ့တဲ့ကြယ်
ကြယ်ရာမ၀င်တဲ့ကြယ်
အရေးမပါလို့အရာမပေးလောက်တဲ့ကြယ်
အမှုန်အမွှားမို့ မယုံစားလောက်တဲ့ကြယ်တွေပါကွယ်

ဒီလိုနဲ့
ကြယ်ခုနှစ်စင်း မလင်းပါတဲ့ ငါ့မနက်ခင်း
သက်ပြင်းတွေခြွေ ဒဏ်ရာတွေရ
ဆက်သစရာလက်ဗလာမို့
ချစ်ခြင်းတရားဆီသို့ လမ်းမသာပြီ။ ။

လူဇာ

2008-06-28T08:21:00.001+08:00

သူ့ရဲ့ ဒီနေ့မှာ မရှိပါပဲနဲ့
ဘာမှမဟုတ်တဲ့ ငါက
နက်ဖြန်ထိချစ်စေချင်ရသေး
အဲသလို နည်းနည်းတော့ ဝေးတယ်

လေးယောက်တဲ့ ဘုရားကြီးရေ
ဘာတွေမှန်းမသိပဲ ဟုတ်ကဲ့လိုက်ရတယ်
ဥာဏ်မမှီလိုက်တဲ့ ဆယ်စုနှစ်တခုစာလောက်က
ငါ့ကို သဲတမှုန်လိုတိုက်ချသွားပြန်ပြီ

တွေ့သမျှခဲလုံးအကုန်ကြုံးကန်ပစ်ချင်တယ်
ခြေမလေးရယ်
မင်းကိုတောင်မှ ကိုယ့်သွေးသားရင်းချာလို
မစောင့်ရှောက်လိုတော့

ချစ်ခြင်းတရားသက်သက်က
ဘယ်တော့မှ မလုံလောက်ဘူးဆိုတဲ့အတွေး
ရေးရေးလေးတောင် မပြောပြခဲ့တဲ့
ငါ့ရဲ့ ပါတ်သက်ရာပါတ်သက်ကြောင်း အားလုံးကို မုန်းတယ်။ ။

ငကြောက်။

တောပျော်လဒ

2008-06-28T00:36:00.001+08:00

အဖြေမရှိတာတွေတွက်လို့
ဒင်းက ဦးနှောက်စီးထွက်တာတွေ ပြောရဲ့
ဟဲ့ နင်သင်္ချာတော်တာ ၉၉မှာကျန်ခဲ့ပြီကွယ့်

အရှေ့ဖက်ကမ်းမှာထိုင်လို့
အနောက်ဖက်လှည့်ပြီး ငိုင်ပေါ့ကွာ

စိတ်နာစရာ အာလူးကြော်တောင် ပါရီပျော်လို့ အိမ်ပြန်သတဲ့
မင်းကသာ ကလေးတအုပ်နဲ့ တောတွေသွားလို့ ရွာစဉ်လှည့်

စိတ်နာနာနဲ့ သောက်လိုက်ဦးပေါ့ လဒရေ
ပါဝါတွေတက်လို့ မုတ်ဆိတ်တွေရှည်တဲ့အထိ
အေး သိလား ငါလည်းလေ
အိပ်မက်တွေမှာ တောင်ချွန်းတောင်ခြေရောက်လို့ရယ်

ဘယ်တော့လောက်အိမ်ပြန်ရမလဲ
ကဲ
တွက်ပါဦးကွယ်။ ။

မျက်ရည်ယိုဗုံး

2008-06-27T21:33:00.001+08:00

၁၀
၉
၈
၇
၆
၅
၎
၃
၂
၁
ဝ .... ။ ။

အိပ်မက်ခေါ်စာ

2008-06-24T22:29:00.000+08:00

ဒီမှာ
ဘာမှ မရှိတော့ဘူး

အိပ်မက်တွေ အလျော်အစားလိုချင်လည်း
အိပ်စက်မရတဲ့ မှောင်မိုက်မှုမှာ

သံစဉ်တွေ ပြန်ကောက်ထားချင်လည်း
လေပွေတွေ ရိုင်းလွန်းတဲ့နေရာ

ရောက်ရာအရပ်က
အမြန်
ပြန်လာပါ
ဒီမှာ ... အသည်းအသန်ဖြစ်နေပြီ။ ။

မြစ်ကျိုးအင်း

2008-06-23T23:25:00.003+08:00

သူမသည် ဆင်ကန်းတစ်ကောင်လို ခွန်အားမရှိသော်လည်း မိုက်ရူးရဲတောတိုးတတ်သူဖြစ်သည်။ ဖြစ်သင့်တာနဲ့ ဖြစ်ချင်တာတွေ အပြင်းအထန်တိုက်ပွဲဆင်ရသော ညနေ … လူမြင်အောင်ပြထားသော မာနအပြုံးတွေ ပြိုပျက်မသွားခင် လူမသိစေချင်သော မျက်ရည်တွေကို အရှက်မရှိထုတ်မပြမိခင်လေးတွင် သူမသည် ဆူးရိုင်းတွေလည်းရှိ ပန်းရိုင်းတွေလည်းရှိသော ထိုတောနက်နက်ထဲ ရောက်ရာပေါက်ရာလျှောက်လာမိပါသည်။ တွေ့ဆုံခြင်းတို့သည် အပြစ်ဖြစ်မည်ဆိုလျှင် ထိုအပြစ်အားလုံး ဒီစိတ်ရူးပေါက်ရာ ထထလုပ်တတ်သော ခံစားချက်ကမြစ်ဖျားခံလာသည်ဟု လက်ညိုးထိုးရပါလိမ့်မည်။

