HOW DO I LIVE WITHOUT YOU???

Friday, November 30, 2007

တင်စားပြောတာပါဗျာ။ ဘယ်လိုနေရမလဲလို့ အမေးခံရတဲ့သူက ဖြေစရာမလိုပါဘူး။ သူ့ဘ၀ ကိုယ့်ဘ၀ မဟုတ်လား။ နေတတ်သလို နေရမှာပေါ့။ ရေးချင်လို့ရေးလိုက်တာပါ။ ကြိုဖြေရှင်းထားတယ်လို့တော့ မထင်ပါနဲ့ တစ်ချို့တွေက နောင်လာနောက်သားတွေကို ကိုယ့်သားနဲ့ တင်စားထားတာကို နင်ဘယ်တုန်းက သားရှိတာလဲလို့ မေးလားမေးရဲ့ ကောင်းလိုက်တဲ့ သူငယ်ချင်းတွေ။

HOW DO I LIVE WITHOUT YOU

ဖတ်ရှုခွင့်မရအောင် မျက်လွှာချထားတတ်သော သံသယမှာ

ငါ့ဝင်သက် ထွက်သက်အားလုံး မာန်လျှော့ဝပ်စင်း

အကြိမ်ကြိမ်ပြတ်တောက်ခဲ့ဖူးရက်နဲ့

ဒီလေတိုက်ရင် ဒီစွန်ကို လွှတ်မိပြန်တယ်

ဒီအရွယ်ရောက်မှ ဒီလောက်ဖြစ်နေရသလား

ခွင့်လွှတ်ပါ ဝေးဝေးတစ်ခါ မိုက်မဲတာ အကျင့်ပါနေလို့

နေမြင့်လေ အရူးရင့်လေနဲ့တူပါရဲ့

အရာအားလုံးကို ခြောက်သွေ့စေသော ဒီမြို့မှာ

မင်းမရှိမှတော့ ငါဘယ်လိုနေရမလဲ။

ချစ်ချင်လို့ ချစ်နေတာမဟုတ်ရပါဘူး အားနာတတ်တယ်၊ နားလည်တတ်တယ်

ကိုယ့်ကြောင့်ကျကွဲသွားမှာစိုးစိတ်နဲ့ ဖန်ခွက်တွေတောင် မ၀ယ်ခဲ့သူပါ

အလှကြည့်ခဲ့တဲ့ အိပ်မက်တွေကတော့ အစိတ်စိတ် အမွှာမွှာ

အရင်ကတော့ အိပ်မရလို့ မင်းအကြောင်းတွေးတယ်

ခုတော့ မင်းအကြောင်းတွေးလို့ အိပ်မရဘူး

ဥာဏ်မမှီလို့ မေးပါရစေ

မင်းမရှိမှတော့ ငါဘယ်လိုနေရမလဲ။

သဘောတူတူ မတူတူ စက္ကန့်တွေကတော့ ကုန်ဆုံးသွားမယ်

ဒီလိုပါပဲ အမြဲနောက်ကျတတ်ပေမဲ့ ဒီရာသီမှာ ဒီပန်းကတော့ပွင့်မယ်

ကြက်ခြေခတ်ထားသော မင်းတံခါးဝမှာ

တမင်သက်သက် ခြွေချခဲ့တဲ့ ငါ့သီချင်းလည်း လေစိမ်းမိနေရှာ

မင်းက ငါ့ဘ၀ရဲ့ တစ်ဝက်တိတိ

ဒါပေမယ့် မင်းမရှိရင် ငါ့ဘ၀မှာ ဘာမှ မကျန်ဘူး

ဘယ်မှာလဲ

မင်းဘယ်မှာလဲ

မင်းမရှိမှတော့ ငါဘယ်လိုနေရမလဲ။ ။

ငယ်ငယ်လေး။

No More Stories

Thursday, November 15, 2007

လမ်းပဲပျောက်ပျောက်၊ လမ်းပြကြယ်ပဲ ပျောက်ပျောက်ပေါ့

ဒီခရီးကတော့ သွားရမှာပါပဲ

သွားရင်၊လာရင်း ခဏခဏခလုတ်တိုက်မိမယ်

ရေအစုန်မှာ အသာမျှောခွင့်ကတော့ လွယ်လွယ်ရောက်မလာစေရဘူး

မင်းရောက်နေတာ အနောက်ဘက်ကမ်းပါး။

ညတိုင်းမှာ လမသာတာ ငါတို့ဆီမှာသာ ဖြစ်တာမဟုတ်ဘူး

ညတိုင်းလကြတ်တာတော့ ငါတို့ဘက်မှာသာ ရှိတယ်

အသက်ရှူခက်မယ် အမြင်မှုန်ဝါးမယ်

တိမ်တွေကြားမှာ ဘာမှ လိုက်မရှာနဲ့

မင်းရောက်နေတာ အနောက်ဘက်ကမ်းပါး။

ဘယ်ဗိုက်ဆာနေတဲ့ကလေးက စာသင်ချင်မလဲ

ဘယ်စာသင်တဲ့ဆရာကရော ဗိုက်ဆာချင်မလဲ

ပီတိဆိုတာကလည်း အသက်ငင်နေတာ တစ်ခေတ်မကတော့ဘူး

သနားတတ်ရင်ဖြင့် pizza တွေ beer တွေ စာလုံးမပေါင်းနဲ့

မင်းရောက်နေတာ အနောက်ဘက်ကမ်းပါး။

နာကျင်လို့လည်း ထ မအော်နဲ့ အားလုံးလူနာတွေချည်း

စိတ်နာနေတဲ့လူတွေက သာများသေးတယ်

ပိုင်ဆိုင်တာကို ငှားရမ်းထားတယ်လို့မှတ်