နေရောင် လရောင်တိုးမပေါက်သော လူသံငှက်သံကင်းဝေးသော ဒီလိုအကျည်းတန်နေရာမှာ ထို မြစ်ကျိုးအင်းကို သူမရှာဖွေတွေ့ရှိခဲ့ပါသည်။ မဟုတ်သေးဘူး… အမှန်တော့ အဲဒီမြစ်ကျိုးအင်းကသာ သူမရှေ့ရောက်ရှိလာတာဖြစ်သည်။ ဒီမှောင်မိုက်အေးစက်မှုထဲမှာ အသားကျစွာလျှောက်လှမ်းလာခဲ့ပြီး ဒီနေရာမှာဘယ်သူမှ ရှိမနေတာ သေချာခဲ့ပြီးမှ တန်ခိုးရှင်တယောက်ယောက်က စေလွှတ်လိုက်သလို သူမဘ၀ထဲကို ထိုမြစ်ကျိုးအင်း ရောက်ရှိလာပါသည်။ ပထမတော့ အဲဒီရေအိုင်ကြီးရဲ့ အကျည်းတန်မှုက သူမကို ထိတ်လန့်တုန်လှုပ်စေပါသည်။ ကြည့်ပါဦး မျက်နှာပြင်မှာ ရေညှိတွေတက်လို့ ဟု ရေရွတ်တော့ ရေအိုင်ကြီးက ခြောက်ခြားဖွယ်အသံဖြင့် သရော်သလိုရယ်ပါသည်။ နှစ်ပေါင်းများစွာ မဖယ်ရှားခဲ့သော ရေညှိရေမှော်တို့ဖြင့် တခါတရံ လေပြေညင်းက ပုပ်အဲ့အဲ့အနံ့ကို သယ်ဆောင်လာပေးသည်။

`ရေအိုင်ကြီးရယ် မင်းသိပ်ရုပ်ဆိုးတာပဲ´

ရေအိုင်က ဒေါသတကြီးတုန့်ပြန်သည်။

`ငါ က ရေအိုင်မဟုတ်ဘူး။ တချိန်တုန်းက ငါဟာမြစ်တစင်းဖြစ်တယ်။ တချိန်တုန်းက ငါဟာစီးဆင်းခဲ့တယ်။ ´

သူမကတော့ လှောင်ပြောင်ရယ်မောခဲ့ပါသည်။ အထီးကျန်ညများစွာတွင် လမင်းကြီးကိုမော့ကြည့်ပြီး ရေအိုင်ကြီး လရောင်ကိုခံစားနေမလားလို့ တွေးမိဖူးသည်။ ခြေလှမ်းတွေကိုတော့ အဲဒီတောအုပ်ဖက်မရောက်အောင် ထိန်းချုပ်ခဲ့ပါသည်။ သူမရဲ့ သိက္ခာဆည်ထားသောဘ၀တွင် အကျည်းတန်မှုများအတွက် နေရာများများစားစား မရှိပါ။ သို့သော်... တည ... အိပ်မက်ထဲတွင် ငါဟာ မြစ်တစင်းဖြစ်တယ် ဆိုတဲ့ အသံတခုကိုကြားလိုက်ရပြီး ထိုအသံသည် သူမ၏ နေ့ညများထဲတွင် အိုင်ဖွဲ့နေသောအခါ… အဲဒီနေရာကို နောက်ထပ်ထပ်သွားဖို့ သူမဆုံးဖြတ်လိုက်ပါသည်။

ရေအိုင်ကြီးကတော့ အဲဒီနေရာမှာ ထာဝရတည်ရှိနေခဲ့သလို စောင့်နေခဲ့သည်။ အဲဒီရေညှိရေမှော်တွေအောက်မှာ ရေအိုင်ကြီးရဲ့ သွင်ပြင်ဘယ်လိုရှိမလဲ သိချင်လှသည်။ လေပြင်းပြင်းတိုက်တိုင်း ၊ သစ်ရွက်တွေသူ့အပေါ်ကြွေကျတိုင်း ရေအိုင်ကြီးကို မျက်တောင်မခတ်တမ်းကြည့်ကာ အကဲခတ်နေမိသည်။ သူမ အကဲခတ်နေတာသိတော့ ရေအိုင်ကြီးက လှောင်ပါသည်။ ထိုအခါမျိုးတွင် ရေအိုင်ကြီးကို သူမ မုန်းလှပါသည်။

နောက်တစ်ညနေတွင်တော့ သူမ မုန်တိုင်းတစ်ခုကို ယူဆောင်လာပါသည်။ မုန်တိုင်းထန်သွားသောအခါ ရေအိုင်ကြီးရဲ့ မျက်နှာပြင်များလှိုင်းထန်သွားပြီး ရေညှိရေမှော်များအောက်တွင် အင်မတန်လှပဆွဲဆောင်သော ရေအိုင်ကြီးရဲ့ နှလုံးသားကို တွေ့လိုက်ရသည်။ အဲဒီညနေတွင် သူမ အသက်ရှူရပ်တန့်သွားသည်အထိ ရင်သပ်ရှုမောဖြစ်ခဲ့ပါသည်။ ဖုံးကွယ်ထားသောအလှတရားကို မသိစိတ်ဖြင့် တပ်မက်လာသောကြောင့် သူမသည် မကြာခဏ မုန်တိုင်းများကို သယ်ဆောင်လာမိပါသည်။ တွေ့ဆုံခြင်းသည် အပြစ်ဖြစ်မည်ဆိုလျင် နီးကပ်အောင်ရှေ့တိုးခြင်းသည် ပိုပြီးအပြစ်ဖြစ်ပါသည်။ သို့သော် စွဲလမ်းမှုများက တံခါးအားလုံးကို ချိုးဖျက်ဖို့ခွန်အားပေးသည်မဟုတ်လား။ သူမ ဘယ်အပြစ်မှမကြောက်ပါ။ ထိုသို့သော စိတ်ဓါတ်သည်ပင် အကြီးမားဆုံးအပြစ်ဖြစ်ခဲ့ပါတော့သည်။

သူမသည် တခါတရံ ရေအိုင်ကြီးနှင့် သင့်မြတ်စွာတေးဆို၊ တခါတရံ မုန်းတီးစွာရန်ဖြစ်ဖို့အတွက် နေ့တိုင်း ထိုမှောင်မိုက်နေသောလမ်းကို ဖြတ်ကျော်ပြီး အရောက်သွားခဲ့ပါသည်။ အအေးမိဖျားနာခဲ့သည်၊ ဆူးများသောလမ်းမှာ ဒဏ်ရာရခဲ့သည် သို့သော် သူမဘာကိုမှ ဂရုမစိုက်ခဲ့။ သူငယ်ချင်းများက လှောင်ကြသောအခါ မင်းတို့မသိပါဘူးဟုဆိုခဲ့သည်။ တားမြစ်ကြသောအခါ ရန်တွေ့ခဲ့သည်။ သူမကတော့ မှော်ဝင်အိပ်မက်ကို တွေ့ရှိသွားပြီဖြစ်သည်။

တခါတရံတော့လည်း သူမနှင့်ရေအိုင်ကြီးသာ လောကကြီးမှာရှိရင်ကောင်းမည်ဟု တွေးမိသည်။ သို့သော် ရေအိုင်ကြီးမှာ သူမလက်လှမ်းမမှီသော ကမ်းပါးများရှိနေခဲ့ပြီး သူမတွင် ရေအိုင်ကြီးမပါသော ကမ္ဘာတခုရှိနေခဲ့ပါသည်။ သူမသည် မျက်လုံးစုံမှိတ်ပြီး ကြိုးတန်းလမ်းလျှောက်သူလို မိုက်မဲလှပါသည်။

ရေအိုင်ကြီးကတော့ သူမသယ်ဆောင်လာသော မုန်တိုင်းများကို မုန်းတီးလှပါသည်။ ခါးခါးသီးသီးရယ်သံများကို သူမက ထီမထင်တုန့်ပြန်တတ်သလို သူမမုန်းတီးသော ရေညှိများဖြင့် ရေအိုင်ကြီးက ပိုမိုမွေ့လျော်ပြလာသည်။ သူမကတော့ ရေအိုင်ကြီးရဲ့ အတွင်းစိတ်ကိုမြင်ရဖို့ မုန်တိုင်းများစွာဖြင့် အားထုတ်နေရပြီး ရေအိုင်ကြီးကတော့ သူမကို ရေခဲလွှာတစလို ခရေစေ့တွင်းကျဖတ်နိုင်လေသည်။ ထို့ကြောင့်လည်း သူမက ရေအိုင်ကြီးကို အနည်းငယ်ကြောက်ရွံ့စွာ စွဲလမ်းခဲ့ရပြီး ရေအိုင်ကြီးကတော့ သူမကို ငြီးငွေ့စိတ်ပျက်ခဲ့ရလေသည်။ စိတ်ဓါတ်တွေပျက်ယွင်းပြီး ခြောက်ခြားလာသောအခါ ရေအိုင်ကြီးတွင်တွေ့ရှိရသော အကျည်းတန်မှုများအားလုံးကလည်း သူမ၏ အတ္တများက ပုံရိပ်ထင်နေခြင်းဖြစ်မယ်ဟု တွေးတောမိသည်။

သူမ သယ်ဆောင်လာသော မုန်တိုင်းများကသာ ကန်ရေပြင်တွင်စဲသွားသည်။ သူမ၏ အိပ်မက်များကတော့ ဖရိုဖရဲဖြစ်လေပြီ။ အရာအားလုံးသည် ဆုပ်ကိုင်ထားခြင်းကို ငြင်းဆန်သောသဲပွင့်များအလား ခြောက်ခြားဖွယ် လျောကျပျက်စီးနေသည်။ တရက်ထက်တရက် အမြစ်ကခြောက်သွေ့လာသော အပင်တပင်ကို နှလုံးသွေးဖြင့် သွန်းလောင်းစိုက်ပျိုးမိသလို နာကျင်လှ၏။

တစ်နေ့ မိုးတိမ်တွေလည်း ပုံမှန်အတိုင်းရွေ့လျားပြီး သစ်ရွက်တွေလည်း ပုံမှန်အတိုင်း ကြွေကျသောနေ့တနေ့ … တလောကလုံးကို ကျောခိုင်းပြီး ရေအိုင်ကြီးဆီအလာ သူမ၏ ရေအိုင်ကြီး ပျောက်ဆုံးနေသည်ကို တွေ့လိုက်ရသည်။ သူမသယ်ဆောင်လာသော မုန်တိုင်းများက သူမကို သတ်ခဲ့လေပြီ။ အရုပ်ကျိုးပြတ်လဲကျသွားသောအခါ သူမနားထဲတွင် ရေအိုင်ကြီးရဲ့ လှောင်ရယ်သံကိုကြားရသည်။ ကယောင်ကတမ်း လိုက်လံရှာဖွေမိသော်လည်း ဘယ်တုန်းကမှ မတည်ရှိခဲ့သလို ရေအိုင်ကြီးပျောက်ဆုံးသွားပြီဖြစ်သည်။

တချိန်က သူ စီးဆင်းခဲ့ပါသည်။ ။

မိုးတိမ်အမှတ် ၃.၂

2008-06-22T15:42:00.001+08:00

မိုးတိမ်တစ ကောက်ရခဲ့သည်။ ကော်ဖီဆိုင်တံခါးမှာ ကြော်ငြာတစ်ခုကပ်ထားသည်။ ဘာကြော်ငြာမှန်းမသိ "Enjoy while it lasts" တဲ့လေ။
"တံတားနားကဆိုင်သွားချင်တာ"
"မသွားချင်ပါဘူး ဒီဆိုင်ပဲကောင်းတယ်"
"ဆိုင်ကောင်းဖို့မလိုဘူး မင်းနဲ့မငြင်းရဖို့ပဲလိုတယ်"
ကိုယ်ကိုယ်တိုင်က လူတယောက်ကို"I hate to argue with you"လို့ ပြောဖူးတာလည်း အမှတ်မရချင်တော့ပါ။ ဒါပေမယ့် သိပ်နောက်ကျသွားပြီဖြစ်သည်။
အလွမ်းက ကော်ဖီဆိုင်ထောင့်ချိုးမှာလည်း ပုန်းခိုနေတတ်ပါသည်။