နောက်နေ့မရှိတော့ရင် ခံစားရသက်သာတာပေါ့

ကူးတို့ခဈေးကြီးတယ် အဆင်ပြေအောင်စိတ်လျှော့

မင်းရောက်နေတာ အနောက်ဘက်ကမ်းပါး။

မယုံချင်လည်း ပုံပြင်မဖြစ်ဘူး ချွေးစော်နံမယ်၊ ခြေညောင်းမယ်

ရောက်နိုးရောက်နိုးလျှောက်နေတာက ထွက်ပေါက်မရှိတဲ့ ၀င်္ကပါ

မလျှောက်ပြန်တော့လည်း အနောက်ကကောင်တွေက တွန်းလိုက်တိုက်လိုက်

တစ်ချို့လည်း ကမ်းမကူးတတ်လို့ မထူးဇတ်ခင်းနေတာမဟုတ်ဘူး

တကယ်မမြင်လို့ ကယ်တင်ရှင်စောင့်နေတာ မဟုတ်ဘူး

တစ်ခါတစ်ခါလည်း ရူးချင်ယောင်ဆောင်ရမယ်

မင်းရောက်နေတာ အနောက်ဘက်ကမ်းပါး။ ။

Dolly and Rosie

Monday, November 12, 2007

Dolly နဲ့ Rosie က မောင်နှမလည်းမဟုတ်ဘူး၊ ဇာတိလည်း မတူဘူး။ ဒါပေမယ့် အိမ်ကို တစ်နေ့တည်းရောက်လာကြတာ။ နှစ်ကောင်စလုံး cheese မကြိုက်လို့ အဖေက တောခွေးလို့ ပြောသေးတယ်။

Dolly က မျက်လုံးနဲ့ စကားပြောတတ်တယ်။ Rosie ကတော့ နဲနဲစိတ်ပုပ်တယ်။ Dolly ကို ချီထားရင်လည်း မကြိုက်ဘူး။ Dolly ရဲ့မုန့်ကိုလည်း လုစားတတ်တယ်။ Dolly ကတော့ သည်းခံရှာပါတယ်။ Rosie က မမကြီးရဲ့ခွေးဆိုတော့ ၀ါကြီးတာကိုး။ Dolly က သနားစရာလေး၊ အားငယ်နေတဲ့ မျက်လုံးတွေနဲ့ ။ Dolly က အမဲလိုက်ခွေးမျိုးလို့ပြောတာပဲ အဖေတောင်ပေါ်ရွာတစ်ရွာမှာ ကာကွယ်ဆေးတိုက်ပြီး ပြန်လာတော့ ပါလာတာ။ သူ့အမေက သေသွားပြီတဲ့။ Dolly ကိုကြည့်ရတာ လူတွေသူ့အကြောင်းပြောနေရင် သူသိတယ်။ Rosie ကတော့ အဖေ့လူနာတစ်ယောက်က ယူလာပေးတာ။

Dolly နဲနဲကြီးလာတော့ သူကလူနဲ့ပိုနီးစပ်လာတယ်။ ရှမ်းလိုရော၊ အင်္ဂလိပ်လိုပါ ပြောလို့ရတယ်။ မြန်မာလိုပြောရင်သိပ်မသိဘူး။ ရုပ်ဆိုးလေးလို့ ခေါ်ရင်တော့သိတယ်၊ ထမင်းမစားတော့ဘူး။ ပန်းအိုးထိုးရင် သေချာငြိမ်ပြီး လာကြည့်နေတတ်တယ်။ မြေကြီးတွေလျှောက်ယက်တတ်လွန်းလို့ အပင်စိုက်ရင် ခေါ်ပြီးကြည့်ခိုင်းရတယ်။ Dolly, this is my plant လို့ပြောထားရင် အဲဒီအပင်ကို မယက်ဘူး။ ပြောရင်တော့ ယုံမှာမဟုတ်ဘူး၊ Dolly ကစကားပြောလို့ကောင်းတယ်။ သူ့မျက်လုံးကိုကြည့်လိုက်ရင် သူနားလည်သလား၊ မလည်ဘူးလားဆိုတာ သေချာသိနိုင်တယ်။

မိုးရာသီဆိုရင် Dolly ကိုခေါ်ပြီး မှိုရှာထွက်လို့ ရတယ်။ မှိုရှာတွေ့ရင် Dolly က အသံတစ်မျိုးနဲ့ အော်တယ်၊ မြွေတွေ့ရင်တော့ စူးစူးဝါးဝါးဟောင်တတ်တယ်။ တစ်ခါတစ်လေ အိမ်မှာဧည့်သည်တွေ သိပ်များနေရင် Dolly ကိုခေါ်ပြီး ရင်ခွဲရုံမှာ စာသွားဖတ်တယ်။ ရင်ခွဲရုံ နားမှာ မန်ကျည်းပင်ကြီး ၅ပင်ရှိတယ်။ စော်ဘွားခေတ်တုန်းက အဲဒီအပင်တွေမှာ ဆင်တွေကိုချည်ထားတယ်တဲ့။ မန်ကျည်းတစ်ပင်ပေါ်တက်ပြီး စိတ်ချလက်ချစာဖတ်လို့ရတယ်။ Dolly ကအောက်မှာစောင့်နေတယ်လေ… သူအသံပြုရင် အိမ်ပြန်သင့်ပြီပဲ သေချာတယ်နောက်၅မိနစ်ဆို လုံးဝမှောင်ပြီ။ ရှမ်းပြည်မှာက နေ၀င်တာမြန်တယ်လေ။