မိုးတိမ်ရဲ့မျက်လုံးတွေကတော့ ဖရောင်းတိုင်မီးရောင်နဲ့တောင် တောက်ပနေသည်။
"ဘာကြည့်တာလဲဟင်"
"မင်းမျက်လုံးတွေက တောက်ပတယ်နော်"
"မင်းမျက်လုံးထဲမှာ မှည့်သေးသေးလေးရှိတယ်နော် ကိုယ်က အစက ဖုန်ဝင်နေတယ်မှတ်လို့"
"မင်းက စကားသိပ်တတ်တာပဲ"
"မင်းက စကားသိပ်လွှဲတာပဲ"

ခုံခေါက်ပြီး သီချင်းဆိုတတ်တဲ့အကျင့်ကို သိပ်မုန်းသော်လည်း သူ့အသံချိုရှရှကို စိတ်ကသာယာပြီး နားမထောင်သလိုလိုနှင့် နားစွင့်နေမိသည်။ သူက နားထောင်နေမှန်းသိတော့ ညစ်ပြီး သီချင်းမဆိုပဲ သံစဉ်သာ ပြောင်းညည်းနေသည်။ ထောင့်မကျိုးတာ မုန်းစရာတွေချည်းပဲ။
"ညနေရုပ်ရှင်သွားမလားလို့" တယောက်ထဲပြောသလို ပြောနေပြန်သည်။
တနေ့နေ့တွေ့တာပေါ့ ကော်ဖီဖြစ်ဖြစ်လို့ မရေမရာပြောပြီး သတ္တိမရှိလှသူတစ်ယောက်ကို အမှတ်ရသွားပြန်သည်။ တကယ်တော့ အမှတ်ရတာမဟုတ်။ မေ့လို့မရတာဖြစ်သည်။
"ရုပ်ရှင်လဲမကြိုက်ပါဘူး'
"ဒါဆို ဘာလို့ တယောက်ထဲသွားသွားကြည့်နေသေးလဲ"
"အို မဟုတ်တာ ဘယ်သူပြောလဲ"
"လူလိမ်တွေထဲမှာ မင်းအညံ့ဆုံးပဲ သိလား"
"မသိဘူး"

တိတ်ဆိတ်သွားမှုမှာ ကိုယ်တိုင်ကအပြစ်ရှိသလိုဖြစ်နေသည်။ စက္ကူပေါ်မှာ ဟိုခြစ်ဒီခြစ်နှင့် ခေါင်းမမော့တမ်းလုပ်နေမိသည်။
"ဘယ်တော့ ကိုယ့်ကို ပန်းချီတကားလောက်ဆွဲပေးမှာလဲ"
"မဆွဲတတ်ဘူး"
"မလုပ်တတ်ဘူး ဘယ်တော့မှမလုပ်ဘူးဆိုတဲ့ စကားကလွဲပြီး တခုခုပြောကြရင်ကောင်းမယ်ထင်တယ်"
"ဖြည်းဖြည်းပေါ့ကွယ် အရောင်ရွေးနေတုန်း မင်းက ဘာအရောင်ကြိုက်တာလဲ"
"တောက်တောက်ပပ ရဲရဲရင့်ရင့်ပေါ့"
"တောက်ပဖို့ သတ္တိမရှိတော့ပါဘူးကွာ"
"ဒါဆိုလည်း ခင်ဗျားရဲ့ အပြာပဲပေါ့"
"အပြာက ဘာအပြစ်ရှိလို့လဲ"
"နှေးကွေးလေးလံသလိုပဲ"
"တကယ်တော့ အရောင်တွေဆိုတာ တကယ်မရှိပါဘူး"
လွှတ်ကနဲ့ထွက်လိုက်မိပြီးမှ အပြင်းအထန်နောင်တရသွားပါသည်။ အဲတာ ငါ့ယုံကြည်ချက်မှမဟုတ်တာ။ မသိစိတ်ကိုယိုးချလိုက်မိပြန်သည်။

"ဟေး နက်ဖြန်ကိုယ့်သူငယ်ချင်းရဲ့ ဓါတ်ပုံပြပွဲရှိတယ်နော် လိုက်ရမှာနော် မင်းကတိပေးထားပြီးသာ"
"ကတိမဟုတ်ပါဘူး ရက်စ်လို့ပဲပြောတာကို"
"အဲဒါ ဘာသဘောလဲ"
"လိုက်မှာပါဟ။ ကတိမဟုတ်ဘူးလို့ပဲပြောတာ မိုးရွာတော့မယ် ပြန်ကြမယ်လေ။"
"................."
"ပြန်မယ်လေ"

မိုးတိမ်တွေမျက်နှာညိုသောအခါ ရင်ထိတ်စရာကောင်းလှပါသည်။ ဒါပေမယ့် ဒီမိုးတိမ်ကတော့ အသက်နဲ့မလိုက်အောင် ဟန်ဆောင်ကောင်းသောတိမ်ဖြစ်သည်။ မကြာလှခင်ပဲ သီချင်းတညည်းညည်း အမှုမထားသောမျက်နှာလေးနှင့် လိုက်ထွက်လာပါသည်။

ဟာ ပူဖောင်းတွေရောင်းနေတယ်။ ဒီမြစ်ကမ်းဘေးမှာ ပူဖောင်းသည်တခါမှမတွေ့ဖူးဘူး။ ပူဖောင်းသည်ကိုလှမ်းခေါ်ချင်သော်လည်း ပျင်းရိပျင်းတွဲနှင့် မြစ်ရှုခင်းကိုခံစားနေသော အသည်ကြီးကို အားနာပြီး သူ့ဆီအရောက်လျှောက်သွားလိုက်သည်။ ပူဖောင်းသုံးလုံးဝယ်ပြီး အကြွေတွေကို ခက်ခက်ခဲခဲရေတွက်ပေးလိုက်သည်။ အကြွေစေ့တွေထွက်သွားလို့ ၀မ်းသာသွားသည်။ တကယ်ရှုပ်တဲ့အကြွေစေ့တွေ လေးကလေးသေးတယ်။