မနက် ၂နာရီ၊ ၃နာရီအထိ Dolly နဲ့ Rosie အိမ်ကို ပါတ်ပြီးလျှောက်နေတဲ့ ခြေသံကို ကြားရတယ်။ အမေက ဆွမ်းချက်ဖို့ ၄နာရီထတယ်။ ၄နာရီထိုးခါနီးရင် အမေ့အိပ်ခန်းခေါင်းရင်းက မှန်ပြူတင်းကို လာလာခေါက်တယ်။ နှိုးပြီလို့ ပြန်မအော်မချင်းခေါက်တယ်။ Dolly ကလေးတွေကို သွားနှိုးဆိုရင် အိပ်ခန်းပြူတင်းပေါက်တွေကို လိုက်ခေါက်တော့တာပဲ။ သူတို့နှစ်ကောင်လုံးကို အမေက အိမ်ပေါ်ခေါ်မတက်ရဘူးလို့ ပြောထားတယ်။ သူတို့ အိပ်တဲ့ ခွေးအိမ်နားတစ်ချိန်လုံး မသွားဖို့လည်း ပြောတယ်။ တစ်ရက် အိပ်ရာကနိုးလို့ မျက်လုံးဖွင့်ကြည့်လိုက်တာနဲ့ Dolly ကို ကုတင်ဘေးမှာထိုင်ကြည့်နေတာတွေ့တော့ ၀မ်းသာလိုက်တာ။ အမေဈေးသွားနေတဲ့ အချိန်ပေါ့။ မနက်စာစားပြီးတဲ့အထိ Dolly ကိုခေါ်ထားလိုက်တယ်။ အမေပြန်လာတော့ ခွေးတွေမှာ ကပ်ပါနေနိုင်တဲ့ရောဂါတွေ ဘယ်လိုကူးစက်တတ်တာတွေပြောပါရော။ နောက်တစ်ခါ Dolly ကိုအိမ်ပေါ်မခေါ်နဲ့တဲ့။ အမေဘယ်လိုသိပါလိမ့်လို့ ခုထိစဉ်းစားလို့မရဘူး။

နှစ်ကောင်စလုံး အပြင်မသွားဘူး။ Rosie က ပိုဆိုးသေးတယ်။ ခြံပြင်တောင်မထွက်ဘူး။ ခေါ်လို့လည်းမရဘူး။ Dolly က ခေါ်ရင်တော့လိုက်တယ်။ ပြန်တော့ဆိုရင် လှည့်ပြန်တယ်။

ကျောင်းသွားတက်တော့ Dolly တို့ကိုထားခဲ့ရတယ်။ တစ်ရက် Dolly ကိုအိပ်မက်မက်တယ်။ Dolly က ဆေးရုံဝင်းအပြင်ကိုထွက်ပြီး တစ်လှမ်းချင်းလျှောက်သွားတယ်။ နောက်ကနေ ပြေးလိုက်ပြီးခေါ်လည်း လှည့်မကြည့်ဘူး။ လမ်းဆုံးတော့ လယ်ကွင်းတွေကို ဖြတ်ပြီးဆက်သွားတယ်။ လယ်ကွင်းတွေအဆုံးမှာ တောအုပ်လေးရှိတယ်။ တောစပ်ကိုရောက်တော့ Dolly က တစ်ချက်လှည့်ကြည့်တယ်။ အဲဒီအကြည့်ကို အခုထိမှတ်မိနေသေးတယ်။ ပြီးတော့ တောထဲဝင်ပြီး ပျောက်သွားရော။ Dolly နံမယ်ကို အော်ပြီးခေါ်လိုက်တာ အပြင်မှာပါ အသံထွက်သွားတယ်။ အိပ်မက်မှန်းသိပေမယ့် ငိုလိုက်ရတာ။ တစ်ကယ်လည်း အဲဒီနေ့က Dolly ပျောက်သွားတယ်တဲ့။ အိမ်သားတွေမပါပဲ အပြင်မသွားတဲ့ Dolly ပျောက်သွားတာ သိပ်အံ့သြစရာကောင်းတယ်။ သူမပျော်တော့လို့ ထွက်သွားတာများလား။ ပြန်တွေးတိုင်း Dolly အပေါ်တာဝန်မကျေဘူးလို့ ခံစားနေရတယ်။

Rosie ကတော့ နှစ်တော်တော်ကြာ ပျင်းစရာကောင်းတဲ့ အိမ်မှာ တာဝန်ကျေကျေ နေသွားရှာတယ်။ ရေစက်ပါတယ်ဆိုတာများ ကြောက်စရာကောင်းလိုက်တာ။ Rosie ကို တသက်လုံး ကိုယ်က ကြည့်မရခဲ့ပဲ သူသေခါနီး ပြုစုပေးရတဲ့သူက ကိုယ်ဖြစ်နေတယ်။ သေခါနီးသူခံစားနေရတာကို ကြည့်ပြီး စိတ်ထဲမှာ မချိလိုက်တာ။ အဖေကလည်း အဝေးရောက်နေ၊ ခွေးကုဆရာဝန်ကလည်း စိတ်လျှော့လိုက်တော့လို့ နေ့တိုင်းပြော၊ ကိုယ့်အမျိုးအရင်းတစ်ယောက် သေခါနီးနေသလိုပါပဲ။

အစ်မကလည်း Rosie သေပြီလို့ အကြောင်းကြားပေးတော့ ငိုလိုက်တာများ။ သြော်…သံယောဇဉ်၊ သံယောဇဉ် ကြောက်စရာကောင်းတဲ့ အပူမီး။ အဲဒီကတည်းက ခွေးမမွေးတော့တာပဲ။ အခုသတိထားမိလို့ ကြည့်လိုက်တော့ ရင်ထဲမှာ အဲဒါတွေထက် ပိုပြင်းထန်တဲ့ မီးတစ်မီးလောင်နေလိုက်တာ အသည်းတောင်ကျွမ်းနေပါပေါ့။ ။