မြစ်ဖက်လျှောက်လာရင်း ကွန်ကရစ်ကမ်းပါးများ အနားကွပ်ထားသော မြစ်အမည်ခံရေစီးကြောင်းကို ကြည့်မိသည်။ တံတားကတော့ တိကျသော လက်ရာဖြင့် သန့်သန့်ပြန့်ပြန့် အနည်းငယ် ပျင်းစရာကောင်းသောပုံစံဖြင့် ငြိမ်ငြိမ်သက်သက်။ ဘယ်တော့မှ တံတားထိုးလို့မရသော မြစ်တစ်စင်းမှာ ဟိုဖက်ကမ်းနှင့် ဒီဖက်ကမ်းရောက်နေကြရသောလူတွေအကြောင်း စဉ်းစားမိသည်။ ပူဖောင်းသုံးလုံးလုံးကို လွှတ်လိုက်သည်။ ရုတ်တရက်ဆောက်တည်ရာမဲ့သွားသော်လည်း ပေါ့ပါးသွားသည့်လက်တွေကိုတော့ ဘယ်တော့မှနားမလည်နိုင်ခဲ့။ လွှတ်လိုက်တဲ့ခံစားချက်က ဒီလောက်မပေါ့ပါးဘူးလေ။ ဘယ်တော့မှ မနီးခဲ့ပဲနဲ့ ဒီလောက်တောင် နာကျင်စရာမလိုဘူးထင်တယ်.... အေးပေါ့လေ ၀ဋ်ကြွေးပေါ့။ ၀ဋ်တွေ ကံဇာတ်ဆရာတွေကို ယိုးချရတိုင်း ကိုယ်အသုံးမကျတာဖွက်ထားပြီး သူများကိုလက်ညိုးထိုးနေသည့် မူလတန်းကလေးလို ခံစားရပါသည်။ နည်းနည်းလေး အပြစ်ရှိ၊ နည်းနည်းလေး စိတ်သက်သာရာရ။ သိသိသာသာ အုံ့ဆိုင်းလာသော တိမ်တွေကို မော့ကြည့်တော့... မိုးတိမ်အမှတ် ၃.၂ကို သတိရသွားသည်။ ဟာ သွားပြီ ငါလူတယောက်လုံးကိုမေ့ပြီး လျှောက်လာတာပါလား။ shit!

နောက်လှည့်ကြည့်လိုက်တော့ ၃လှမ်းလောက်ခွာပြီး ငြိမ်ငြိမ်သက်သက်လျှောက်လာသော မိုးတိမ်။ သူ့မျက်နှာက ဇဝေဇ၀ါနှင့် ခါတိုင်းလို ယုံကြည်ချက်အပြည့်အပြုံးတခု ထုတ်ပေးဖို့ကြိုးစားပြီးမှ မှိုင်းညို့သွားပြန်သည်။ မျက်နှာပျက်တယ်ဆိုတာ စိတ်မကောင်းလျက်နဲ့ ပြုံးပြဖို့ကြိုးစားတဲ့အခါ ဖြစ်တတ်သလား မသိပါ။ သူက တိုးတိုးလေးရွတ်လိုက်ပါသည်။ အသံမကြားရသော်လည်း သူ့နှုတ်ခမ်းတွေကိုဖတ်ပြီး နားလည်လိုက်ရသည်။
"Where are you?" တဲ့
"I am here!" လို့ မလုံမလဲပြောမိသည်။ အသံကလိုတာထက်ပိုကျယ်သွားသည်။ သူက ခေါင်းခါသည်။
"မင်းက တခြားကမ္ဘာရောက်နေတယ်။ ငါမရှိတဲ့ကမ္ဘာ"
"..............."
လိမ်လည်မှုမှာ ညံ့ဖျင်းကြောင်း လူသိသူသိဖြစ်ပြီးမှာတော့ ကျည်ပွေ့အတက်ပေါက်ထုံးနှင့်လည်း အားမထုတ်ချင်တော့ပါ။ တကယ်တော့ မိုးတိမ်တွေက ပေါ့ပါးလွန်းတာလား ကျမကိုယ်တိုင်က ဖမ်းဆုတ်ထားဖို့ သတ္တိမရှိတာလားဆိုတာကိုလည်း စဉ်းစားနိုင်သည့် ဆင်ခြင်ဥာဏ်မရှိသေးပါ။ ကျမသည် ကိုယ်ထင်တာထက်အများကြီးပိုပြီး ဥာဏ်နုံ့လှပါသည်။........ ။

PS// စိတ်ကူးထဲက ဇတ်လမ်းပါ။ happy ending မဟုတ်လို့ ဆောရီးဗျို့

ဘယ်ဘူတာမှ မဆိုက်တဲ့ရထား

2008-06-22T10:29:00.001+08:00

အသံဗလံတွေရပ်တန့်
ခြယ်လက်စအရောင်တွေရပ်တန့်
အိပ်မက်အသေလို စန့်စန့်ကြီးပျက်နေ
အရောင်တွေဆိုတာ တကယ်မရှိပါဘူးတဲ့
ငါရင်လည်း ရူးမှပေါ့ကွယ်
မထူးဇတ်လည်းမခင်းရက်ပါဘူး မျက်နှာကိုလွှဲ

ကြယ်တွေကြွေနေလည်းမလင်းလက်နိုင်တဲ့
ညအစုတ်အပဲ့တစလိုပဲ
ဒီအချိန်ရောက်ရင် ဒီဝဋ်ကြွေးကအသက်ဝင်တယ်
ထားပါတော့ကွယ် သွားမယ်ဆိုလဲသွား
ဒီမှာ မျက်နှာလွှဲထားတုန်း

ယုံသည်ဖြစ်ဖြစ် မယုံသည်ဖြစ်ဖြစ်
ဒီဓါတ်ပြားဟောင်းဒီမှာအမြဲထစ်မယ်
မဖြစ်သေးဘူး မဖြစ်သေးဘူးလေ
ခြေလှမ်းတွေပျက်လို့ စိတ်ဓါတ်တွေပျက်သလား
စိတ်ဓါတ်တွေပျက်လို့ နှလုံးသားပျက်သလား
တရားခံလည်း ရှာမထားချင်တော့
ကဲ
သွားမယ်ဆိုလဲသွား
ဒီမှာ မျက်နှာလွှဲထားတုန်း..........................

ပုံစံဟောင်း

2008-06-19T02:15:00.001+08:00

မြေတွေက မာကျောအေးစက်လို့လား
ခြေတွေက အားမရှိလို့လား
ရပ်တည်အမြစ်တွယ်ဖို့ နာကျင်ခက်ခဲတယ်
ဒီလိုနဲ့
မုန်တိုင်းမထန်တာတောင် ငါ့မှာလွှင့်နေရော

ဘာမှဆုပ်ကိုင်ထားလို့မရဘူး
မနေ့ကစိမ်းလို့လန်းလို့
ကနေ့မရှိတော့ပြန်ဘူး
ခင်မင်မှုဆိုတာလည်း ရာသီစာလိုပဲနဲ့တူပါရဲ့

လမ်းတွေကရှည်သလား ခရီးကဝေးသလား
ခြေထောက်တွေနာတယ်
စိတ်တွေနာတယ်

ဒီအခန်းလင်းသွားဖို့တောင်
ဒီခလုတ်ကိုဖွင့်ဖို့ အားမရှိတော့ဘူး
မျက်လုံးမှိတ်လိုက်ရင် မှောင်မိုက်အေးစက်မှုကရောက်လာမှာပါပဲ။. . . . . . ။

PS// ကဗျာအဟောင်းလေးပါ ဟိုဖက်blogမှာတင်ထားတာ။

မွေးနေ့အမှတ်တရ

2008-06-18T21:48:00.003+08:00

အယ်ရာတက်နေလို့ မတင်လိုက်ရတဲ့ ပို့စ်ကလေးကို ထူးထူးခြားခြားနေ့ကလေးမှာ ပြန်တင်ပါရစေ။ မုတ်သုန်ဆီမှာတော့ တင်ထားတယ်။ ဘာထူးတဲ့နေ့လဲလို့ မမေးပါနဲ့ သိတဲ့သူတွေအတွက်သာ ရည်ရွယ်ပါတယ်။ :D (စကားပြတ်ပြတ်ပြောတာ ခေတ်စားနေသလားလို့ပါ)

အံ့ဖွယ်လူသားများ

လူအချင်းချင်း ဘာအံ့စရာရှိလဲဆိုတော့ သာမန်လူတွေလုပ်နိုင်ခဲတဲ့ အလုပ်တွေ လုပ်ကြလို့ဖြစ်သည်။

(မီးတွေ သံခဲတွေ စားပြခြင်းမျိုးမဟုတ်ပါ)ဒီလိုပါ ဒီခေတ်ကြီးက ပရဟိတ စိတ်ဓါတ်ခမ်းခြောက်လွယ်တဲ့ ကာလမဟုတ်လား ။ သနားလို့ အားလို့ ပေါလို့ ပိုလျှံလို့ ခဏဖြစ်ဖြစ်တော့ လှူလိုက် အပန်းမကြီးတာလေးများ လုပ်ပေးလိုက်တော့ လုပ်ကြပါသည်။ ဒါပေမယ့် ရေရှည်မှာ ကိုယ့်အလုပ်ပျက် အိပ်ချိန်ပျက်ခံပြီး လုပ်ပေးဖို့က တော်တော်တန်တန် ကုသိုလ်စိတ်ကြီးမားသူမို့သာ လုပ်နိုင်ကြတယ်ထင်ပါသည်။

ဟိုလူတွေ မသင်္ကာဖြစ်နေတဲ့ အော်ဇီကလူကြီး (အားလုံးသိတဲ့လူကြီးပေါ့ဗျာ) ဆိုရင် အလှူကိစ္စကို ဖုန်းဆက်လိုက် စာပို့လိုက်နဲ့ လုပ်ပေးပါတယ် လေပဲစိုက်ရတာကိုးလို့ မထင်ပါနှင့် ဖုန်းဆက်ရတဲ့ဒုက္ခကို အားလုံးသိကြမှာပါ။ ဘယ်သူက သူများအလှူကိစ္စအတွက် ညတိုင်းနီးပါး နိုင်ငံစုံဖုန်းလိုက်ဆက်ပေးနေမှာတုန်း။ သီးဆစ်စ်ကြီးကလည်း လုပ်ရသေး၏။ တညလုံးလုပ်ပြီး တနေ့လုံးအိပ်ပေါ့လို့ လွယ်လွယ်တွေးသော်ရ၏ သို့သော် သူက ဆရာတော်ကို မပျက်မကွက် အာရုဏ်ဆွမ်းထကပ်သေး၏။ သူချိတ်ဆက်ပေးလို့ ရွာ၁၁ရွာစာ ရေသန့်ကိစ္စအဆင်ပြေဖူး၏။ သံသယစိတ်တွေနဲ့ ရမ်းသမ်းမှန်းဆထအော်တတ်သူတွေကို မေးချင်လှ၏ ဒုက္ခသည်တွေအတွက် လှူဖို့မပြောနှင့် သူများတွေလှူတာအဆင်ပြေဖို့ ကြားထဲက ဖုန်းဘယ်ခါဆက်ပေးဖူးသလဲလို့။