The Negotiation Handbook III

Saturday, November 10, 2007

Don’t Get Caught Up in “Shape of the Table” Issues:

ဗီယက်နမ် စစ်ပွဲကို အဆုံးသတ်ဖို့ ခေါ်ယူတဲ့ Paris Peace Talks ကို သိကြမှာပါ။ လပေါင်းများစွာ ပါတီတွေဟာ ဆွေးနွေးပွဲရဲ့ နိုင်ငံရေးအခင်းအကျင်းကို ငြင်းခုန်ခဲ့ကြတယ်။ ဒီလို ပါတီတွေက အဓိကမကျတဲ့အကြောင်းအရာတွေ၊ အစ ကနဦးအခြေအနေတွေ နဲ့ ပါဝင်သင့်တဲ့ ပါတ်ဝန်းကျင် (သို့) နိုင်ငံရေးအခင်းအကျင်းတွေကို ငြင်းခုန်နေတာဟာ shape of the table ကို ငြင်းခုန်နေတာပါ။

ပါတီဝင်တွေဟာ မပြီးနိုင်တဲ့ ကြိုတင်သတ်မှတ်ချက်တွေကို ဆွေးနွေးပွဲမစ နိုင်လောက်အောင် ငြင်းခုန်ကြတယ်။ (Mr. Cleary ကတော့ အဲဒါမျိုးတွေက love tests တွေလို့ ဆိုပါတယ်) A ပါတီက Cleveland မှာသာတွေ့နိုင်မယ်။ B ပါတီကတော့ Chicago မှာပဲတွေ့မယ်။ Cleveland မှာတော့ လုံးဝမတွေ့နိုင်ဘူး အဲ St.Louis မှာတော့တွေ့နိုင်မယ်။ A ပါတီက B ပါတီဝင်တွေ ဦးထုတ်အညိုဆောင်းတဲ့ လူကြီးကို မခေါ်လာမှ လဦးပိုင်းမှာ တွေ့နိုင်မယ်။ B ပါတီကတော့ လနှောင်းပိုင်းမှတွေ့နိုင်မယ် တောင်းဆိုချက်တွေကို A ပါတီက အရင်စ ပြော ရမယ်။ A ပါတီကလည်း ဟာ ဒါတော့ ဘယ်ရမလဲ B ပါတီက စ ပြော ရမယ်။ စသဖြင့်…

ညှိနှိုင်းဆွေးနွေးပွဲတွေဟာ အဲဒီ နဂိုသတ်မှတ်ချက်တွေမပါပဲနဲ့ကို ရှုပ်ထွေးခက်ခဲနေပါပြီ။ ဒါကြောင့် ဒီဆွေးနွေးပွဲကို မဖြစ်စေချင်(သို့) မနှောင့်နှေးစေချင်ရင် ဘာကြိုတင်သတ်မှတ်ချက်မှ မလုပ်သင့်ပါဘူး။ အမှန်တကယ် တွေ့ဆုံဆွေးနွေးလိုစိတ် ရှိတယ်ဆိုတာကို ပြသတဲ့အနေနဲ့ အကြိုသတ်မှတ်ချက်တွေနဲ့ တွယ်ငြိမနေသင့်ပါဘူး။

တစ်ကယ်လို့ တစ်ဘက်ပါတီက သင့်ပါတီကို အဲဒီ ကြိုတင်သတ်မှတ်ချက်တွေ လုပ်လာပြီဆိုပါတော့ သင်ဘာလုပ်မလဲ။ negotiator တစ်ယောက်အနေနဲ့ ပြောနိုင်တာကတော့ ရှင်းရှင်းလေးပါ။ လိုက်လျောလိုက်ပါ။ ပျော့ညံ့တဲ့ပုံစံများ ပေါက်သွားမလားတွေးမနေနဲ့။ ကိုယ်ဘာတောင်းဆိုမယ် ဘာတွေကပိုအရေးကြီးတယ်ဆိုတဲ့ ရှင်းလင်းတဲ့စိတ်ကူးရှိထားပြီးရင် ကျန်တာတွေ ဘာမှ အရေးမပါပါဘူး။

If...

Friday, November 9, 2007

uHw&m;BudK;wef;xufu ESKwfqufuAsm

uHaumif;vdkYrsm;

cg;oD;at;puf igYajrxufrSm

aerom? omcJYaomf

&Gufykef;ESKwfqdwf? igYvGrf;&dyftm;

oem;ojzifY eifacGsvGifYyg/

uHqdk;vdkYrsm;

tcsdK;auGYrsm; avmuBum;rSm

rarUom? arYygvSsifvnf;

ESKwfqufwpfcGifY eifxm;&pfyg/

uHBur®ma&; cGifYomay;vdkY

wdkYESpfOD;rSm rawGYom awGYygvSsifvnf;

tjyHK;wpfp vTwfcs&HkrSs

wpfb0pm ig0rf;omvdrfY/

uHqdk;vdkYom ra&&m

urÇmtqHk; ukefysufokOf;ap

rdk;rjydK jydKcJYavvnf;

oufqHk;wdkifrSs cspfcJY&aBumif;

xyfavmif;cGef;acGs eifodap/ /

i,fi,fav;/

င်္FRIENDS ARE NEEDED

Monday, November 5, 2007

စာရေးတဲ့ သူငယ်ချင်းတွေများလာတော့ ၀မ်းသာတယ်။ ဒါပေမယ့် သိတယ်မလား honey လေ သူများကို နည်းနည်းတော့ ကသိကအောက်ဖြစ်အောင် လုပ်လိုက်ရမှ။ ဒီတော့ ဟာသ နည်းနည်းပြောချင်တယ်။ ဖတ်ပြီး ကိုယ့်ကို စိတ်မဆိုးအောင် သူများရေးထားတဲ့ ဟာသတွေပဲ တင်ပေးလိုက်မယ်။ သမီးပြောတာဟုတ်ပူး ပေါ့ … ငှဲငှဲငှဲ မလွယ်လား (အမှန်တော့ သူတို့များများရေးလေ ၀မ်းသာလေပါ `ဘလော့ဂ်ဖော်´ ရတာပေါ့)