မြန်မာလို ဘလော့ဂ်ရေးနေကြသူတွေလည်း တော်တော်များများက အလှူရှင်အကြီးစားတွေဖြစ်သည်။ ဘယ့်နှယ်ကြံကြံဖန်ဖန် သဋ္ဌေးတွေဆီက ၁၀၀ စ ၂၀၀ စထွက်လာဖို့ မနည်းအလှူခံနေရတာကို ဒီမြန်မာတွေက အလှူရှင်အကြီးစားတွေဟုတ်လား။ ကြားရတာပြုံးချင်စရာ သို့သော် သိတဲ့သူတွေသိပါလိမ့်မယ်။ မရှိတဲ့ကြားက လခရတာနဲ့ ၃၀၀ သို့ ၅၀၀ လောက်ကတော့ လှူကြသူတွေချည်းပင်။ မရွှေ --- (နံမည်ပြောရင် အဆူခံရမှာစိုးလို့) အိမ်သာအလုံးလိုက်လှူ၏ ။ အိမ်သာများကွာ ... လို့မတွေးပါနှုင့် ဆောက်ကြည့်ပါဦး ၃သိန်းကအနိမ့်ဆုံးကုန်သည်။

မြန်မာပြည်မှာ အလုပ်လုပ်နေရသူတွေကတော့ လုံးကနဲမလှူနိုင်ပါ သို့သော် တန်ဖိုးမဖြတ်နိုင်သည့် လုပ်အားလှူပါ၏။ ကိုဂျူလိုင်ကြီးရဲ့ လူတွေကို အားမနာတမ်း အပူကပ်ပြီး ရွာတွေသွားခိုင်းသည်။ NGO တွေမှာလုပ်တဲ့သူငယ်ချင်းတွေကို စနေတနင်္ဂနွေသွားခိုင်းသည်။ ဖျားသူတွေဖျားကုန်ကြ၏။ မုတ်သုန်တို့တွေ အပါတ်တိုင်းသွားနေသည်။ တခြားတခြား သူတွေ အများကြီး အပါတ်တိုင်း သွားသည်။ ကိုယ်မြန်မာပြည်မှာ ရှိနေမယ်ဆိုရင် အပါတ်တိုင်း သွားနိုင်ပါမလား။ ကျေးဇူးလည်းတင်စရာကောင်းသည်။ ၀မ်းမြောက်ဝမ်းသာ သာဓုလည်းခေါ်ပါသည်။

ဟန်နီ

PS// ကျမက ရွာသူကြီးကိုအမြင်ကပ်တာနဲ့ အိမ်သာမဆောက်မယ့် ဆယ်အိမ်ခေါင်းလို မကျင့်ကြံနိုင်သေးလို့ စကားတွေအများကြီး ပြောနေမိပါတယ်။ နားကြားပြင်းကပ်ရင်တော့ ၀ဲပစ်လိုက် ၀ဲပစ်လိုက် လို့သာ.....

ဝဲပစ်လိုက်

2008-06-18T20:09:00.001+08:00

ငယ်ငယ်တုန်းက ကျမကိုမွေးတော့ အမကကြည့်ကြည့်ပြီးတော့ လောပလိုက် လောပလိုက်လို့ အော်တယ်တဲ့။
သူက မြေးဦး သမီးဦးဆိုတော့ သူမကြိုက်တဲ့ပစ္စည်းတွေဆိုရင် ပစ်ထုတ်ခိုင်းတော့တာပဲ။ ကြီးလာတော့ အဲဒီအကျင့်ပျောက်သွားတယ် ဒါတောင် တခါတလေနောက်ပြီး ၀ဲပစ်လိုက်ဝဲပစ်လိုက်လို့ ထအော်တတ်သေးတာ။

ကျမကတော့ ရုပ်ဝတ္ထုပစ္စည်းတွေသာ ပစ်ရက်တာ။ စိတ်ကတော့ထားမရပေမယ့် မပစ်ရက်တဲ့အမှိုက်တွေနဲ့ အမြဲလေးလံနေတဲ့သူပါ။ (ဥပမာ တဖက်က၀ဲပစ်လိုက်ပေမယ့် ကိုယ့်ဖက်ကဆက်သိမ်းထားတဲ့ ခင်မင်မှု။) ငယ်ငယ်တုန်းက ပစ်ထုတ်လိုက်လို့ အပြောခံဖူးလို့လားမသိဘူး ကျမကိုယ်တိုင်ကတော့ သက်ရှိလူတယောက်ရဲ့ ခင်မင်မှုကို ဘယ်တုန်းကမှ မလွှင့်ပစ်ရက်ခဲ့။
ကိုယ့်ကြောင့် သူများလေးလံမယ်ဆိုရင်တော့...
...........................................
ဝဲပစ်လိုက်ပေါ့။

ဝဲပစ်လိုက်ကွာ

တားမနိုင်ဆီးမရပေမယ့်
အသုံးမှမကျတဲ့နောက်တော့
ငါ့ သံယောဇဉ် ချည်မျှင်ကြိုးတွေကိုလဲ
ဝဲပစ်လိုက် ၀ဲပစ်လိုက်

ဘာနဲ့တိုင်းတိုင်း ကိုက်မမှီပေမပြည့်မှတော့
ငါ့မာနအကျိုးအစတွေလဲ
ဝဲပစ်လိုက် ၀ဲပစ်လိုက်

လူကအူလို့ အတွေးကြောင်သလား
အတွေးတွေအူလို့ လူကြောင်သလား
ငါ့မှာ တွေ့တိုင်း အပြောအဆိုတွေမှားလို့ အငြိုးတော့မထားနဲ့ကွယ်
ဒီစကားကိုမုန်းတယ်ဆိုလဲ
ဝဲပစ်လိုက် ၀ဲပစ်လိုက်

ရာသီနဲ့မကိုက်တဲ့ ရှပ်အင်္ကျီ လို
ငါ့ကို ...
ချောင်ထိုးထားလို့မှ စိတ်တိုင်းမကျလဲ
ဝဲပစ်လိုက် ၀ဲပစ်လိုက်ကွယ်

ဒဏ်ရာသစ်ကို ချစ်တဲ့သူတွေ

2008-06-17T00:38:00.001+08:00

Lord of the Rings မကြိုက်တဲ့မိန်းမနဲ့ အချစ်ကားမကြိုက်တဲ့ယောက်ျား ကော်ဖီဆိုင်မှာ မျက်လုံးတွေတိုက်ပွဲဖြစ်ကြတာပါ။ ပြီးတော့ ဘယ်ကနေဘယ်လို ရောက်သွားတယ်မသိ အေး ငါက လူပြိန်းမပဲ အော မင်းက ယောက်ျားမာနကို စော်ကားတယ် ဘလာဘလာဘလာ ... ခိုးနားမထောင်ပါဘူး သူတို့ဘာသာ ဘေးခုံမှာလာထိုင်တာ။ ခြောက်ခွက်ဆိုတာ အဲတာတွေလည်း ပါပါတယ် ဇီးကွက်ရယ်။ သူငယ်ချင်းတွေနှိပ်စက်တာပါ။

ဖွဖို့မရည်ရွယ်ပါဘူး သယ်ရင်းရယ် ဒင်းက ဆီဗုံးမှာ လာလာအော်လို့ သူ့ဒဏ်ရာကိုလည်း ပြန်ဆွပေးလိုက်ဦးမယ်။ ဆန်းဒေးတိုင်း ဒဏ်ရာသစ်ရှာတဲ့သူတွေကို တရားကျလို့ တို့က ဒဏ်ရာဟောင်းနဲ့ပဲ နေတယ်ကွယ်။ ဟဲ ဟဲ

မာန

နှစ်ဘ၀ သေပေးရင်တောင်
မကြေသေးမယ့် အကြည့်နဲ့
ထိရှအောင် စီရင်သွားတယ်

ဒီလိုနဲ့ဝေးကြမှာလား

မေးရမှာဖြင့် ရင်နင့်ဖွယ်
သြော် အချစ်ရေးကဖြင့် မလွယ်။. . . . . ။

စာကြွင်း။ ။ ဖုန်းဆက်ပြီး ရစ်မယ်မကြံနဲ့ ဖုန်းပိတ်ပြီးအိပ်ပြီကွယ်။ သြော် အပူအပင်ကင်းတဲ့သူများ အိပ်လို့ပျော် စားလို့ဝင်။

ဘာမှ မပါတဲ့ စာ

2008-06-15T14:57:00.001+08:00

ဝက်သစ်ချပင်ကြီးကိုကွယ်ပြီး ငေး
မြေနီလမ်းနံဘေးမှာ ရပ်ပြီးငေး
ဒီလိုပါပဲ
ဝေး ဝေးသွားကြတာပေါ့ xxxxxxx

မနေ့က အမနဲ့အွန်လိုင်းမှာတွေ့တယ်။ အိမ်ကကြောင်မကြီး ကလေးမွေးပြီး ထွက်သွားတာပြန်မလာဘူးတဲ့။ ကြောင်ပေါက်လေးကို မောင်လေးက နံမည်ပေးထားသတဲ့။
Catherine တဲ့လေ...အင်း အဲဒီကောင်ကတော့ စံပဲ... အေး မပြောတော့ပါဘူး
ပြန်မလာတဲ့အကြောင်းတွေပြောရင်တော့ ကြေကွဲစရာတွေချည်းပေါ့ ဘယ်တတ်နိုင်မလဲ ဒီလိုပဲ ဝေး ဝေး သွားကြမှာပေါ့
ဘယ်တော့မှ မခေါ်တော့ဘူး တသက်လုံး ပြန်မလာဘူးဆိုတဲ့စကားတွေကို ဒီမှာ နှလုံးသားအစင်းလိုက်ခင်းပေးပြီး ခံစားနေရသရွေ့တော့ ဘာကိုမှ ထုသားပေသားမကျနိုင်ပါဘူး။

....................

ဘယ်နေရာကစပြီး မှားယွင်းသွားလဲမသိဘူး
ပစ်မထုတ်ရက်တဲ့ လွဲချော်မှုတွေနဲ့ ကာရံထားတယ်
မဆုံနိုင်ခြင်းတွေကို ဘယ်သူလွှင့်ချခဲ့သလဲ
ပြန်လည်ပြုပြင်နေသည်ဆိုပြီး အချောင်ခိုနေတဲ့ စိတ်ဓါတ်တွေနဲ့
ဒီမှာ ပေပွနေတာတွေကြည့်ရတာ ရင်နာတယ်

......................

တချို့လူတွေကတော်တယ်ဗျ။ လူတွေရဲ့စိတ်ကိုလွှမ်းမိုးနိုင်တယ်။ တမိနစ်လောက်တွေ့လိုက်တာနဲ့ တရာသီလုံးလေးလံသွားစေနိုင်တယ်။
စကားလုံးတွေက နာကျင်စေတယ်
စကားလုံးတွေက သေစေနိုင်တယ်
အဲဒီစကားလုံးတွေက ကယ်တင်နိုင်တယ်
Dont you think so???

xxxxxxxxx နေညိုသွားတိုင်း
ပြန်မမြင်နိုင်တဲ့ခြေရာတွေကို လိုက်ကောက်
လမ်းမလျှောက်ခဲ့မိရင် ငါ လမ်းပျောက်မှာမဟုတ်ဘူး
ဒီလိုနဲ့
နောင်တမရှိတဲ့ စူပါဟီးရိုးလည်း မဖြစ်လိုက်ရဘူးလေ။ ။

စာကတော့ပြီးပြီ ....
အရည်မရ အဖတ်မရပေမယ့် ဖတ်သွားလို့ကျေးဇူးတင်ပါတယ်

စိတ်စေရာ

2008-06-14T18:24:00.001+08:00

နီးကပ်လွန်းလို့မှုန်ဝါးသလား ဝေးကွာလွန်းလို့ ကမ္ဘာခြားသလား
နေပါဦး နေပါဦးကွယ်

မျက်လုံးမှိတ်လိုက်တာနဲ့
အင်ကြင်းတွေမွှေးလာတယ်

ကယောင်ကတမ်း လက်ကိုဆန့်လိုက်တော့ တိမ်ရယ်သံကြားတယ်

မနက်ဖြန်ဈေးနေ့ပဲ အိမ်ပြန်ရမယ်
အိမ်ပြန်ရမယ်