…………………………………………………………………………………………………

ဂျာမန်စာရေးဆရာကြီး Thomas Mann ကို စာရေးဆရာပေါက်စလေးက သူရေးထားတဲ့ စာမူတွေ အများကြီးယူလာပေးပြီး ထင်မြင်ချက်တောင်းတယ်တဲ့။ ဆရာကြီးကပြောတယ်-

`စာအများကြီးဖတ်ဖို့လိုတယ်´ တဲ့

ဘာလို့လဲလို့မေးတော့ ဆရာကြီးက-

`မောင်ရင် စာများများဖတ်လေ၊ စာရေးဖို့အချိန်နည်းလေလေပေါ့´တဲ့။ တော်တော်စာရေးကောင်းပုံရတယ်။ Thomas Mann ပြောသွားတာနော်။

…………………………………………………………………………………………………

English stories တွေကို စဖတ်ဖြစ်အောင် ဆွဲဆောင်ခဲ့တဲ့ သူတွေထဲမှာ Hemmingway လည်းပါတယ်။ အကြိုက်ဆုံးစာရေးဆရာစာရင်းမှာ ထိပ်ကပါတာပေါ့။ သူနဲ့ ပါတ်သက်တဲ့ ကြားဖူးနားဝတွေထဲမှာ သိပ်သဘောကျမိတာလေးရှိတယ်။

Hemmingway ဆီကို စာတစောင်ရောက်လာတယ်။ `ခင်ဗျားက စာတလုံးကို တဒေါ်လာနှုန်းရနေတယ်ဆိုပါလား။ အခု ကျွန်တော် ၁ ဒေါ်လာထည့်ပေးလိုက်တယ်။ ခင်ဗျားရဲ့ စာတလုံးလောက် နမူနာပေးစမ်းပါ´ တဲ့။

ဒီတော့ Hemmingway က စာပြန်လိုက်တယ်။

‘Thanks’ တဲ့။

ဒီလို ဈေးကြီးကြီးရအောင် ရေးကြစမ်းပါ။ :P

…………………………………………………………………………………………………

Honey ဆိုတဲ့ ကောင်မလေးတယောက် ဆယ်တန်းဖြေအပြီး သင်တန်း၁ခုမှာ ဆရာပြောတာနားမထောင်ပဲ ကဗျာခိုးရေးနေတုန်း ဆရာက စာအုပ်ကိုဆွဲယူသွားတယ်။

“Oh, you are writing a poem!”

“Yes, Sir, how do you think of my poem?”

“Well, it reminds me of my daughter.”

“But, Sir, your daughter has never been a poet.”

“That’s why I told you.”

ဒီလောက်ဆို အဲဒီကဗျာ ဘယ်လောက်ကောင်းလဲ သိကြပြီပေါ့။ တကယ်လည်း အဲဒီကောင်မလေးက ကဗျာဆရာဖြစ်မလာဘူး။ :) …………………………………………………………………………………………………

အသိ ၁ယောက်က သူရေးထားတဲ့ စာအုပ်ကို ဝေဖန်ပေးဖို့ Mark Twain ကိုပြောတာကို Mark Twain က မလုပ်ပေးနိုင်ဘူးလို့တွက်ကပ်နေတော့ မိတ်ဆွေကလည်း အံ့အားသင့်ပြီး-

`ခင်ဗျားနဲ့ ကျွန်တော်ဟာ သိပ်ရင်းနှီးတဲ့ သူတွေပါဗျာ´ လို့ပြောသတဲ့။

Mark Twain က

`အဲဒါကြောင့် အခင်မင်မပျက်ချင်တာပေါ့´ လို့ ပြောသတဲ့။ Mark Twain ပြောတာပါ။

…………………………………………………………………………………………………

ဒီလောက်ဆိုတော်လောက်ပြီ။ သူငယ်ချင်းဆိုတာ လိုအပ်ပါတယ်

အရူးချီးပန်းစကားတွေ မနားတမ်းပြောဖို့၊ အနာဂါတ်အရေး ရုပ်တည်ကြီးနဲ့ ဆွေးနွေးဖို့၊

စကားစမြည်ပြောဖို့၊ စိတ်ဆိုးအောင်လုပ်ဖို့ ဒီတော့… ဘလော့ဂ်ဖော်ဆိုတာလည်း လိုအပ်ပါတယ်နော။

TRAIN (II)

ရထား 2 (သို့) ချစ်သူငယ်ချင်းသို့ ဆင်ခြေဆင်လက်

မလွမ်းဖို့ပြောတဲ့ သူငယ်ချင်းရေ

လွမ်းတယ်ဆိုတာမျိုးက ရထားတစ်စင်းလိုပ

ကိုယ်ရပ်ချင်တဲ့နေရာမှာ ရပ်လို့မှ မရပဲကို။

လွမ်းတယ်ဆိုတာ အကျဉ်းကျတာမဟုတ်ဘူး

ဘာလို့လွတ်မြောက်စေချင်တာလဲ

လွမ်းတယ်ဆိုတာ ကိုယ်ပိုင်ပြတိုက်ထဲမှာ ခံစားနေထိုင်တာ။

လွမ်းတယ်ဆိုတာ သိမ်ငယ်စရာမဟုတ်ဘူး

ဘာလို့ ဒေါသထွက်နေတာလဲ

လွမ်းတယ်ဆိုတာ ကိုယ်ပိုင်အခွင့်ရေးကို အသုံးပြုတာ။

အလွမ်းဆိုတာ ၀မ်းနည်းတာမဟုတ်ဘူး

ဘာလို့ ကြိုးစားမေ့ဖျောက်ရမှာလဲ

အလွမ်းဆိုတာ မှတ်ဥာဏ်ရဲ့ ပဲ့တင်သံပါ။

အလွမ်းဆိုတာ မြေပေါက်မြက်ရိုင်းမဟုတ်ဘူး

ဘာလို့ အမှိုက်လို ရှင်းပစ်ရမလဲ

အလွမ်းဆိုတာ ဦးနှောက်မှာ အမြစ်တွယ်၊ ရင်ခွင်မှာပွင့်တဲ့ပန်း။

မလွမ်းဖို့ပြောတဲ့သူငယ်ချင်းရေ…

ရထားလို လွမ်းတဲ့ငါက

ဘယ်ဘူတာမှာမှ မရပ်ဘူးနော့။ ။

ဒီလောက်ဆင်ခြေပေးနေတာတောင် အတွန့်တက်လိုက်သေးတယ်။ ရထားဆိုတာ တစ်နေ့တော့ လမ်းဆုံးမှာပါတဲ့။ အေး…လမ်းမဆုံးခင်တော့ သွားလိုက်ဦးမယ် သူငယ်ချင်းရေ။ မင်းစေတနာကိုတော့ ကျေးဇူးတင်တယ်။ ဒါပေမယ့် ငါလွမ်းတာက ၀န်ထုပ်ဝန်ပိုးမဖြစ်ပါဘူးကွာ။ စိတ်မပူပါနဲ့။ လမ်းမြန်မြန်ဆုံးအောင်ဆိုပြီး တွန်းပို့ခြင်း၊ ဘူတာများနှင့် မိတ်ဆက်ပေးခြင်း အဲ ပြီးတော့ အရေးပေါ်ဥသြဆွဲခြင်းများ မလုပ်ပါနဲ့ ချစ်သူငယ်ချင်းရေ… ဒီရထားက စိတ်ရှုပ်ရင် ပိုလွမ်းတတ်လို့ပါ။ ။

၉နှစ်ပြည့် ရေစီးကြောင်း

ဒီမြေပုံမှာ အိမ်ကိုရှာကြည့်တော့

မိုင်ရာချီဝေးကွာနေတဲ့ အစက်ကလေး ၅ စက်တွေ့တယ်

မကြာခင်ပဲ မိုင်ထောင်ချီဝေးကြဦးမယ်

ရေစီးကြောင်းတစ်ခုလို ငါထွက်ခွာသွားတော့

တံတားတစ်စင်းလို ငေးရင်းကျန်ခဲ့တဲ့ အမေ

မောင်နှမတွေကို လှမ်းခေါ်ကြည့်ပြန်တော့

မထူးအားလေသလား၊ မကြားလေသလား

ရေစီးကလည်း သန်လွန်းတာကိုး

ကမ်းမမြင် လမ်းမမြင်တာများ

နှစ်ဆယ့်ငါးနှစ်ပြည့်တာတောင် ငါ ဘယ်သောင်ကမ်းမှ မဆိုက်သေးဘူး။

ဘယ်သူ့ကိုမှ အပြစ်မတင်ဘူး

ကျန်တဲ့ ဘ၀တစ်လျှောက်လုံး တွေးရင်းပြုံးနိုင်ဖို့

သိပ်ကိုကောင်းတဲ့ ငယ်ဘ၀ ၁၆ နှစ်ရခဲ့တယ်။

နောင်တနဲ့ ခရီးမသွားဘူး

မနက်ဖြန်ကို အားလုံးသေတော့မဲ့အတိုင်း ချစ်ကြမယ်။

တစ်ယောက်ကိုတစ်ယောက် ပိုချစ်ဖို့

ဝေးဝေးနေသင့်ရင်နေကြမယ်လေ။

ပြီးတော့

အေးသည်ဖြစ်စေ၊ နွေးသည်ဖြစ်စေ

သင့်သင့်မြတ်မြတ် စီးဆင်းကြရင် မကောင်းဘူးလား ကိုယ့်လူ။ ။

Something About Ulmuka

ကျောင်းကထိန် ရေးဖို့ သူထက်ဂ် တာလည်းပြောရဦးမယ်။ ဇီးသန့်ကြီးက စာတော်တော် ကြီးကို တော်တာ။ ဒီတော့ ဘယ်တော့မှ selection မပြုတ်ဘူး။ ကိုယ်ကတော့ ပွတ်ကာသီကာနဲ့ selection ၀င်ဝင်နေတယ်ဆိုတာထက် နောက်ကချိတ်ပါနေတယ်လို့ ပြောရမလားပဲ။ ဆိုလိုတာကတော့ သူ့လို ဆရာကြီးမဟုတ်သော်လည်း သူနဲ့တစ်ခန်းထဲတက်လာပြီး သူ့ကျောင်းကထိန်နဲ့ ကိုယ့်ကျောင်းကထိန်က တူတူပဲဟာကို သူက အားရပါးရရေးပြီး အိုင့်ကို ထက်ဂ် သဗျ။ ကျောင်းကထိန်တော့ မရေးတော့ဘူး။ သူ့အကြောင်းပဲ ရေးပေးမယ်။ အမယ် ဇီးသန့်ကြီးရဲ့ ဘိုင်အော်ဂရဖီကို ရကွက်စ်ထားတဲ့သူ တော်တော်များသဗျ။ အသိုးကြီး ဇာတာတက်နေပုံများ။

မလန့်ပါနဲ့ ဇီးဇီးရယ်။ အိုင်က အကောင်းလေးတွေပဲ (သိပ်မရှိတဲ့ကြားက) ရှာဖွေရေးပေးမှာပါ ငှဲငှဲငှဲ

Something about Ulmuka

အိုင်က သူ့ရဲ့ ခေါ်လဖီခေးရှန်းတွေကို ဦးစားပေးရေးချင်သော်လည်း မဒီအချို့မှာ အလုပ်ရှာဖွေရေးအေဂျင်စီမှ မဟုတ်သည်ကတကြောင်း၊ မီးတို့တိချင်တာ အဲဟာဟုတ်ဝူးဟု ချိုသည် အဲလေ ဆိုသည်ကတကြောင်းကြောင့် သူတို့တိချင် အဲ သိချင်တဲ့ဟာတွေကို (ဖုံးတန်ဖုံး ဖိတန်ဖိကာ) အချွန်နဲ့မ အဲ မဟုတ်ပါဘူး စေတနာဗလပွနဲ့ ပြောပြလိုက်ရပါသည်။

ဇီးကွက်ဆိုမှတော့ ယူတို့ထင်တဲ့အတိုင်းပါလဲ မျက်မှန်နဲ့ပေါ့။ ဟိုး ဟိုး အထင်မစမောလ်ပါနဲ့ကွယ်။ သူနောက်ဆုံးလုပ်ထားတဲ့မျက်မှန်က အူဝဲကြော်ငြာတဲ့ အမယ်ရကန် ဗစ်ရှင်းကပါ။ (အယ်ဒီတာမှတ်ချက်။ ။သူမတပ်ခင်အထိတော့ မျက်မှန်က တော်တော်လှပါတယ်။) ရုပ်ရည်ကတော့ ကျောင်းတုန်းက စာဂျပိုးရုပ်ခပ်ကုပ်ကုပ် ဖြစ်သော်လည်း (၇နှနစ်ကြာသော်) ယခုမကုပ်တော့ပါ။ အဲ နေတိုးနဲ့ အမျိုးဆို ယူတို့ ယုံလောက်တယ် (မတွေ့ခင်အထိ)။ တောင်ကြီးမှာက လူတိုင်းခပ်ချောချောကြီးဖြစ်လေရာ ဒေါင်းတို့အလယ်က ဇီးကွက်ကလေးကဲ့သို့ ပေကလပ်ပေကလပ် ဖြစ်နေရှာသော်လည်း ယခု ဟိုက်ဘရစ်ဒ်စပ်မျိုးများအလယ်မှာ ရေပန်းစားလျှက်ရှိကြောင်း သတင်းရရှိသည်ပေါ့။

သူ့ရဲ့ ၁၅၀၀ အရေးမေးကြသူများအား တစ်ကောင်ထဲ သို့သော် ဇီးသေ့ အဲအဲ ဇီးကွက်ဖြစ်ကြောင်း ဖြေကြားလိုက်ပါသည်။ သူက French fries ကြိုက်သော်လည်း Made in France ဆိုရင်တော့ နိုးဟုဖြေပါသည်။ အဲဒါ တစ်ကောင်ထဲဖြစ်တာနဲ့ ဘာဆိုင်လဲဆိုတာကိုတော့ သူ့ကိုသာမေးကြည့်ကြပါ။ သင်သည် ငှက်မျိုးနွယ်နှင့် နီးစပ်ပါက ပိုအခွင့်အရေးရှိနိုင်ပါသည်။ (ငှက်မဟုတ်သေးသော်လည်း ဖြစ်လာနိုင်သော ငှက်အလောင်းအလျာများလည်း အကြုံးဝင်ပါသည် ဥပမာ ဗျိုင်းဥ၊စာဥ ပြီးတော့ အဟမ်း) သို့သော် ဒီသတင်းထွက်လာကတည်းက ငှက်အမည်လျှောက်ထားသူများ တန်းစီသွားလေရာ စိတ်ပါမည်ဆိုပါက ငှက်ကုလားအုတ် နှင့် ငှက်ကြီးဒုံးစပ်ဟူသော ရင်ခုန်ဖွယ်ရာအမည်များ အဗေးလ်လဘဲလ်ဖြစ်သေးကြောင်း သတင်းကောင်းပါးအပ်ပါသည်။

ဇီးကွက်ကြီး အားငယ်ရသောကိစ ၁ ရပ်ရှိပါသည်။ ကဗျာမရေးတတ်ခြင်း။ သူကတော့ သူ့မှာ အီစီကလီမရှိသောကြောင့်ဟုဆိုသည်။ အိုင်ကတော့ လုံးဝလက်မခံပါ။ လက်ခံလိုက်ပါက အိုင့်မှာ အီစီကလီတွေရှိကြောင်း ၀န်ခံရာရောက်ပါလိမ့်မည်။ လုံးဝမဟုတ်ပါ… ကဗျာရေးတဲ့သူတွေ chaos အပါအ၀င် အိုင့်ကိုထောက်ခံကြပါ (ဟုတ်တာ အဟုတ်တာ အပထား ဘတူတိတာကြလို့) သုတေသနပြုချက်များအရ သင်္ချာဥာဏ်ကောင်းသူများ ကဗျာရေးတာအားနည်းတတ်ပါသည်တဲ့။ ဟုတ်လိုက်လေ… ဇီးကွက်ကြီးက ဟိုက်စကူးလ်တုန်းက သင်္ချာအင်မတန်တော်ပါသဗျာ။ (အင်း ခုမှပဲ စိတ်အေးရတော့တယ်။ ငါ့ဘက်မလှည့်လာနိုင်တော့ဘူး ငှဲငှဲ )

သူ့စတိုင်လ်ကိုမေးရင်တော့ မဖြေတတ်ပါ။ ကျောင်းတုန်းကတော့ အဖြူအစိမ်းနဲ့ပဲဟု ပြောပြရာ ကောင်မလေးအချို့က စိတ်ဆိုးပါသည်။ (ဟုတ်တာပဲဟာကို) ဒါကတော့ အမ ပြောမှလား အဖြူအစိမ်းမ၀တ်တဲ့ အချိန်ကိုမေးတာတဲ့။ မတွေးကောင်းတာတွေကွယ်။

သူဂစ်တာတီးတတ်လားဟင် ဆိုတဲ့မေးခွန်းနှင့် စပ်လျဉ်းဂ်ျ ဒေါ်အေးချစ်ကျောင်းမှာတော့ မှတ်မှတ်ရရသူတီးတာ မတွေ့ဖူးပါ။ တီးရင်လည်းတီးမှာပေါ့လေ သူဆေးကျောင်းရောက်တော့ ဂစ်တာတီးပုံရပါသည်။ (ဒါကလည်း သူငှက်မျိုးနွယ် မဒီကလေး၁ဦးနှင့် ဂျီတော့ခ်ရာမှ စီရှပ်ပ်တွေဘာတွေပြောတယ်ဟု သတင်းရထားရွေ့ ပြောနိုင်ခြင်းသာ ငါ့ကိုခွေးလွှတ်ပါ ဇီးဇီးရယ် သူတို့ကမေးလို့ပါ) ဘယ်အတိုင်းအတာထိ တီးတတ်သလဲတော့ အာမ မခံပါ။ သူ့ရဲ့ညီကတော့ ကွန်ပျူတာကျောင်းမှာ ဂစ်တာတီးလည်းတော်၊ သီချင်းဆိုလည်းကောင်း၊ စတိုင်လ်ကလည်းမိုက်ပါသဗျို့။ ဟုတ်တယ်နော် chaos ။ အဲဒါတောင် သမီးတို့ကတော့ ဇီးမှဇီးပဲဆိုရင်တော့ ဆက်ပြောပြဦးမယ်။

ဇီးကွက်ကြီးက အလွန်စေတနာကောင်းပါသည်။ ရန်ကုန်ရောက်ရင် ဟာ ဒီလိုမှန်းသိရင် ငါယူလာပေးတာပေါ့ ဟု ခဏခဏပြောတတ်ပါသည်။ (ဘာလဲလို့ မမေးနဲ့ကွယ်။ စားစရာတစ်မျိုးပေါ့) ဒီလ ထဲမှာ ရန်ကုန်လာပါဦးမည်။ ဒီတခေါက်လည်း ဒီလိုမှန်းမသိဖို့ပဲများပါသည်။ ဒီလိုမှန်းသိရင် သူယူလာဖြစ်မှာ။ အဲလို စေတနာကောင်းတာ။ နောက်တာပါ သူက အိုင်တို့ကို ဒီလိုမှန်းမသိသော်လည်း ငှက်မဒန်းလေးတွေကိုတော့ ဒီလိုမှန်းသိပါတယ်တဲ့။ ulmuka@gmail.com ကို ဆက်သွယ်ပြီး ဒီလိုမှန်းသိမသိ လှမ်းတော့ခ်ပြီး စကားကြုံလို့နောက်သလိုလိုနှင့် ကော်ဖီသောက်ရန် ချိန်းဆိုနိုင်ပါသည်။

အတည်ပြောစရာရှိပါသည်။ အိုင့်သူငယ်ချင်းမို့ အိုင့်လို ဘူးယိုမထင်ပါနှင့်။ ဇီးကွက်ကား discovery channel မှ လာသော ဇီးကွက်မဟုတ်ချေ။ ဘုရားဈေးမှ ရွှေရောင်တ၀င်းဝင်းနှင့် မြန်မာဇီးဖြစ်ပေ၏။ ဘာက ရွှေရောင်ဝင်းတာလဲလို့ မမေးလေနှင့်။ သူက မြန်မာဆန်ကြောင်းတင်စားပြောခြင်းသာ။ ထို့ကြောင့် ကိုးရီးယားကားများထဲမှ ဒိုင် (dialogue) များကို မသုံးမိစေရန်နှင့် ဘိုလိုလို ဘာလိုလို ဒိတ်မလား ဒိုင်းမလား သွားမလုပ်မိစေရန် ငှက်မဒီတို့အား စေတနာဖြင့် အကြံပြုပါသည်။ (ဇီးကွက်ကြီးက ရှက်တတ်တယ်ဗျ)

ဒီလောက်ဆိုတော်လောက်ပေပြီ။ အယ်ဒီတာမင်းလည်း တိုင်းရေးပြည်ရေးနှင့် ကျေးဇူးရှင်အရေးတို့ရှိနေသဖြင့် မိတင်နှင့်တွေ့ အဲ meeting တက်ရဦးမည်။ ဆက်လက်မေးမြန်းလိုသမျှကို မိုင် စက်ကပ်ကြေးထံတွင် မဲဆေ့ခ်ျ ထားခဲ့နိုင်ပါသည်။ မအားလပ်အောင် ဘလော့ဂင်းင် အဲ working နေသော်လည်း ကြိုးစားပြန်ကြား ပေးသွားပါမည်။

ပုံ။

အဖိုးတန် အမျိုးမှန် အညိုရောင်ပျားရည်

ခေတ်တ - အနောက်ဖက်ကမ်းပါး။